San Juan 2:18 - Mixteco Metlatónoc

¹⁸ Ra saa kuyachi ndia judío ra ndindakatuꞌun ndia Jesús kachi ndia saa: ―¿Ndia ña ku iin ña xituꞌun sa kun kuni ndi, ña vaꞌa na kandixa ndi ña taxi Ndioxi ndiayu ndaꞌa kun ña tava kun na ndee ixiko nuu keꞌe veꞌe ñuꞌu kaꞌnu yoꞌo? ―*kachi ndia xiꞌin ra.

San Juan 2:18 Referans Kwoze

San Juan 6:30

Saa ndakuiin na kachi na saa xiꞌin ra: ―¿Ndia ña ku iin ña xituꞌun sa kun kuni ndi, ra vaꞌa kandixa ndi yoꞌo? ¿Ra a väꞌa ndikun na sa kun ña kuni va ndi? ―kachi na xiꞌin ra.

Hechos 5:28

―A su xa xaꞌndia va ndi chiñu nuu ndo ña käꞌan ndoso ka ndo nuu yuvi xaꞌa tiaa ñaa, kachi ndi xiꞌin ndo; ndi su vichin ra iinii saa va ñuu Jerusalén yoꞌo sakuaꞌa ndo yuvi xaꞌa tiaa ñaa, ra kuni ndo saviso kuachi ndo nduꞌu ña xaꞌni ndi ra ―kachi ra xiꞌin ndia.

Hechos 4:7

Ra saa xaꞌndia ndia kunaꞌnu kan chiñu nuu ndia kumisio ndixaꞌan ndia ndakiꞌin ndia ra Pedro xiꞌin ra Juan veꞌe kàà nuu ñuꞌu ndia ra xa̱a̱ ndia xiꞌin ndia nuu ndia kunaꞌnu kan, ra saa xaꞌa ndia kunaꞌnu kan ^sanaꞌma ndia ndia káchí ndia saa: ―¿Yoo kuvi na taxi ndiayu ndaꞌa ndo ña sañaꞌa ndo yuvi? Ra yoo taxi ndiee ndaꞌa ndo ña vaꞌa xa ndo suꞌva? ―*kachi ndia xiꞌin ndia.

San Juan 1:25

Ra ndindakatuꞌun ndia ra kachi ndia saa: ―¿Nichuun ^sakuchi kun yu̱vi tu süvi Cristo kuvi kun, ra nii süvi tu ra Elías kuvi kun, ra nii süvi tu ra ka̱ꞌa̱n tuꞌun yuꞌu Ndioxi kuvi va kun? ―kachi ndia xiꞌin ra.

San Lucas 11:29

Ra saa kuu ra kuaꞌa ka vi yuvi xaꞌa ^ndakutaꞌan nuu iin Jesús, ra saa ndikaꞌan ra xiꞌin na kachi ra saa: ―¡Ndivaꞌa ni ini yuvi na ndee tiempo vichin! Chi nduku na seña nuu yu, ña kuni na kotondoso na yuꞌu. Ndi su ndia nii ka seña sä yu kuni na. Chi ña kuni na kuvi taꞌan ña ndoꞌo ra Jonás xinaꞌa va.

San Marcos 8:11

Ra te ndixaa ndia ñuu kan, saa ra ndixaa tu na fariseo va ra xaꞌa na tiin taꞌan na xiꞌin Jesús, ra kaꞌan na xiꞌin ra ña na sa ra iin ña ndichi kuni na, ña ixtondoso na ra, a ndixa ndivi ke kee ra.

San Mateo 21:23

Saa kuu ra ndixaa Jesús ndikiꞌvi ra ini veꞌe ñuꞌu, ra saa xaꞌa ra sañaꞌa ra yuvi kan tuꞌun Ndioxi; ra sakan saa kuu ra sañaꞌa ra na, saa ra ndixaa va sutu ndia kunaꞌnu nuu ndia sutu, xiꞌin ndia xikuaꞌa kunaꞌnu nuu na ñuu, ra nindakatuꞌun ndia ra kachi ndia saa: ―¿Ni ndiayu ku mii kun ña xa kun saa? ¿Ra yoo taxi ndiayu ndaꞌa kun ña xa kun ña yoꞌo? ―kachi ndia xiꞌin ra.

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.