San Juan 3:31 - Mixteco Metlatónoc

³¹ ’Ra ra kee chi ndivi kuvi ra kaꞌnu nuu takundiꞌi va na yuuvi yoꞌo. Ra na iyoo nuu ña yuuvi yoꞌo, ra ña iyoo nuu ña yuuvi yoꞌo ke kaꞌan na xaꞌa va, ndi su ra kee chi ndivi kuvi ra kaꞌnu nuu takundiꞌi va yuvi.

San Juan 3:31 Referans Kwoze

San Juan 8:23

Ra saa ndakuiin Jesús kachi ra saa xiꞌin ndia: ―Ndoꞌo, ra nuu ñuꞌú yoꞌo va ke ndee ndo, ndi su yuꞌu, ra ndivi va kee yu; ndoꞌo, ra na yuuvi yoꞌo va kuvi ndo, ndi su yuꞌu, ra süvi ra yuuvi yoꞌo kuvi yu.

San Mateo 28:18

Ra saa kuyachin Jesús nuu ndia, ra ndikaꞌan ra xiꞌin ndia kachi ra saa: ―Ndaꞌa yuꞌu ke ndataxi Ndioxi takundiꞌi ndiayu ña kaꞌndia yu chiñu ndivi, ra saa tu nuu ña yuuvi yoꞌo va.

Romanos 9:5

Ra ndiseꞌe na xii xikua na kuvi tu Cristo va xaꞌa ña nduu ra iki kuñu ña kixi ra nuu ña yuuvi yoꞌo, ra ra kan kuvi Ndioxi ra xaꞌndia chiñu nuu takundiꞌi va ñaꞌa, ra ra kaꞌnu ni va kuvi ra ndia ndikaa ndikuꞌun. Saa iyoo va ña.

San Juan 6:33

Ra ixta ña taxi Ndioxi kuvi tiaa ra kee ndivi ra xaa ra nuu ña yuuvi yoꞌo vichin, ra ^taxi ra ña kutiaku takundiꞌi va na yuuvi ―kachi Jesús xiꞌin na.

1 San Juan 4:5

Ra yuvi kan, ra na yuuvi yoꞌo va kuvi na, ra ñaꞌa ña kuëe kuni Tata yo Ndioxi, iyoo nuu ña yuuvi yoꞌo va kuvi ña kaꞌan na xaꞌa, ra xaꞌa ña kan ke na yuuvi yoꞌo kuvi na tiaa soꞌo ña kaꞌan va na.

San Juan 6:51

Ra Yuꞌu va kuvi ra kuu ixta ña tiaku ña kee ndivi; ra na kuxi ixta yoꞌo kuvi na kutiaku iin ndisaa kii iin ndisaa tiempo va; Ra ixta ña taxi yu kuxi na, kuvi iki kuñu va yu. Ra taxi yu ña xaꞌa ña kutiaku na yuuvi va ―kachi ra xiꞌin na.

Apocalipsis 19:16

Ra nuu tikoto ña ^ndixi ra, xiꞌin siꞌin ra ke ndikaꞌyu tuꞌun ña kaꞌan kachi saa: “Rey ra kuchee nuu takundiꞌi na kuu rey kuvi ra, Ra kuu tu ra Iva takundiꞌi na kunaꞌnu va”, ^kachi ña.

1 San Pedro 3:22

Ra Tata yo Jesucristo, ra ndivi va ke nandaa ra, ra ndakunduꞌu ra xiin kuaꞌa tiayu kaꞌnu nuu nduꞌu Tata yo Ndioxi, ra xaꞌndia ra chiñu nuu na tatun Tata yo Ndioxi, ra saa tu nuu takundiꞌi ndiee ña xaꞌndia chiñu ndivi, ra saa tu nuu ndiee ña xaꞌndia chiñu nuu ña yuuvi yoꞌo va.

San Juan 1:27

Ra ra kan kuvi ra ndikun vaxi sata yuꞌu, ra xa ta yachi vi ke iyoo ra kan nuu yuꞌu. Ra yuꞌu, ra ndia nii ñii ndixan vi ra ke köo ndiayu yu ndaxi yu ―kachi ra xiꞌin ndia.

Hechos 10:36

Ra mii tuꞌun yoꞌo ke ndikaꞌan tu ra xiꞌin na ñuu Israel va, ña tiꞌvi ra Jesucristo kixi ra ndikaꞌan ndoso ra tuꞌun vaꞌa ña ndakundee vii na xiꞌin, ra mii ra kuu tu Tata takundiꞌi va yuvi.

Hebreos 9:1

Ra ta kindoo Tata yo Ndioxi xiꞌin na ñuu Israel te yachi kuvi ña taxi ra ndiayu ra ndaꞌa na, ra ndiayu kan kuvi ña ndikaꞌan xiꞌin na ndia kuꞌva ke ndasakaꞌnu na ra. Ndi su takua ini veꞌe ñuꞌu ña íin nuu ñuꞌú yoꞌo va kuvi ña ^ndasakaꞌnu na ra xiꞌin ndiayu kan.

San Juan 1:30

Ra xaꞌa ra yoꞌo ke xa ndikaꞌan yu xiꞌin ndo, te kachi yu suꞌva: “Vaxi iin tiaa chi sata yu, ra ra kaꞌnu ni ka va kuvi ra kan nuu yuꞌu, saa chi xa yachi vi ke iyoo ra”, kachi yu xiꞌin ndo.

San Juan 1:15

Ra suꞌva ke kachi ra Juan ndikaꞌan ra xaꞌa ra kuu tuꞌun kan: ―Ra yoꞌo ku ra ndikaꞌan yu xaꞌa xiꞌin ndo, te ndikaꞌan yu kachi yu suꞌva: “Tiaa ra ndikun vaxi chi sata yuꞌu, ra ra kaꞌnu ni ka va kuvi ra kan nuu yuꞌu, saa chi xa yachi vi ke iyoo ra kan nuu yuꞌu” ―kachi ra Juan.

San Juan 3:30

Ra ra kan kuvi ra, xiniñuꞌu kuaꞌnu ra nduu ra ra kaꞌnu va, ra yuꞌu kuvi ra ndakundikun va ―kachi ra.