San Juan 20:31 - Mixteco Metlatónoc

³¹ Ndi su ndikaꞌyu va tu sava ña xituꞌun ña xa ra, nuu tutu yoꞌo, ña kan ke vaꞌa na kandixa ndo Jesús, ña kuu ra, ra ndikaxin Ndioxi sakaku na yuuvi yoꞌo, ra ra yoꞌo kuvi seꞌe Ndioxi va, ra na ^kandixa ñaꞌa, ra niꞌi va na ña kutiaku xiꞌin ra, ndia ndikaa ndikuꞌun.

San Juan 20:31 Referans Kwoze

Hechos 10:43

Ra suvi xaꞌa ra kan ke xa ndikaꞌan tu na ndikaꞌan ndoso tuꞌun yuꞌu Ndioxi xinaꞌa ta kachi na suꞌva va, takundiꞌi na xiin kandixa kivi ra, ra koo kaꞌnu va ini ra xaꞌa kuachi na, kachi na ―kachi ra Pedro xiꞌin na.

1 San Juan 5:1

Ra takundiꞌi yuvi na kandixa Tata yo Jesús ña kuu ra Cristo, ra ndikaxin Tata yo Ndioxi kixi ndixiꞌi xaꞌa yo, ra na kan kuvi na kuu seꞌe Tata yo Ndioxi va; ra yuvi na kuꞌvi ini xini Tata yo Ndioxi, ra kuꞌvi tu ini na xini na yuvi na kuu seꞌe va ra.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

1 San Juan 4:15

Ra takundiꞌi yuvi na ndakuni ña kuu Tata yo Jesucristo seꞌe Tata yo Ndioxi, saa ra itaꞌan va Tata yo Ndioxi xiꞌin na, ra itaꞌan tu na kan xiꞌin va ra.

San Juan 3:36

Ra na kandixa seꞌe Ndioxi, ra niꞌi va na kan ña kutiaku na ndia ndikaa ndikuꞌun; ndi su na xïin kandixa seꞌe Ndioxi, ra nïꞌi vi na kan ña kutiaku na xiꞌin ra, chi ña niꞌi na kan kuvi tundoꞌo ndiee ña taxi Ndioxi va.

San Juan 3:18

’Ra takundiꞌi na kandixa Seꞌe Ndioxi ra ^käꞌan ra ña ndoꞌo na xaꞌa kuachi na; ra na xïin kandixa ñaꞌa ra ^kaꞌan va ra ña na ndoꞌo na kan xaꞌa kuachi na, saa chi xïin na kandixa na seꞌe Ndioxi ra mituꞌun.

2 San Juan 1:9

Ra na kundaa ini ndo, chi yuvi na kanduu tuꞌun ña sañaꞌa Tata yo Jesucristo, ra süvi vi Tata yo Ndioxi kuvi ra itaꞌan na xiꞌin; ndi su yuvi na ^sañaꞌa ta kuꞌva iyoo tuꞌun ña sañaꞌa Tata yo Jesucristo, ra itaꞌan va na kan xiꞌin Tata yo Ndioxi, ra saa tu xiꞌin Tata yo Jesucristo, ra kuu seꞌe va ra.

San Juan 6:40

Ra ña kuni ra tiꞌvi yuꞌu vaxi yu ke: na ndoñüꞌu takundiꞌi yuvi na xitoꞌni nuu yu ra kandixa na yuꞌu, ra na kan kuvi na kutiaku ndia ndikaa ndikuꞌun; ra yuꞌu kuvi ra sandatiaku ñaꞌa kii ña vaxi ―kachi ra.

San Juan 19:35

Ra ra ^ndakani xaꞌa ña yoꞌo, ra ña xini nuu ra kuu va, kuvi ña ndatuꞌun ra xaꞌa, ra ña ndaa ni va kuvi ña, saa chi mii ra kuvi ra kundaa ini, ña ^kuu ña ña ndaa va; ra ña kan ke xiniñuꞌu na kandixa tu ndoꞌo va ña.

San Juan 20:28

Saa ndikaꞌan ra Tomás, kachi ra saa: ―¡Tata mii yu, Ndioxi mii yu kuvi yoꞌo! ―kachi ra xiꞌin Jesús.

San Juan 10:10

’Ra ra kuiꞌna, ra ra vaxi sakuiꞌna va kuvi ra kan, yuvi na iyoo ta kuꞌva iyoo ndikachi vali, ra kaꞌni ra na, ra sandiꞌi tu xaꞌa va na; ndi su yuꞌu, ra ra xaa taxi ña kutiaku va na kuvi yu, ra viꞌi ni kii kuiya taxi yu kutiaku na.

