San Juan 19:40 - Mixteco Metlatónoc

⁴⁰ Ra saa ndakutaꞌan ra José xiꞌin ra Nicodemo, ra ndakiꞌin ndia iki kuñu Jesús, ra chikaa ndia ichi ña xaꞌan tami sata ña, ra ndasuvi ndia ña iin tikoto kani, chi xa saa yunaꞌa va na judío kan, xa na xiꞌin taꞌan na te nduxin na na.

San Juan 19:40 Referans Kwoze

San Juan 11:44

Ra saa kita ra Lázaro kan, ra nuꞌni ndaꞌa ra, xiꞌin xaꞌa ra, xiꞌin tikoto ña nii, ra isuvi tu ña nuu va ra. Ra saa ndikaꞌan Jesús xiꞌin na, kachi ra saa: ―Ndaxi ndo ra, ra saña ndo ra na kuꞌun ra ―kachi ra xiꞌin na.

Hechos 5:6

Ra saa kuyachin ndia vali ndee kan, ra ndasuvi ndia tikoto iki kuñu ra, ra ndixaꞌan ndia ninduxin ndia ra.

San Lucas 24:12

Ña kan ke kanata ra Pedro xinu ra kuaꞌan ra kotoꞌni ra yavi nuu chikaa na iki kuñu Jesús. Ra ta ndixaa ra nuu íin yavi kan, ra ndia tikoto ña xisuvi va Jesús ndee ini yavi kan xini ra, ra saa nandiko ra kuanuꞌu ra chi veꞌe ra ndakanda ka vi ini ra.

San Mateo 26:12

Ra ña xa ña yoꞌo xiꞌin yu vichin, ña chikaa ña ndutia ra xaꞌan tami yoꞌo yuꞌu, ra xa ña xanduvi va kuvi ña xiꞌin yu, te xa na nduxin na yuꞌu.

San Marcos 14:8

Ra ñaꞌa yoꞌo, ra xa kuchuun va ña xa ña ña yoꞌo chi xa chikaa va ña ndutia ra xaꞌan tami yuꞌu, ña xa na koo nduvi yu te na nduxin na yuꞌu.

San Juan 12:7

Ra saa ndikaꞌan Jesús xiꞌin ra kachi ra saa: ―Koo yaa kun xiꞌin ña, chi ña vaꞌa va ke ^xa ña xiꞌin yu, saa chi chuvaꞌa va ña ndutia yoꞌo, ra chikaa ña ra sata yu vichin, ña vaꞌa xa na koo nduvi yu kii te na nduxin na yuꞌu.