San Juan 4:1 - Mixteco Metlatónoc

¹ Ra saa kuu ra kundaa va ini ndia fariseo ña kuaꞌa ni ka yuvi ndakundikun sata Jesús nuu ra Juan, saa chi viꞌi ni ka va na sakuchi ra nuu ra Juan.

San Juan 4:1 Referans Kwoze

San Juan 3:26

Ra saa kee sava ndia ndixaꞌan ndia nuu ra Juan ra ndikaꞌan ndia xiꞌin ra kachi ndia saa: ―Maestro, kutoꞌni, chi ra ndixiin xiꞌin kun chi inka xiyo yuꞌu itia Jordán, ra ndikaꞌan kun xaꞌa, ra vichin ra ^sakuchi tu ra kan va yuvi, ra kuaꞌa ni ka va na kuaꞌan nuu ra kan ―kachi ndia xiꞌin ra Juan.

San Juan 3:22

Te ndiꞌi yoꞌo, ra sa ndakiꞌin Jesús kuaꞌan ra xiꞌin ndia itaꞌan xiꞌin ra chi Judea, ra ikan ndixiyo ra iin ndiaꞌvi kii xiꞌin na ñuu kan, ra sakuchi tu ra yuvi va.

2 Corintios 4:5

Ra ña xika ndi kaꞌan ndoso ndi tuꞌun Ndioxi, ra käꞌan ndoso ndi xaꞌa mii ndi, chi xaꞌa Jesucristo va ke kaꞌan ndoso ndi ña kuu ra Tata yo; ra ña kaꞌan tu ndi xaꞌa mii ndi ke kuu ndi, ndia xachiñu nuu ndoꞌo xaꞌa ña kundaꞌvi ini Tata yo Jesucristo xini ra yoo va.

1 Corintios 15:47

Ra tiaa ra nuu, ra xiꞌin ñuꞌu va ke kuvaꞌa ra, ra ta kuꞌva iyoo mii yo ke ndixiyo va ra; ndi su tiaa ra uvi ra kuu Tata yo Jesucristo, ra ndivi va ke kee ra kan.

1 Corintios 2:8

Ra ndia nii yuvi na xaꞌndia chiñu iyoo nuu ña yuuvi yoꞌo ndikundäa ini xiꞌin ña ndichi yoꞌo, saa chi tu ndikundaa ini na xiꞌin ña, saa ra kätakaa vi na Tata yo Jesucristo ra kuu mii takundiꞌi ndiee ndaꞌa cruz.

Hechos 10:36

Ra mii tuꞌun yoꞌo ke ndikaꞌan tu ra xiꞌin na ñuu Israel va, ña tiꞌvi ra Jesucristo kixi ra ndikaꞌan ndoso ra tuꞌun vaꞌa ña ndakundee vii na xiꞌin, ra mii ra kuu tu Tata takundiꞌi va yuvi.

Apocalipsis 19:16

Ra nuu tikoto ña ^ndixi ra, xiꞌin siꞌin ra ke ndikaꞌyu tuꞌun ña kaꞌan kachi saa: “Rey ra kuchee nuu takundiꞌi na kuu rey kuvi ra, Ra kuu tu ra Iva takundiꞌi na kunaꞌnu va”, ^kachi ña.

Santiago 2:1

Ñani yo, na ndakäxin ndo yuvi ña xa siin, xa siin sa ndo xiꞌin na vichin, xaꞌa ña xa ndikun ndo Tata yo Jesucristo, ra kaꞌnu.

San Lucas 2:11

Chi vichin kaku iin ra loꞌo ñuu Belén, nuu kaku ra rey David; ra ra loꞌo yoꞌo ku Cristo, ra kaꞌnu nuu yo, ra ra ndikaxin Ndioxi sakaku ndoꞌo kuvi ra.

San Lucas 19:34

Ra saa ndakuiin ndia yuꞌu na, kachi ndia saa: ―Tata yo kuniñuꞌu ri, ña kan ke ndaxi ndi ri ―kachi ndia.

San Lucas 19:31

Ra tu ndia na ndakoyo kaꞌan xiꞌin ndo: “¿Nichuun ndaxi ndo ri?”, kachi na, ra kaꞌan ndo xiꞌin na xiꞌin na kachi ndo saa: “Tata yo Jesús kuvi ra kuniñuꞌu ri”, kachi ndo ―kachi ra xiꞌin ndia.

San Lucas 1:76

Ra yoꞌo tu, ra loꞌo seꞌe mii yu, ra ra kaꞌan ndoso tuꞌun yuꞌu Ndioxi, ra kaꞌnu, va kuu kun. Ra kunuu kun nuu Tata yo kuꞌun kun ña ndasavii kun ichi ra.

San Lucas 7:13

Ra ta xini Jesús ñaꞌa yoꞌo, ra kundaꞌvi ni ini ra xini ra ña, ra ndikaꞌan ra xiꞌin ña kachi ra saa: ―Nana, xäku kun ―kachi ra.

San Lucas 7:19

ra tiꞌvi ra ndia kuaꞌan ndia ndakatuꞌun ndia Jesús ña vaꞌa na kundaa ini ra: a ra kan kuvi ra xa iyoo tuꞌun xa kixi sakaku na yuuvi yoꞌo, a kundiatu ndia inka va ra, kachi ra Juan xiꞌin ndia.

1 Corintios 1:17

Ra na kundaa ini ndo, chi nditïꞌvi Cristo yuꞌu ña sakuchi yu yuvi, chi chiñu ña taxi ra ndaꞌa yu ke kaꞌan ndoso yu tuꞌun vaꞌa xaꞌa ra nuu va na; ra süvi xiꞌin tuꞌun nduvi ña sandaku ini mii yu ke ^ndakani yu ña nuu na, saa chi tu saa na sa yu, saa ra, süvi vi ndiee Cristo ra ndixiꞌi ndika cruz ke xiniñuꞌu yu.