San Juan 17:5 - Mixteco Metlatónoc

⁵ Ra vichin ke na ndataxi tuku kun ndiee ña xa xikuu mii yu ndaꞌa yu, Tata, xa ta kuꞌva ndixiyo ndiee yu xiꞌin kun ta kumani ka kukava xaꞌa ña yuuvi yoꞌo.

San Juan 17:5 Referans Kwoze

1 San Pedro 1:20

Ra te kumani ka kukava xaꞌa ña yuuvi yoꞌo vi kuvi ña ndikaxin Tata yo Ndioxi Tata yo Jesucristo ña kuvi ra xaꞌa kuachi na yuuvi yoꞌo; ña kan ke vaꞌa tiꞌvi ra ra kii ña xa ndinumi ndiꞌi xaꞌa ña yuuvi vichin ña sa ra ña vaꞌa xiꞌin ndo.

San Juan 10:30

Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

Filipenses 2:6

Saa chi Tata yo Jesucristo, ra vaꞌa ni ta kuꞌva iyoo mii Tata yo Ndioxi va iyoo ra, ndi su ndïxa nduxa vi ra ña koo ra ta kuꞌva iyoo Tata ra Ndioxi, ña kunduꞌu ra ndivi,

Hebreos 1:10

Ra ndikaꞌan ka tu Tata yo Ndioxi, kachi ra suꞌva va, kachi tuꞌun ra: Yoꞌo, Ndioxi, ra kuu seꞌe mii yu kuvi ra xakin xaꞌa ña yuuvi yoꞌo xiꞌin ndaꞌa kun, ra saa tu ndivi va kii ña xikunduꞌu xaꞌa ña yuuvi.

Hebreos 1:3

Ra mii Tata yo Jesucristo va kuvi ra ^ndañaꞌa ndiee kaꞌnu, ña nduvi ni kuu mii Tata yo Ndioxi; ra Tata yo Jesucristo, ra iin takundiꞌi ñaꞌa, ña ^kuu mii Tata yo Ndioxi kuvi tu ña ^kuu mii ra yoꞌo va; ra mii Tata yo Jesucristo kuvi tu ra ^tiin takundiꞌi ñaꞌa ña iyoo nuu ña yuuvi yoꞌo va, ña kan ke vaꞌa iyoo ña; ra xiꞌin ndiee kaꞌnu ña ^kuu mii tuꞌun va ra ke tiin ra ña. Ra te ndiꞌi ndakatia ra kuachi yo, ra saa nandaa ra ndivi nuu íin tiayu kaꞌnu, nuu nduꞌu Tata ra Ndioxi, ra ndakunduꞌu ra xiin kuaꞌa va ra.

San Juan 17:24

’Ra na taxi kun ndaꞌa yu yo̱ꞌo̱, Tata, ra kuni yu ña na kundee na xiꞌin yu nuu koo yu, ra saa ke vaꞌa na kuni na ña kaꞌnu, ña taxi kun ndaꞌa yu; saa chi yoꞌo kuvi ra xa kuꞌvi ni ini xini yuꞌu te täan kukava xaꞌa ña yuuvi yoꞌo vi.

San Juan 8:58

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, saa chi te kuni ka kaku vi ra Abraham ra xa iyoo va yuꞌu ―kachi ra xiꞌin na.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?

San Mateo 25:34

Ra te ndiꞌi, saa kaꞌan yuꞌu, ra kuu Rey, xiꞌin na chindee yu chi ndaꞌa kuaꞌa yu, ra kachi yu saa xiꞌin na: “Ndoꞌo, na ndiniꞌi ña vaꞌa nuu Tata yu Ndioxi, ra kuayaꞌa ndo vichin, ña ndakiꞌin ndo nuu kundee ndo ndivi yoꞌo, chi yoꞌo ke xa iyoo ndúvi xaꞌa ndoꞌo, te kuvaꞌa ña yuuvi vi.

San Juan 3:13

’Ra na kundaa ini ndo chi ndia nii yuvi täan ndaa ndivi, ra nuu tuku na, ndi su iyoo va indaa ra kee ndivi, ra ra kan kuvi ra xaa nuu ña yuuvi yoꞌo vichin va.

Apocalipsis 3:21

Ra na kuchuun sakanaa nuu ña väꞌa, ra taxi yu kundee na xiꞌin yu nuu nduꞌu yu xaꞌndia yu chiñu, ta kuꞌva xa̱ yu ña xakanaa yu nuu ña väꞌa, ra ni̱niꞌi yu ndakunduꞌu yu xiꞌin Iva yu nuu xaꞌndia ra chiñu.

Apocalipsis 13:8

Ra ndasakaꞌnu takundiꞌi va na ndee nuu ñuꞌú kiti ñaꞌa kan; ra na ndasakaꞌnu kiti ñàꞌa kan kuvi yuvi na ndikäꞌyu kivi nuu tutu, ña ndikaꞌyu ta sakan chituni Ndioxi ña yuuvi; ña kaꞌan ña kutiaku na xiꞌin Ndioxi, ña kuu kuenda ra kuu ndikachi loꞌo, ra ndisoko na.

1 San Juan 1:2

Ra ra kuu tuꞌun ña taxi ña tiaku yoꞌo, ra ndañaꞌa va ra mii ra nuu ndi, ra xini nuu va ndi ra, ra xaꞌa ña kan ke ^ndatuꞌun ndi xaꞌa ra, ra kaꞌan tu ndi xiꞌin ndoꞌo va ña vaꞌa na kundaa ini ndo, chi ra yoꞌo kuvi mii ra taxi ña kutiaku yo ndia ndikaa ndikuꞌun va, ra xiꞌin mii Tata yo Ndioxi va kuvi ña ndixiyo ra. Ra ndañaꞌa ra mii ra nuu ndi vichin.

San Juan 17:1

Ra te ndiꞌi ndikaꞌan Jesús tuꞌun yoꞌo, ra saa ndoniꞌi ra nuu ra chi ndivi, ra ndikaꞌan ra xiꞌin Ndioxi kachi ra saa: ―Tata, vichin ke ndixaa kii ña na ndañaꞌa kun yuꞌu, ra kuu seꞌe kun nuu yuvi ra na kundaa ini na ña kaꞌnu ni yu, ra ndañaꞌa tu yuꞌu va yoꞌo nuu na, ra kundaa ini na ña kaꞌnu ni kun.

1 San Pedro 1:21

Ra xaꞌa ña ndixiꞌi Tata yo Jesucristo kuvi ña vaꞌa ndakundikun ndo Tata yo Ndioxi, ra mii Tata yo Ndioxi kuvi ra sandatiaku Tata yo Jesucristo nuu ña ndii va, ra ndasa ra ra iin ra kaꞌnu ni; ra xaꞌa ña kan ke ^ndiaa ini ndo Tata yo Ndioxi ña taxi va ra ñaꞌa ña kindoo ra taxi ra ndaꞌa ndo.