San Juan 5:24

’Ra ña ndixa ni ke kaꞌan yu xiꞌin ndo, saa chi yuvi na xini soꞌo tuꞌun ña kaꞌan yu, ra kandixa tu na ra tiꞌvi yuꞌu vaxi yu, ra na kan kuvi na niꞌi kutiaku ndia ndikaa ndikuꞌun; ra küꞌun ka na nuu ndoꞌo na, saa chi xa ndikaku va na nuu ña kuvi na, ra xa na kutiaku va kuvi na vichin.

San Lucas 1:4

Ra kundaa tu ini kun xaꞌa ña sañaꞌa na yoꞌo xaꞌa Jesús va. Saa chi ña ndaa ni va ke sañaꞌa na yoꞌo ―kachi ra Lucas xiꞌin ra Teófilo.

San Mateo 16:16

Ra saa ndakuiin ra Simón Pedro kachi ra saa: ―Tata, yoꞌo kuvi seꞌe Ndioxi ra tiaku, ra xa̱à kun ña sakaku na yuuvi yoꞌo ―kachi ra xiꞌin Jesús.

San Lucas 24:47

ra kaꞌan ndoso na ndikun ichi ra kivi ra iinii kuvi ña yuuvi, ña vaꞌa na nandiko ini takundiꞌi yuvi xaꞌa kuachi na, ra koo kaꞌnu ini ra xaꞌa na, ra xiꞌna ka va ñuu Jerusalén ke kiꞌin na kaꞌan ndoso na kuꞌun na, kachi ña.

San Marcos 16:16

Ra na kandixa tuꞌun yu, ra kuchi na; ra na kan kuvi na kaku va; ra na xïin kandixa, ra na kan kuvi na ni̱ꞌi̱ tundoꞌo va.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

Hechos 9:20

Ra saa ndiyaꞌa ndiaꞌvi kii ra saa xaꞌa ra Saulo xika ra ta veꞌe ñuꞌu, ta veꞌe ñuꞌu na judío ña iyoo ñuu Damasco ndakani ra xaꞌa Jesús ña kuu ra seꞌe Ndioxi

Hechos 8:36

Ra saa kuu ndia kuaꞌan ndia ichi kan, saa ra ndixaa va ndia iin nuu ndikaa tiakuii, ra saa ndikaꞌan tiaa kan kachi ra saa xiꞌin ra Felipe: ―Yoꞌo ndikaa tiakuii, ra a küvi tu ndikun na sakuchi va kun yuꞌu ―kachi ra xiꞌin ra.

Hechos 3:16

Ra xaꞌa ña ^kandixa ndi Jesús ña iyoo ndiee va ra ke, vaꞌa nduvaꞌa iinii saa tiaa yoꞌo, ta kuꞌva kaa mii ra iin ra vichin va.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

Apocalipsis 2:18

’Ra vichin tiaa tu tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Tiatira. Ra suꞌva ke kachi kun xiꞌin ra: “Ra kuu Seꞌe Ndioxi, ra ku tinuu mii yáa̱ ñùꞌù, ra yeꞌe ni xaꞌa, iin ta kuꞌva yeꞌe yuu kaa ña nani bronce, ña taxa ni, kuvi ra kachi suꞌva:

1 San Pedro 1:9

Ra kusii ni ini ndo, saa chi xa ndinumi ni va ndakiꞌin ndo ñaꞌa ña niꞌi ndo xaꞌa ña ndiaa ini ndo Tata yo Jesucristo; ra ñaꞌa ña niꞌi ndo kan kuvi ña kaku va ndo.

San Mateo 4:3

Saa ra kuyachin va timiaꞌa nuu ra ña ixtondoso ri ra, ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun, ra kaꞌan xiꞌin yuu yoꞌo ra na nduu ña ixta kuxi kun ―kachi ri xiꞌin ra.

San Lucas 1:35

Saa ndakuiin ra, kachi ra saa: ―Ndïꞌi ini kun, chi mii va Tachi Yii Ndioxi ke xinu koo xiꞌin kun; ra suvi mii ndiee Ndioxi, ra kaꞌnu ke kusaꞌvi tu sata va kun. Ña kan ke ra Yii kuvi ra kaku yoꞌo, ra Seꞌe Ndioxi, ra kaꞌnu ke kunani ra.

Hechos 8:37

Saa ndakuiin ra Felipe kachi ra saa xiꞌin ra: ―Tu ndinuni vaꞌa kandixa kun saa ra kuvi va ―kachi ra. Ra saa ndakuiin tiaa kan kachi ra saa: ―Kandixa va yu Jesucristo ña kuu ra seꞌe Ndioxi ―kachi ra.