San Juan 18:38 - Mixteco Metlatónoc

³⁸ Ra saa ndikaꞌan ra Pilato kachi ra saa, xiꞌin Jesús: ―¿Ndia ña kuvi ña ndaa? ―kachi ra. Ra te ndiꞌi ndikaꞌan ra tuꞌun yoꞌo, saa kanata ra chi keꞌe ra ndikaꞌan ra xiꞌin na judío, kachi ra saa: ―Ndia nii kuachi tiaa yoꞌo köo ndaniꞌi yu.

San Juan 18:38 Referans Kwoze

San Juan 19:4

Ra saa kanata tuku ra Pilato, ra ndikaꞌan ra xiꞌin na kachi ra saa: ―Kotoꞌni ndo, chi xa yoꞌo, xaa tiaa yoꞌo nuu ndo, ra na kundaa ini ndo, chi ndia nii kuachi ra köo ndaniꞌi yu ―*kachi ra.

San Juan 19:6

Saa ra te xini ndia kunaꞌnu nuu ndia sutu xiꞌin ndia kuu kumisio ndiaa veꞌe ñuꞌu kaꞌnu kan Jesús, ra saa xaꞌa ndia iin kokoꞌo ndaꞌyu ndia, kachi ndia saa: ―¡Takaa ra ndaꞌa cruz! ¡Takaa ra ndaꞌa cruz! ―^kachi ndia. Ra saa ndikaꞌan ra Pilato xiꞌin ndia kachi ra saa: ―Ndakiꞌin ndoꞌo ra, ra takaa ndo ra ndaꞌa cruz, saa chi köo kuachi ra ndaniꞌi yu ―*kachi ra.

San Lucas 23:4

Ra saa ndikaꞌan ra Pilato xiꞌin ndia sutu kunaꞌnu nuu ndia sutu, xiꞌin takundiꞌi ka yuvi kan, kachi ra saa: ―Köo ndia nii kuachi tiaa yoꞌo ndaniꞌi yu ―kachi ra.

Hechos 17:32

Ra ta xini soꞌo na ña ndikaꞌan ra Pablo xaꞌa ña ndatiaku na ndii, ra saa xaꞌa sava na xasiki na ra, ra saa ndikaꞌan tu sava na, kachi na saa: ―Inka ichi saa kuni soꞌo ndi xaꞌa ña kaꞌan kun xaan ―kachi na xiꞌin ra.

1 San Pedro 1:19

chi nii Tata yo Jesucristo va kuvi ña chaꞌvi ra xaꞌa ndo, ra ta kuꞌva iyoo iin ndikachi loꞌo ri köo ña yakua kuu mii va kuvi ña ndixiyo Tata yo Jesucristo nuu Tata yo Ndioxi, saa chi ndia nii kuachi ra ndixïyo.

San Marcos 15:14

Saa ndikaꞌan ra Pilato xiꞌin na: ―¿Nichuun? ¿Ra ndia ña ku kuachi ra yoꞌo? ―kachi ra xiꞌin na. Ndi na kan, ra na ndiee ka kaꞌan va kuvi na kachi na saa: ―¡Takaa ra ndaꞌa cruz! ―kachi na.

San Mateo 27:24

Ra te xini ra Pilato ña kundiëe ka tuꞌun ra xiꞌin yuvi kan, saa chi na ndiee ka xaꞌa xa va kuvi na, saa ra xaꞌndia ra chiñu ña taxi na tiakuii ndaꞌa ra, ra saa ndakatia ra ndaꞌa ra nuu takundiꞌi na ñuu, ra ndikaꞌan ra xiꞌin na kachi ra saa: ―Ndïso ka yu xaꞌa nii tiaa yoꞌo, ña kutia ña, saa chi ra vaꞌa va kuvi ra, ra ndia ñaa ke kotoꞌni mii ka va ndo ―kachi ra xiꞌin na.

San Juan 18:33

Ra saa nandiꞌvi ra Pilato chi ini veꞌe chiñu kan, ra saa kana ra Jesús, ra ndindakatuꞌun ra ra kachi ra saa: ―¿A yoꞌo kuvi ra kuu rey na judío? ―kachi ra.