San Juan 20:18 - Mixteco Metlatónoc

¹⁸ Ra saa ndixaꞌan ña María, ña ñuu Magdala ndatuꞌun ña xiꞌin ndia xitaꞌan xiꞌin Jesús, ña xa xini va ña ra, ra ndikaꞌan ra tuꞌun kan xiꞌin ña, kachi ña xiꞌin ndia.

San Juan 20:18 Referans Kwoze

San Lucas 24:10

Ra suꞌva ke nani na siꞌi na xini ña kuu kan: Iin ña nani María ña kee ñuu Magdala, iin ña nani Juana, ra inka tuku ña María ña siꞌi ra Jacobo, xiꞌin kuaꞌa ni ka na siꞌi.

San Mateo 28:10

Ra saa ndikaꞌan Jesús xiꞌin na kachi ra saa: ―Kuayüꞌvi ndo, ra vichin kuaꞌan ndo ndatuꞌun xiꞌin ndia ñani yu, chi xa ndatiaku va yu, ra na kuꞌun ndia chi Galilea, ra ikan ndakitaꞌan ndia xiꞌin yu, kachi ndo xiꞌin ndia ―*kachi ra xiꞌin na.

San Juan 20:1

Ra ñaꞌa ni domingo, kii ña kiꞌin xaꞌa semana te kumani ka kana kuaꞌa xaꞌa ndivi, ke kee ña María, ña kee ñuu Magdala ndixaꞌan ña xitoꞌni ña, yuꞌu yavi nuu chikaa na iki kuñu Jesús. Ra te ndixaa ña, ra xa ndixikutiaꞌa va yuu chee ña ndasi yuꞌu yavi kan xini ña.

San Mateo 27:56

Ra tiañu na kan ndichi ña María Magdalena, ra ndichi tu ña María siꞌi ra Jacobo xiꞌin ra José va, ra ndichi tu ña siꞌi ndia seꞌe ra Zebedeo va xiꞌin na.

San Juan 19:25

Ra yachin nuu iin cruz, nuu takaa Jesús ndichi siꞌi ra xiꞌin kuꞌvi ña, ra saa tu ña María yasiꞌi ra Cleofas, xiꞌin ña María Magdalena va.