San Juan 17:13 - Mixteco Metlatónoc

¹³ ’Ra vichin, ke nandiko yu xaa yu nuu iyoo kun, ra ña íin ka yu xiꞌin na nuu ña yuuvi yoꞌo vichin, ke kaꞌan ka yu tuꞌun yoꞌo xiꞌin va na, ña vaꞌa na kusii ini na ta kuꞌva kusii ini yuꞌu.

San Juan 17:13 Referans Kwoze

Hebreos 12:2

Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiꞌin kuaꞌa nuu iin tiayu kaꞌnu nduꞌu Tata yo Ndioxi.

Gálatas 5:22

Ndi su ña ^xa Tachi Yii Ndioxi ke chindiee taꞌan ña xiꞌin yo ña ^kuꞌvi ini yo xini yo inka yuvi va, xiꞌin ña iyoo sii ini yo, xiꞌin ña itaꞌan mani yo xiꞌin takundiꞌi yuvi, xiꞌin ña iyoo kaꞌnu ini yo, xiꞌin ña toꞌo ni yo xiꞌin yuvi, xiꞌin ña tiayu ni yo, xiꞌin ña iyoo ndaku nima yo,

San Juan 15:11

’Ra tuꞌun yoꞌo ke kaꞌan yu xiꞌin ndo, ña vaꞌa na koo ña sii ini ña iyoo nuu yu xiꞌin ndo, ra saa ke na kusii ni ka va ini ndo.

San Juan 3:29

Ra na kundaa ini ndo, chi ta ^kuu nuu iyoo viko tandaꞌa, ra ra íin xiꞌin ñaꞌa ña tandaꞌa kan va kuvi ra kuu yii ña, ndi su ra itaꞌan xiꞌin ra kuu yii ñaꞌa kan, ra nduꞌu yachin xitia ra, ra te xini soꞌo ra ña kaꞌan ra tandaꞌa kan saa ra tiaa ni va kusii ini ra xiꞌin ra; ra mii saa ke ndoꞌo tu yuꞌu va vichin, saa chi xa xiꞌin va yo íin ra xaa sakaku yoo, ña kan ke kusii ni ini yu.

1 San Juan 1:4

Ra ña ^tiaa ndi tuꞌun yoꞌo ña kuxaa ña nuu ndo, ra ña vaꞌa na kusii ni ka ini va ndo kuvi ña.

San Juan 13:3

Ndi su xa ^kundaa va ini Jesús ña taxi Iva ra Ndioxi takundiꞌi ndiayu ndaꞌa ra, saa chi nuu mii Ndioxi ke kee va ra, ra nuu mii Ndioxi ke nandiko tu ra kunuꞌu va ra.

2 San Juan 1:12

Iyoo kuaꞌa ni ka va ña kaꞌan yu xiꞌin ndo, ndi su küni yu tiaa yu ña nuu tutu yoꞌo; chi ña kuni yu ke xaa yu kotoꞌni yu ndoꞌo, ra kaꞌan mii yu ña xiꞌin va ndo, ña vaꞌa na kusii ni ka ini yo.

Romanos 14:17

Saa chi nuu yoo, na ndikun ichi Ndioxi, ra köo kuachi xaꞌa vi ñaꞌa ña xixi yo, a ndutia ra xiꞌi yo. Chi ña xiniñuꞌu sa yo kuvi ña, na sa yo ña vaꞌa va, xiꞌin ña vivii na koo va yo, xiꞌin ña na koo sii ini va yo, saa chi ña yoꞌo va kuvi ña taxi Tachi Yii ndaꞌa yo.

San Juan 16:33

Ra tuꞌun yoꞌo ke kaꞌan yu xiꞌin ndo, ña vaꞌa na kundaa ini ndo, chi nuu yuꞌu ke niꞌi ndo ña vaꞌa koo xiꞌin va ndo. Ra ña ndixa ke sandoꞌo ni va na ndoꞌo nuu ña yuuvi yoꞌo; ndi su na kundiaa ini ndo yuꞌu, saa chi yuꞌu, ra xa xatiaa va yu nuu ña yuuvi yoꞌo ―kachi Jesús.

Hechos 13:52

Ndi su takundiꞌi yuvi na xa ndakiꞌin tuꞌun Jesús, ra tiaa ni va kusii ini na kan, ra iyoo tu Tachi Yii xiꞌin va na.

San Juan 7:33

Ra saa ndikaꞌan Jesús xiꞌin yuvi kan kachi ra saa: ―Saloꞌo ni va tiempo íin yu xiꞌin ndo, saa ra nandiko yu kuꞌun yu nuu ra tiꞌvi yuꞌu vaxi va yu.

San Juan 17:11

’Yuꞌu, ra köo ka yu nuu ña yuuvi yoꞌo, ndi su na yoꞌo, ra kundee va na, ra yuꞌu tu xa xaa koo xiꞌin yoꞌo va Tata Ndioxi, ra yii. Ra na taxi kun ndaꞌa yu, ra na kondiaa kun na xiꞌin kivi kun, ña kuu mii ndiee, ra iin tuꞌun na kuu na xiꞌin taꞌan na, ta kuꞌva iyoo yoꞌo xiꞌin yuꞌu.