San Juan 5:28 - Mixteco Metlatónoc

²⁸ Ra na ndakända ni ini ndo xaꞌa ña kaꞌan yu ña yoꞌo xiꞌin ndo, saa chi vaxi kii ra takundiꞌi na xa ndixiꞌi ndoꞌni tixi ñuꞌu ra kuni va soꞌo na tachi ra.

San Juan 5:28 Referans Kwoze

Apocalipsis 20:12

Ra saa xini yu na ndii: na kuu mii chiñu naꞌnu xiꞌin na ndaꞌvi, ra ndita na nuu Ndioxi. Ra saa ndanuña kuaꞌa ni libro, ra ^ndanuña tu libro nuu ^ndoso kivi na kutiaku xiꞌin Ndioxi va. Ra saa xandaku Ndioxi kuachi xiꞌin na ndii kan, ra ta kuꞌva iyoo mii chiñu ña xa na kachi libro kan ke, iyoo ña xa ra xiꞌin va na.

Filipenses 3:21

Ra ra kan kuvi ra, ndasama iki kuñu ña vita ni kuu mii yo yoꞌo, ra ndasa ra ña ta kuꞌva iyoo iki kuñu mii ra, ña vaꞌa va. Ra ndiee ña kuu mii ra, ña xiniñuꞌu ra ña ^xaꞌndia chiñu ra nuu iinii saa ña yuuvi va kuvi ña kuniñuꞌu ra ña ndasama ra iki kuñu yo.

1 Corintios 15:22

Ra ña kuu takundiꞌi yuvi ndiseꞌe ra Adán ke xiꞌi va na, ra ña kuu tu yuvi kuenda Tata yo Jesucristo ke niꞌi na kutiaku va na.

San Juan 3:7

Ra na ndakända ini kun ña kaꞌan yu ña yoꞌo xiꞌin kun: “Chi ña xiniñuꞌu va ke ndakaku xaa yuvi.”

San Juan 5:20

Saa chi Iva ra, ra kuꞌvi ni va ini ra xini ra ra, ña kan ke ñaꞌa ra takundiꞌi va chiñu ña ^xa ra nuu ra; ra chiñu chee vaꞌa ka va ñaꞌa ra nuu ra kuni ndo, ra saa ke tiaa ni ka va ndakanda ini ndo.

San Juan 4:21

Ra saa ndakuiin Jesús kachi ra saa xiꞌin ña: ―Nana, na kandixa kun tuꞌun ña kaꞌan yu xiꞌin kun, chi xa ndixaa va kii ña xiniñüꞌu ka ndiakua kixi vi ndo xiki yoꞌo ña ndasakaꞌnu ndo Ndioxi, ra nii ñuu Jerusalén ke xiniñüꞌu kuꞌun vi ndo, ña ndasakaꞌnu ndo ra.

Hechos 3:12

Ra ta xini ra Pedro ña ndixaa ni yuvi nuu ndita ndia, ra saa ndikaꞌan ra xiꞌin na kachi ra saa: ―Na taꞌan yo Israel, ¿nichuun ke ^ndakanda ni ini ndo xíní ndo nduꞌu xaꞌa ña ndu̱vaꞌa tiaa yoꞌo? ¿Ra nichuun ke xitoꞌni ni ndo nuu ndi ra a nduꞌu va kuvi ndia yii, ndia iyoo ndiee ña sandaꞌa ndi ra, ra vaꞌa ndakaka ra, tuvi ndo? Ra na kundaa ini ndo chi süvi nduꞌu kuvi ndia ndisandaꞌa ra.

San Juan 4:23

Ra vichin ke xa ndixaa va kii, ra na ndinuni ni ini ndasakaꞌnu Ndioxi, ra na ndasakaꞌnu ni ka va na Tata na Ndioxi xiꞌin ndiee Tachi Yii ra xiꞌin ña ndaa ta kuꞌva kuni mii ra, saa chi taꞌan na kan kuvi na kuni va Tata yo Ndioxi.

San Juan 5:25

Ra ña ndixa ke kaꞌan yu xiꞌin ndo, saa chi vaxi kii, ra xa mii kii vichin kuvi va ña kuni soꞌo na ndii tachi ra kuu seꞌe Ndioxi; ra na kuiin kuni soꞌo kuvi na niꞌi kutiaku va.

Hechos 24:15

Ra mii ña ndiaa ini ndia judío taꞌan yu yoꞌo ke ndiaa ini tu yuꞌu va, saa chi kandixa va yu ña sandatiaku Ndioxi na ndii, ra nii na vaꞌa kuvi na, ra nii na väꞌa kuvi va na chi sandatiaku va na sa ra.