San Juan 21:17 - Mixteco Metlatónoc

¹⁷ Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.

San Juan 21:17 Referans Kwoze

San Juan 13:38

Saa ndakuiin Jesús kachi ra saa xiꞌin ra: ―¿A ndixa iyoo nduvi kun ña kuvi kun xaꞌa yu? Na kundani kun chi mii ña ndaa, ra ñuu vichin, ra xa uni va ichi tiseꞌe tuꞌun kun xaꞌa yu, ra saa kana chele ―kachi Jesús xiꞌin ra.

San Marcos 14:72

Ra saa kana va chele ichi ña uvi. Saa ndakaꞌan ra Pedro ña ndikaꞌan Jesús xiꞌin ra: ña “Xiꞌna ka uni ichi ke tiseꞌe tuꞌun kun xaꞌa yu, ra saa kana chele uvi ichi”, kachi Jesús xiꞌin ra. Ra te ndakaꞌan ra tuꞌun yoꞌo, saa ra xaꞌa ra xaku va ra.

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

Efesios 4:30

Ra na sä ndo chiñu kiꞌvi ña kuvi sakusuchi ini Tachi Yii Ndioxi. Ra na näa ini ndo, chi ña taxi Ndioxi Tachi Yii ra iyoo xiꞌin ndo ra ta kuꞌva iyoo tuni va kuvi ña iyoo ña xakin ra ndoꞌo ña kuu ndo kuenda ra, ra ña xa ra suꞌva kuvi ña kindoo tu ra xiꞌin ndo ña sakaku ra ndoꞌo kii ña vaxi va.

Hechos 15:8

Saa chi xini va Ndioxi ndia kuꞌva ke iyoo nima na, ña kan ke vaꞌa xiin ra ndakiꞌin mani ra na, ra ta kuꞌva xa ra xiꞌin yoo ña taxi ra Tachi Yii ra, ña iyoo ña xiꞌin yo ke xa tu ra xiꞌin na kan va.

San Juan 15:10

Ra tu na kandixa ndo ndiayu yu, saa ra kaka va ndo tixi ña kuꞌvi ini yu xini yu ndoꞌo, ta kuꞌva ^xa yuꞌu ña ^kandixa yu ndiayu Tata yu Ndioxi, ra xika yu tixi ña kuꞌvi ini ra xini ra yuꞌu.

San Juan 14:15

Ra saa ndikaꞌan Jesús xiꞌin ndia kachi ra saa: ―Tu ndixa kuꞌvi ini ndo xini ndo yuꞌu, saa ra na kandixa ndo ndiayu va yu.

2 San Pedro 3:1

Ñani yo, ña yoꞌo kuvi tutu ña uvi ña tiaa yu kuxaa ndaꞌa ndo, ra xaꞌa ña tiaa yu tutu ña nuu, xiꞌin xaꞌa ña ^tiaa yu tutu ña uvi yoꞌo ña kuxaa ña ndaꞌa ndo, ra xaꞌa ña kuni yu ña na ndakindiee ini ndo ra ndakani ini ndo ña sa ndo niña chiñu vaꞌa va kuvi ña.

1 San Pedro 1:6

Ra xaꞌa ña kan ke na kusii va ini ndo. Ra vaꞌa ni kuaꞌa ni va tundoꞌo vaxi nuu ndo ña xitondoso ña ndoꞌo, ndi su loꞌo va kii ra yaꞌa va ña.

2 Corintios 1:12

Ra kusii ni va ini ndi, saa chi kundaa kaxi va ini ndi, ña vivii va ^xa ndi xiꞌin takundiꞌi yuvi, ra saa tu xiꞌin ndoꞌo va, ra iyoo ikun takundiꞌi va chiñu ña xa ndi, ra ña ndaa va xa ndi. Ra süvi xiꞌin ña ndichi ña iyoo nuu ña yuuvi yoꞌo ke xa ndi ña, chi xaꞌa ña ndaꞌvi ni ini Ndioxi va ke ^chindiee taꞌan ra xiꞌin ndi ña xa ndi ña.

Hechos 1:24

Ra saa ndikaꞌan na xiꞌin Ndioxi kachi na saa: ―Tata, yoꞌo kuvi ra xíni̱ ndia kuꞌva ke iyoo nima takundiꞌi yuvi; ra kuni̱ ndi na taxi kun kuꞌva nuu ndi, ra na kundaa ini ndi ndia iin ndia yoꞌo kuvi ndia ndakaxin kun,

San Juan 18:27

Saa ra tiseꞌe tuꞌun tuku va ra Pedro xaꞌa Jesús, saa ra kana va chele.

San Juan 18:4

Ra xa kundaa va ini Jesús xaꞌa takundiꞌi tundoꞌo ña ndoꞌo ra, ra saa kuyachin ra nuu ndia ndixaa kan, ra ndikaꞌan ra xiꞌin ndia, kachi ra saa: ―¿Yoo kuvi na nanduku ndo? ―kachi ra.

San Juan 12:8

Ra na ndaꞌvi, ra iin takundiꞌi va kii ke kundee na kan xiꞌin ndo; ndi su yuꞌu, ra süvi iin takundiꞌi kii ke kuiin yu xiꞌin ndo ―*kachi ra.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

Apocalipsis 3:19

Chi yuꞌu, ra ndukueꞌe va yu xiꞌin na kuꞌvi ini yu xini yu, ra satixuꞌvi va tu yu na, ña vaꞌa na ndundaku chiñu ña ^xa na; ra na ndachikaa kun ndiee, ra na ndandiko ini kun nuu Ndioxi.

San Juan 21:18

Saa ndikaꞌan ka Jesús xiꞌin ra Pedro, kachi ra saa: ―Ña ndixa ke kaꞌan yu xiꞌin kun: chi te ndixiyo itia kun, ra vaꞌa ndakundixi mii va kun tikoto kun, ra ndixika kun chi nuu kuni mii va kun, ndi su te xa na kutoꞌo kun, ra ndia ndaꞌa va kun sandakaa kun, ra inka va na sandakundixi tikoto yoꞌo, ra kundiaka na yoꞌo, kuꞌun kun nuu küni kun kuꞌun va kun ―*kachi ra.

San Juan 4:16

Ra saa ndikaꞌan Jesús xiꞌin ña kachi ra saa: ―Kuaꞌan ndakiꞌin yii kun ra na kixi ra xiꞌin kun yoꞌo ―kachi ra xiꞌin ña.

Hechos 11:10

Ra uni vi ichi ke ndikaꞌan tachi kan xiꞌin yu, ra saa nandaa tikoto ña ñuꞌu kiti ini kan kuanuꞌu ña chi ndivi va.