San Juan 4:34 - Mixteco Metlatónoc

³⁴ Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Juan 4:34 Referans Kwoze

San Juan 6:38

Saa chi yuꞌu, ra ña kee yu ndivi vaxi yu, ra ndixäa yu ña sa yu ña kuni mii yu, chi ña xiniñuꞌu sa yu ke na saxinu yu nuu chiñu Tata yu Ndioxi, ra tiꞌvi yuꞌu vaxi va yu.

San Juan 5:30

Saa ndikaꞌan Jesús xiꞌin ndia kachi ra saa: ―Yuꞌu, ra süvi xiꞌin ndiayu mii yu ke xa ndaku yu kuachi xiꞌin yuvi, chi xiꞌin ndiayu Tata yu ra tiꞌvi yuꞌu vaxi va yu ke xa ndaku yu ña xiꞌin na, ra ndaku ni va ^tiin yu kuachi xiꞌin na.

San Juan 17:4

’Ra xa ndañaꞌa va yu yoꞌo nuu na yuuvi ña kaꞌnu ni kun, xaꞌa ña xa saxinu yu takundiꞌi chiñu ña xaꞌndia kun nuu yu sa yu.

San Juan 19:30

Ra te ndiꞌi xiꞌi Jesús ndutia iyá kan, ra saa ndikaꞌan ra, kachi ra saa: ―Xa saxinu yu nuu takundiꞌi va chiñu ―*kachi ra. Ndia saa ra nduviko sukun ra, ra ndixiꞌi va ra.

San Mateo 26:39

Ra saa kuxika ra loꞌo nuu ndee ndia, ra ikan xikusiti ra, ra iin ndiakua nditiandiaa tiaan ra ndia nuu ñuꞌu, ra xaꞌa ra kaꞌan ra xiꞌin Ndioxi kachi ra saa: ―Tata, tu ña kuvi ke, ra na yaꞌa va tundoꞌo, ña kuyachin vaxi nuu yu; ndi su na köo ña kuni yuꞌu, chi na koo ña kuni yoꞌo va ―^kachi ra xiꞌin Ndioxi.

San Juan 5:36

Ndi su chee ni ka va iin ña ndakuiin xaꞌa yuꞌu nuu tuꞌun ña ndikaꞌan ra Juan, saa chi chiñu ña xa va yu ke ndakuiin xaꞌa yu, ra Tata yu Ndioxi va kuvi ra taxi chiñu yoꞌo ndaꞌa yu ña saxinu yu nuu ña, ra mii chiñu yoꞌo ke ndakuiin tu xaꞌa va yu ña tiꞌvi ra yuꞌu vaxi yu.

San Juan 4:32

Ra saa ndikaꞌan ra xiꞌin ndia kachi ra saa: ―Xa iyoo va ñaꞌa ña kuxi yu, ra xïni vi ndoꞌo ña ―kachi ra xiꞌin ndia.

San Lucas 19:10

Saa chi yuꞌu ra xaa yoꞌo vichin, kuvi ra xaa ndanduku na nindoñuꞌu, ra sakaku yu na ―kachi ra.

Hebreos 12:2

Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiꞌin kuaꞌa nuu iin tiayu kaꞌnu nduꞌu Tata yo Ndioxi.

San Lucas 15:10

Ra mii ña ndixa kaꞌan yu xiꞌin ndo, saa chi ^kusii ni va ini Ndioxi ra saa tu na tatun va ra, xaꞌa na indaa na nandiko ini xaꞌa kuachi ―*kachi Jesús xiꞌin ndia.

Hechos 20:35

Ra tuku tuku sañaꞌa yu ndoꞌo, ña xiniñuꞌu sachiñu ndo, ra saa ke kuvi chindiee taꞌan ndo xiꞌin na kumani ñaꞌa nuu. Ra na ndakaꞌan ndo xaꞌa tuꞌun ña ndikaꞌan Tata yo Jesús, ta kachi ra ra suꞌva: “Vaꞌa ni ka va kee na taxi ñaꞌa ndaꞌa inka yuvi, nuu ña ndakiꞌin mii na ña ndaꞌa yuvi kan”, ―kachi ra.

San Juan 6:33

Ra ixta ña taxi Ndioxi kuvi tiaa ra kee ndivi ra xaa ra nuu ña yuuvi yoꞌo vichin, ra ^taxi ra ña kutiaku takundiꞌi va na yuuvi ―kachi Jesús xiꞌin na.

San Mateo 3:15

Ra saa ndakuiin Jesús kachi ra saa: ―Xiniñuꞌu na sakuchi va kun yuꞌu vichin, ra saa ke na saxinu yo nuu takundiꞌi chiñu ña xaꞌndia Ndioxi ―kachi Jesús xiꞌin ra. Ra saa vi ke sakuchi ra ra.

San Lucas 2:49

Saa ndakuiin ra, kachi ra saa: ―¿Nichuun ndanduku ndo yuꞌu? ¿A kundäa ini ndo chiñu Tata yu, ra iyoo ndivi va ke xiniñuꞌu sa yu? ―kachi ra xiꞌin na.

San Juan 8:29

Saa chi íin va ra tiꞌvi yuꞌu vaxi yu xiꞌin yu; Tata yu ra täan ndakoo mituꞌun ra yuꞌu, saa chi niña xa va yu ña kuni ra ―kachi ra xiꞌin ndia.

San Juan 19:28

Ra te ndiꞌi kuu ña yoꞌo, ra xa kundaa va ini Jesús, ña xa ndixinu nuu takundiꞌi va chiñu xa ra, ra saa ndikaꞌan ra, kachi ra saa: ―Ichi ni ini yu ―*kachi ra. Ra tuꞌun yoꞌo ke ndikaꞌan ra, ña vaꞌa na xinu nuu tuꞌun Ndioxi ña kaꞌan xaꞌa ra, ndia te yachi vi.

San Mateo 9:19

Ra saa ndakiꞌin Jesús kuaꞌan ra xiꞌin ra Jairo, ra kuaꞌan tu ndia itaꞌan xiꞌin Jesús va.