San Juan 3:11 - Mixteco Metlatónoc

¹¹ Ña ndixa ke kaꞌan yu xiꞌin kun chi ña ^xíni̱ ndi xaꞌa va ke kaꞌan ndi xaꞌa xiꞌin ndo; ra ña xini nuu tu ndi ke ^ndatuꞌun ndi xiꞌin ndo xaꞌa va; ndi su ndoꞌo, ra xïin ndo kandixa ndo ña kaꞌan ndi.

San Juan 3:11 Referans Kwoze

San Juan 8:38

Yuꞌu, ra chiñu ña sañaꞌa Tata yu yuꞌu va ke kaꞌan yu xaꞌa xiꞌin ndo, ra ndoꞌo, ra chiñu ña sañaꞌa iva siꞌi ndo ndoꞌo va ke ^xa ndo ―kachi ra xiꞌin na.

San Juan 14:24

Ra yuvi na küꞌvi ini xini yuꞌu, ra kandïxa vi na kan tuꞌun ña kaꞌan yu xiꞌin na. Ra tuꞌun ña xini soꞌo ndo yoꞌo, ra süvi tuꞌun yuꞌu kuvi ña, chi tuꞌun Tata yu Ndioxi ra tiꞌvi yuꞌu vaxi va yu kuvi ña.

San Juan 12:49

Saa chi yuꞌu, ra süvi ña kuni mii yu ke kaꞌan yu; chi Tata yu ra tiꞌvi yuꞌu va kuvi ra xaꞌndia chiñu nuu yu, ndia ña ke xiniñuꞌu kaꞌan yu, ra ndia ña ke xiniñuꞌu sañaꞌa yu ndoꞌo.

San Juan 8:14

Ra saa ndakuiin Jesús kachi ra saa xiꞌin ndia: ―Vaꞌa ni mii yu ku ra ndakuiin xaꞌa va yu, ndi su ndiaa yaꞌvi va ña kaꞌan yu. Saa chi yuꞌu ra kundaa va ini yu ndia chi ke kee yu, ra kundaa tu ini yu ndia chi ke kuꞌun va yu; ndi su ndoꞌo ra kundäa ini vi ndo ndia chi ke kee yu, ra nii kundäa tu ini ndo ndia chi kuꞌun va yu.

San Juan 7:16

Ra saa ndakuiin Jesús kachi ra saa xiꞌin na: ―Ña sañaꞌa yu, ra süvi ña sandaku mii yu kuvi ña, chi ra tiꞌvi yuꞌu vaxi va yu kuvi ra ^taxi ña.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

2 Corintios 4:4

Saa chi xaꞌa ña kuëe kandixa na Ndioxi va kuvi ña sakuaa timiaꞌa, ri kuu ndioxi na yuuvi yoꞌo, ña xinituni na, ña vaꞌa na küni na ñuꞌu yeꞌe ña kuu tuꞌun Ndioxi, ña kuu mii ndiee, ña kuu kuenda Cristo, ra kuu naꞌna mii Ndioxi, ra tiaku.

San Juan 1:11

Ra nuu mii na ñuu ra ke kixi va ra, ndi su na ñuu ra ra nindakïꞌin mani na ra.

San Lucas 10:22

Ra saa ndikaꞌan ka ra xiꞌin yuvi kan kachi ra saa: ―Tata yu kuvi ra ndataxi takundiꞌi ñaꞌa ndaꞌa yu, ra ndia nii na xïni yo kuvi yuꞌu, ra kuu seꞌe Ndioxi, chi indaa Tata va yu kuvi ra kundaa ini yo kuvi yu, ra ndia nii tu na xïni yo kuvi ra kuu Tata va yu, chi indaa mituꞌun yuꞌu ra kuu seꞌe va ra kuvi ra xini yo kuvi ra, ra yuꞌu va kuvi ra ^ndañaꞌa Tata yu nuu na kuni mii yu ―kachi ra.

Apocalipsis 1:5

Ra saa tu Iva yo Jesucristo na taxi ra ña vaꞌa kutaꞌvi ndo chi ra kan kuvi mii ra ndinuni ni ^ndakuiin xaꞌa ña ^xa Ndioxi, ra ra kan kuvi ra nuu vaꞌa ndatiaku nuu takundiꞌi na ndixiꞌi, ra ra kan kuvi tu ra chee ni ka nuu takundiꞌi na kunaꞌnu xaꞌndia chiñu iyoo nuu ña yuvi yoꞌo va. Ra na ndasakaꞌnu ni yo ra chi ^kuꞌvi ni ini ra xini ra yoo, ra ndakatia ra kuachi yo xiꞌin ni̱i̱ ra,

Hechos 22:18

Ra xini yu ndichi Jesús ra ndikaꞌan ra xiꞌin yu, kachi ra saa: “Kama ni koo kun, ra ndikun kanata va kun kuꞌun kun, saa chi na ñuu Jerusalén yoꞌo, ra kandïxa vi na ña ndakani kun nuu na xaꞌa yu”, kachi ra xiꞌin yu.

