San Juan 19:28 - Mixteco Metlatónoc

²⁸ Ra te ndiꞌi kuu ña yoꞌo, ra xa kundaa va ini Jesús, ña xa ndixinu nuu takundiꞌi va chiñu xa ra, ra saa ndikaꞌan ra, kachi ra saa: ―Ichi ni ini yu ―*kachi ra. Ra tuꞌun yoꞌo ke ndikaꞌan ra, ña vaꞌa na xinu nuu tuꞌun Ndioxi ña kaꞌan xaꞌa ra, ndia te yachi vi.

San Juan 19:28 Referans Kwoze

San Juan 19:30

Ra te ndiꞌi xiꞌi Jesús ndutia iyá kan, ra saa ndikaꞌan ra, kachi ra saa: ―Xa saxinu yu nuu takundiꞌi va chiñu ―*kachi ra. Ndia saa ra nduviko sukun ra, ra ndixiꞌi va ra.

San Lucas 22:37

Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Juan 19:24

Ra saa ndikaꞌan ndia soldado kan xiꞌin taꞌan ndia, kachi ndia saa: ―Na ndäta yo ña, chi vaꞌa ka va na keꞌe taꞌan yo xaꞌa ña, ra kuni yo yoo kuvi yo kuchuun ndakiꞌin ña, ―kachi ndia. Ra suꞌva va ke kuu ña vaꞌa ndixinu nuu tuꞌun Ndioxi ña kaꞌan kachi suꞌva: “*Ndataꞌvi na tikoto yu xiꞌin taꞌan na, ra keꞌe taꞌan tu na xaꞌa va ña”, kachi ña. Ra mii saa ndixa ke xa va ndia soldado kan.

San Lucas 18:31

Ra saa ndikaꞌan Jesús xiꞌin uxi uvi saa ndia itaꞌan xiꞌin ra kachi ra saa: ―Vichin ke kuꞌun yo ñuu Jerusalén, ra ikan ku nuu xinu ndiꞌi nuu tuꞌun ña tiaa na ndikaꞌan ndoso tuꞌun yuꞌu Ndioxi xinaꞌa xaꞌa yuꞌu ra xaa yoꞌo vichin.

San Juan 18:4

Ra xa kundaa va ini Jesús xaꞌa takundiꞌi tundoꞌo ña ndoꞌo ra, ra saa kuyachin ra nuu ndia ndixaa kan, ra ndikaꞌan ra xiꞌin ndia, kachi ra saa: ―¿Yoo kuvi na nanduku ndo? ―kachi ra.

San Juan 13:1

Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.

Hechos 13:29

Ra ta ndiꞌi xa na takundiꞌi ña kaꞌan tuꞌun Ndioxi xaꞌa Jesús ña xiniñuꞌu ndoꞌo ni ra, ra saa sanuu na ra ndaꞌa cruz ra ndinduxin na ra.

San Lucas 9:31

Ra iin ndayeꞌe ndiꞌi nuu ndita ndia, ra kaꞌan ndia xiꞌin Jesús, xaꞌa ña ndoꞌo ra, ña kuvi ra ñuu Jerusalén.

San Lucas 12:50

Ra xiꞌna xiniñuꞌu tixuꞌvi ni yu, ra ndoꞌo ni ini yu, ra kusuchi ni ini yu ndia te na xinu nuu ña.

San Juan 4:34

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Juan 17:4

’Ra xa ndañaꞌa va yu yoꞌo nuu na yuuvi ña kaꞌnu ni kun, xaꞌa ña xa saxinu yu takundiꞌi chiñu ña xaꞌndia kun nuu yu sa yu.

San Juan 19:36

Ra suꞌva ke kuu, ña vaꞌa ndixinu nuu tuꞌun Ndioxi ña kaꞌan kachi suꞌva: “Ndia nii iki ra käꞌnu na”, ^kachi ña.