San Juan 16:32 - Mixteco Metlatónoc

³² Ra na kundaa ini ndo, chi vaxi kii, ra xa mii kii vichin kuvi va ña, ra takundiꞌi ndoꞌo, ra kunu va ndo kunuꞌu ndo veꞌe ndo, ra ndakoo mituꞌun va ndo yuꞌu. Ndi su xa saa kuïin mituꞌun vi yu, chi kuiin va Tata yu Ndioxi xiꞌin yu.

San Juan 16:32 Referans Kwoze

San Mateo 26:31

Ra saa ndikaꞌan Jesús xiꞌin ndia kachi ra saa: ―Ñuu vichin ra yuꞌvi takundiꞌi va ndo, ra ndakoo mituꞌun va ndo yuꞌu, chi saa kachi tuꞌun Ndioxi: “Kuvi ra kuu paxto, ra ndutia ndiꞌi va ndikachi kuꞌun ri” ―kachi ña.

San Juan 8:29

Saa chi íin va ra tiꞌvi yuꞌu vaxi yu xiꞌin yu; Tata yu ra täan ndakoo mituꞌun ra yuꞌu, saa chi niña xa va yu ña kuni ra ―kachi ra xiꞌin ndia.

San Juan 8:16

Ra tu xa ndaku yu kuachi, ra ndaku va xa ndaku yu ña, saa chi süvi indaa yuꞌu kuvi ra xa ndaku ña, chi Tata yu Ndioxi ra tiꞌvi yuꞌu vaxi va yu kuvi ra xa ndaku ña xiꞌin yu.

San Marcos 14:27

Saa ndikaꞌan Jesús xiꞌin ndia kachi ra saa: ―Ñuu vichin ra takundiꞌi ndo yuꞌvi, ra ndakoo mii tuꞌun va ndo yuꞌu; chi saa kachi tuꞌun Ndioxi: “Kuvi ra kuu paxto, ra ndutia ndiꞌi va ndikachi kuꞌun ri”, kachi ña.

San Mateo 26:56

Ndi su, suꞌva ke xiniñuꞌu kuu va, ra saa ke xinu nuu ña kaꞌan tuꞌun Ndioxi, ña ndikaꞌan na ndikaꞌan tuꞌun yuꞌu Ndioxi xinaꞌa ―*kachi Jesús xiꞌin na. Ndia saa, ra xinu ndiꞌi va ndia itaꞌan xiꞌin Jesús, kuaꞌan ndia, ra ndakoo ndaꞌa va ndia ra.

San Juan 20:10

Ndia saa ra nandiko ndia xitaꞌan xiꞌin Jesús, kuanuꞌu ndia veꞌe va ndia.

San Juan 16:25

Ra ndikaꞌan Jesús xiꞌin ndia itaꞌan xiꞌin ra kachi ra saa: ―Takundiꞌi tuꞌun ña xa ndikaꞌan yu xiꞌin ndo, ra xiꞌin tuꞌun ndichi va ndikaꞌan yu ña; ndi su vaxi kii ra käꞌan ka yu tuꞌun ndichi xiꞌin ndo, chi kaxi kaxi va kaꞌan yu xiꞌin ndo xaꞌa Tata yu Ndioxi.

San Juan 16:2

Saa chi vaxi kii, ra tava va na ndoꞌo veꞌe ñuꞌu nuu ndakitaꞌan ndo, ra ndia kaꞌni va na ndoꞌo, ra ta xa na ^sa na saa, ra ña vaꞌa kuni Ndioxi va ke ^xa na kàꞌàn na.

San Juan 4:23

Ra vichin ke xa ndixaa va kii, ra na ndinuni ni ini ndasakaꞌnu Ndioxi, ra na ndasakaꞌnu ni ka va na Tata na Ndioxi xiꞌin ndiee Tachi Yii ra xiꞌin ña ndaa ta kuꞌva kuni mii ra, saa chi taꞌan na kan kuvi na kuni va Tata yo Ndioxi.

San Juan 4:21

Ra saa ndakuiin Jesús kachi ra saa xiꞌin ña: ―Nana, na kandixa kun tuꞌun ña kaꞌan yu xiꞌin kun, chi xa ndixaa va kii ña xiniñüꞌu ka ndiakua kixi vi ndo xiki yoꞌo ña ndasakaꞌnu ndo Ndioxi, ra nii ñuu Jerusalén ke xiniñüꞌu kuꞌun vi ndo, ña ndasakaꞌnu ndo ra.

San Juan 12:23

Ra saa ndikaꞌan Jesús kachi ra saa xiꞌin ndia: ―Xa kuyachin ni kii ña taxi Ndioxi ña kundaa ini yuvi, ña kaꞌnu ni yuꞌu, ra xaa yoꞌo.

San Juan 5:28

Ra na ndakända ni ini ndo xaꞌa ña kaꞌan yu ña yoꞌo xiꞌin ndo, saa chi vaxi kii ra takundiꞌi na xa ndixiꞌi ndoꞌni tixi ñuꞌu ra kuni va soꞌo na tachi ra.

San Juan 5:25

Ra ña ndixa ke kaꞌan yu xiꞌin ndo, saa chi vaxi kii, ra xa mii kii vichin kuvi va ña kuni soꞌo na ndii tachi ra kuu seꞌe Ndioxi; ra na kuiin kuni soꞌo kuvi na niꞌi kutiaku va.

San Marcos 14:50

Ndia saa ra xinu ndiꞌi va ndia xika xiꞌin ra kuaꞌan ndia ra ndakoo ndaꞌa va ndia ra.

Hechos 8:1

Ra ndixiyo va yuꞌu ra Saulo xiꞌin na ña xaꞌni na ra Esteban. Ra suvi mii kii kan ke nundiee ni ka tu kuachi xiꞌin na ndikun Jesucristo, na ndee ñuu Jerusalén va, ra xinu ndiꞌi na kuaꞌan na ñuu ña ndoꞌni chi Judea, xiꞌin chi Samaria, ra ndia ndia xitaꞌan xiꞌin Jesús va kuvi ndia nindoo ñuu Jerusalén.

San Juan 16:31

Ra saa ndakuiin Jesús kachi ra saa xiꞌin ndia: ―¿Ra ndia vichin vi ke kandixa ndo yuꞌu?

San Juan 19:27

Ra te ndiꞌi, saa ndikaꞌan tu ra xiꞌin ra itaꞌan xiꞌin va ra, kachi ra saa: ―Ñaa ndichi siꞌi kun ―*kachi ra. Ra mii kii kan kuanuꞌu va siꞌi Jesús, xiꞌin ra itaꞌan xiꞌin ra veꞌe ra ña kondiaa ra ña.

Hechos 21:6

Ra saa ndanumi taꞌan ndi ña ndindiayu taꞌan ndi xiꞌin na, ra saa nandaa ndi itun xika nuu mini ra ndakiꞌin ndi kuaꞌan va ndi, ra saa nandiko na kan kuanuꞌu na veꞌe na.