San Juan 20:28 - Mixteco Metlatónoc

²⁸ Saa ndikaꞌan ra Tomás, kachi ra saa: ―¡Tata mii yu, Ndioxi mii yu kuvi yoꞌo! ―kachi ra xiꞌin Jesús.

San Juan 20:28 Referans Kwoze

San Juan 1:1

Te kuni ka kukava xaꞌa ña yuuvi yoꞌo, ra xa iyoo va ra kuu tuꞌun. Ra ra kuu tuꞌun kan kuvi ra xa iyoo xiꞌin Ndioxi te yachi vi. Ra suvi mii ra kuu tuꞌun kan kuvi tu ra kuu Ndioxi va.

1 Timoteo 3:16

Ra na kundaa ini ndo, chi ña kaꞌnu ni va kuvi ña vaꞌa ña ndañaꞌa Tata yo Ndioxi nuu yo, ra suꞌva ke iyoo ña: Tata yo Jesucristo, ra nduu ra iin tiaa ra kixi ra nuu ña yuuvi yoꞌo; Ra Tachi Yii ke ndakuiin xaꞌa ra ña ^kuu ra ra ndaa, ra xini tu takundiꞌi na tatun Ndioxi va ra. Ra ndikaꞌan ndoso tu na ndikun sata ra xaꞌa ra nuu ini kuvi ña yuuvi va, ra kandixa va yuvi tuꞌun ña sañaꞌa na, ra ndakiꞌin Tata yo Ndioxi ra kuaꞌan ra nduꞌu ra xiꞌin ra ndivi.

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Lucas 24:52

Saa ra ndasakaꞌnu ni ndia ra, ra kusii ka vi ini ndia nandiko ndia kuanuꞌu ndia ñuu Jerusalén.

San Juan 20:16

Saa ra ndikaꞌan va Jesús xiꞌin ña, kachi ra saa: ―¡María! ―*kachi ra. Ra saa ndikokuiin ña ndakutoꞌni ña nuu ra, ra ndikaꞌan ña tuꞌun hebreo xiꞌin ra, kachi ña saa: ―¡Raboni! ―ra Maestro ke kachi tuꞌun yoꞌo.

San Juan 20:31

Ndi su ndikaꞌyu va tu sava ña xituꞌun ña xa ra, nuu tutu yoꞌo, ña kan ke vaꞌa na kandixa ndo Jesús, ña kuu ra, ra ndikaxin Ndioxi sakaku na yuuvi yoꞌo, ra ra yoꞌo kuvi seꞌe Ndioxi va, ra na ^kandixa ñaꞌa, ra niꞌi va na ña kutiaku xiꞌin ra, ndia ndikaa ndikuꞌun.

San Juan 20:27

Ra saa ndikaꞌan ra xiꞌin ra Tomás, kachi ra saa: ―Kuyachin, ra tuvi kun nduku ndaꞌa kun, yavi nu xindoꞌni clavo ndaꞌa yu, ra kuni kun, ra na tuvi tu kun, ndaꞌa kun kindika yu nuu kaan va na; ra na küu kun tiaa ra xïin kandixa, chi vaꞌa ka va na kuu kun iin tiaa ra kandixa ―*kachi ra.

San Juan 20:29

Saa ndikaꞌan Jesús xiꞌin ra, kachi ra saa: ―Tomás, ña xini kun yuꞌu va ke ^kandixa kun. Ndi su vaꞌa ni ka va kee yuvi na küni yuꞌu, ra kandixa na yuꞌu ―kachi ra xiꞌin ra.