San Juan 5:36 - Mixteco Metlatónoc

³⁶ Ndi su chee ni ka va iin ña ndakuiin xaꞌa yuꞌu nuu tuꞌun ña ndikaꞌan ra Juan, saa chi chiñu ña xa va yu ke ndakuiin xaꞌa yu, ra Tata yu Ndioxi va kuvi ra taxi chiñu yoꞌo ndaꞌa yu ña saxinu yu nuu ña, ra mii chiñu yoꞌo ke ndakuiin tu xaꞌa va yu ña tiꞌvi ra yuꞌu vaxi yu.

San Juan 5:36 Referans Kwoze

San Juan 10:25

Ra saa ndakuiin Jesús kachi ra saa xiꞌin ndia: ―Xa ndikaꞌan va yu xiꞌin ndo, ra xïin ndo kandixa ndo yuꞌu. Ra takundiꞌi chiñu ña ^xa yu xiꞌin ndiayu Tata yu, ra ña kan kuvi ña ndakuiin xaꞌa yu ña ndixa ke kuu yu seꞌe va ra.

San Juan 15:24

Ra tu kuëe ndixa yu, ña xituꞌun ña täan sa ndia nii yuvi kuni na, saa ra köo vi kuachi na, ndi su vichin, ra xa xini va na ña xituꞌun xa yu, ra xaꞌa ña kan ke ^kundasi na yuꞌu, ra ^kundasi tu na Tata yu Ndioxi va.

San Juan 2:23

Ra saa kuu Jesús íin ra ñuu Jerusalén ta ndasakaꞌnu na viko pascua, ra kuaꞌa ka vi yuvi xaꞌa ^kandixa ñaꞌa, te xini na ña kuaꞌa ni ña xituꞌun xa ra.

1 San Juan 5:9

Yoo, ra kandixa va yo yuvi taꞌan yo te ndatuꞌun na xaꞌa ndia ndia ka ñaꞌa xiꞌin yo, ra xaꞌa ña kan ke xiniñuꞌu ni ka va na kandixa yo tuꞌun ña ndatuꞌun Tata yo Ndioxi xiꞌin yo, saa chi ndiaa yaꞌvi ni ka va ña kan; saa chi xaꞌa seꞌe va ra kuvi ña ndakani ra nuu yo.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Juan 3:17

Ra nditïꞌvi Ndioxi seꞌe ra ña kixi ra ña kaꞌan ra ña na ndoꞌo na yuuvi yoꞌo xaꞌa kuachi na, chi xaꞌa ña sakaku va ra na ke kixi ra.

San Mateo 11:4

Ra saa ndakuiin Jesús kachi ra saa xiꞌin ndia: ―Kuaꞌan ndo ra ndatuꞌun ndo xiꞌin ra Juan xaꞌa ña ^xini ndo xiꞌin ña ^xini soꞌo ndo ra na kundaa ini ra.

Hechos 2:22

’Ra xaꞌa ña kan ke na tiaa soꞌo ndoꞌo na ñuu Israel ña ka̱ꞌa̱n yu xiꞌin ndo vichin xaꞌa Jesús ra ke̱e ñuu Nazaret: Ra xa kundaa va ini ndo chi Jesús, ra ndiee Ndioxi va ke ndixiyo xiꞌin ra; ña kan ke vaꞌa xa̱ ra kuaꞌa ni ña vaꞌa xiꞌin ña ndichi, xiꞌin ña xituꞌun.

San Juan 5:32

Ndi su iyoo va iin tiaa ra ndakuiin xaꞌa yu, ra kundaa ini yu chi ña kaꞌan ra kan, ra ña ndixa ni va kuvi ña.

San Juan 4:34

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Juan 17:4

’Ra xa ndañaꞌa va yu yoꞌo nuu na yuuvi ña kaꞌnu ni kun, xaꞌa ña xa saxinu yu takundiꞌi chiñu ña xaꞌndia kun nuu yu sa yu.

San Juan 11:37

Ra sava tu na kaꞌan kachi saa: ―Ra yoꞌo, ra vaꞌa va sandaꞌa ra nuu na kuaa, ¿ra a väꞌa saa ndixa ra, ña täxi kuvi ra Lázaro? ―kachi na.

San Lucas 2:49

Saa ndakuiin ra, kachi ra saa: ―¿Nichuun ndanduku ndo yuꞌu? ¿A kundäa ini ndo chiñu Tata yu, ra iyoo ndivi va ke xiniñuꞌu sa yu? ―kachi ra xiꞌin na.