San Juan 4:31 - Mixteco Metlatónoc

³¹ Ra nani saa kuu yuvi yoꞌo kuaꞌan na nuu nduꞌu ra, ra saa xaꞌa ndia itaꞌan xiꞌin ra ña xakundaꞌvi ndia nuu ra, ra kaꞌan ndia kachi ndia saa: ―Rabí, kuxi va ra loꞌo ―kachi ndia xiꞌin ra.

San Juan 4:31 Referans Kwoze

San Juan 1:38

Ra saa ndikokuiin Jesús ndakutoꞌni ra, ra xini ra ña ndikun ndia kuaꞌan ndia sata ra, ra saa ndindakatuꞌun ra ndia kachi ra saa: ―¿Ni ke ^ndanduku ndo? ―kachi ra xiꞌin ndia. Ra saa ndakuiin ndia kachi ndia saa: ―Rabí, ¿ndia mii ke iyoo kun? ―kachi ndia xiꞌin ra. Tuꞌun “Rabí” yoꞌo, ra “maestro” va ke kachi ña.

San Mateo 23:7

Ra kuni ni tu ndia ña na satoꞌo yuvi ndia, te ndakutaꞌan na xiꞌin ndia nuu yaꞌvi, ra “maestro” ke na kachi yuvi xiꞌin ndia kuni ndia.

San Mateo 23:8

’Ndi su ndoꞌo ra ndiätu ndo ña kaꞌan na “maestro” xiꞌin ndo, saa chi ndoꞌo ra iin kuvi va ndo xiꞌin takundiꞌi yuvi, ra indaa mituꞌun va kuu Cristo ra kuu Maestro ndo.

San Mateo 26:25

Ra saa ndakuiin ra Judas, ra ^kuni ndataxi Jesús ndaꞌa na saa ini, kachi ra saa: ―¿A yuꞌu kuvi ra sa saa, Tata Maestro? ―kachi ra. Saa ndikaꞌan Jesús xiꞌin ra kachi ra saa: ―Xa mii kun ndikaꞌan va ―kachi ra xiꞌin ra.

San Mateo 26:49

Ra te ndixaa ndixa ra Judas, saa ra ndikun kuyachin va ra nuu iin Jesús, ra ndikaꞌan ra xiꞌin ra kachi ra saa: ―¿A iyoo vaꞌa kun, Tata Maestro? ―kachi ra xiꞌin ra. Ra saa nditiandiaa yuꞌu ra nuu Jesús, ña ndikaꞌan Ndioxi ra xiꞌin ra.

San Marcos 9:5

Ra saa ndikaꞌan ra Pedro xiꞌin Jesús, kachi ra saa: ―Tata Maestro, tiaa ni vaꞌa ña ndee yo yoꞌo vichin, tu kuni kun ra na savaꞌa ndi uni veꞌe tuvíxi̱n vali, iin ña koo yoꞌo, ra iin ña koo ra Moisés, ra iin ña koo ra Elías ―kachi ra xiꞌin Jesús.

San Marcos 11:21

Ra saa ndakaꞌan ra Pedro ña satavi̱ chiꞌña Jesús nu, saa ndikaꞌan ra xiꞌin Jesús, kachi ra saa: ―Tata Maestro, ¡Koto vii! ¡Xa ndachi̱ va itun koxi, tu satavi̱ chiꞌña kun! ―kachi ra.

San Marcos 14:45

Te ndi̱xàà ndixa ra Judas, saa ndikun kuyachin ra nuu Jesús ra ndikaꞌan ra kachi ra saa: ―¡Tata Maestro! ¡Tata Maestro! kachi ra. Saa nditiandiaa yuꞌu ra nuu Jesús, ña ndikaꞌan ndioxi ra xiꞌin ra.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Juan 3:26

Ra saa kee sava ndia ndixaꞌan ndia nuu ra Juan ra ndikaꞌan ndia xiꞌin ra kachi ndia saa: ―Maestro, kutoꞌni, chi ra ndixiin xiꞌin kun chi inka xiyo yuꞌu itia Jordán, ra ndikaꞌan kun xaꞌa, ra vichin ra ^sakuchi tu ra kan va yuvi, ra kuaꞌa ni ka va na kuaꞌan nuu ra kan ―kachi ndia xiꞌin ra Juan.

San Juan 4:30

Ra saa kee takundiꞌi na ñuu kan kuaꞌan na nu nduꞌu Jesús.

San Juan 4:32

Ra saa ndikaꞌan ra xiꞌin ndia kachi ra saa: ―Xa iyoo va ñaꞌa ña kuxi yu, ra xïni vi ndoꞌo ña ―kachi ra xiꞌin ndia.

San Juan 6:25

Ra te ndixaa yuvi kan chi inka xiyo yuꞌu tiañuꞌu, ra ikan ndaniꞌi taꞌan na xiꞌin Jesús, ra saa ndikaꞌan na xiꞌin ra kachi na saa: ―Tata Maestro, ¿ama xaa kun yoꞌo? ―*kachi na xiꞌin ra.

San Juan 9:2

Ra saa ndindakatuꞌun ndia itaꞌan xiꞌin Jesús kachi ndia saa: ―Tata Maestro, ¿nichuun ke kaku kuaa tiaa yoꞌo? ¿A mii ra kuvi ra iyoo kuachi? ¿A xaꞌa kuachi na iva siꞌi va ra ke? ―kachi ndia.

San Juan 11:8

Ra saa ndikaꞌan ndia xiꞌin ra kachi ndia saa: ―Tata Maestro, sakan ndiaꞌvi kii va ke kuni na judío na ndee kan kaꞌni na yoꞌo xiꞌin yuu, ¿ra a tuku va ichi kuni kuꞌun kun? ―kachi ndia.