San Juan 5:43

Ra yuꞌu, ra xiꞌin ndiayu Tata va yu ke vaxi yu, ra xïin ndo kandixa ndo yuꞌu, ra tu inka tu na na kixi xiꞌin ndiayu mii, saa ra ndakiꞌin mani va ndo na kan.

San Juan 3:13

’Ra na kundaa ini ndo chi ndia nii yuvi täan ndaa ndivi, ra nuu tuku na, ndi su iyoo va indaa ra kee ndivi, ra ra kan kuvi ra xaa nuu ña yuuvi yoꞌo vichin va.

San Juan 3:5

Saa ndakuiin Jesús kachi ra saa xiꞌin ra: ―Ña ndixa ke kaꞌan yu xiꞌin kun saa chi tu na ndakäku iin yuvi xiꞌin tiakuii xiꞌin Tachi yii Ndioxi, saa ra küvi vi kiꞌvi na nuu xaꞌndia Ndioxi chiñu.

San Juan 3:3

Ra saa ndikaꞌan Jesús xiꞌin ra kachi ra saa: ―Ña ndixa ke kaꞌan yu xiꞌin kun chi tu na ndakäku xaa iin yuvi, saa ra küvi vi kuni na nuu xaꞌndia Ndioxi chiñu ―kachi Jesús xiꞌin ra.

San Mateo 23:37

Saa ndikaꞌan Jesús kachi ra saa: ―¡Kusuchi ni ini yu xaꞌa ndoꞌo na ñuu Jerusalén, saa chi väꞌa vaꞌa vi ^xa ndo, chi xaꞌni ndiꞌi va ndo na kaꞌan tuꞌun yuꞌu Ndioxi, ra xakin tu ndo yuu na tiꞌvi Ndioxi vaxi nuu va ndo! ¡Ra kuaꞌa ni va ichi kuni yu ndakaya ndiꞌi yu ndoꞌo ña sakaku yu ndoꞌo, ta kuꞌva ^xa iin nduxi xiꞌin seꞌe vali ri, ta ndataan ri ri tixi ndixin ri, ra saa ke kuni yu sa yu xiꞌin ndo, ndi su ndixïin ndo!

San Mateo 11:27

Ra saa ndikaꞌan ka Jesús xiꞌin na ndee kan kachi ra saa: ―Tata yu kuvi ra ndataxi takundiꞌi ñáꞌa ndaꞌa yu. Ra ndia nii na xïni yuꞌu; chi indaa mituꞌun Tata yu Ndioxi va kuvi ra xini yuꞌu. Ra ndia nii tu na xïni Tata va yu, chi indaa yuꞌu, ra kuu seꞌe va ra kuvi ra xini ndia kuꞌva ke iyoo ra, ra saa tu yuvi na ndañaꞌa yu ra nuu va.

Apocalipsis 3:14

’Ra vichin tiaa tu tutu ña kuꞌun nuu ra tatun Ndioxi, ra ndiso chiñu xiꞌin veꞌe ñuꞌu ñuu Laodicea ra suꞌva ke kachi kun xiꞌin ra: “Ra kaꞌan ña saa ke koo vaꞌa, ra ndinuni ni ndixa ^ndakuiin xaꞌa ña xa Ndioxi, ra ndaa, ra xaꞌa chituni ña yuuvi yoꞌo xiꞌin Ndioxi kuvi ra, kachi suꞌva:

San Juan 3:12

Ra tu kandïxa ndo yuꞌu ña kaꞌan yu xaꞌa ñaꞌa ña iyoo ña yuuvi yoꞌo xiꞌin ndo, saa ra, ¿ndixaa sa tu ndo ña kandixa ndo tu na kaꞌan yu xaꞌa ñaꞌa ña iyoo chi ndivi xiꞌin ndo?

San Juan 8:26

Iyoo ni ña kaꞌan yu xaꞌa ña ^xa ndo ra sandaku tu yu xaꞌa ña xiꞌin va ndo. Ra ña ndaa va ke kaꞌan yu saa chi ra tiꞌvi yuꞌu vaxi yu ra ña ndaa va ke kaꞌan ra, ra ña ndikaꞌan ra kan xini soꞌo yu ke, kaꞌan yu xiꞌin na yuuvi yoꞌo va ―kachi ra xiꞌin ndia.