San Juan 16:23 - Mixteco Metlatónoc

²³ ’Ra kii kan, ra köo mii ka ña ndakatuꞌun ndo yuꞌu vi. Ra ña ndaa kaꞌan yu xiꞌin ndo: saa chi xa mii va Tata yu Ndioxi kuvi ra taxi takundiꞌi ña nduku ndo nuu ra xiꞌin kivi yu.

San Juan 16:23 Referans Kwoze

San Juan 15:7

’Tu na kundikun ndiaa ndo yuꞌu, ra näa ini ndo xaꞌa tuꞌun yu, saa ra ndia ndia ka ña kuni ndo nduku ndo nuu Tata yu, ra niꞌi va ndo ña.

San Mateo 21:22

Saa chi takundiꞌi ña nduku ndo nuu Ndioxi, ra taxi va ra ña ndaꞌa ndo, tu ndinuni ni na kandixa ndo ta kaꞌan ndo xiꞌin ra xaꞌa ña ―kachi Jesús xiꞌin ndia.

San Mateo 7:7

Ra saa ndikaꞌan ka ra kachi ra saa xiꞌin na: ―Nduku ndo ñaꞌa ña kumani nuu ndo nuu Ndioxi, ra taxi ra ña ndaꞌa ndo; na ndanduku ndo ñá, ra ndaniꞌi ndo ña; na kani ndaꞌa ndo yeꞌe, ra ndakuiña ra nuu ndo.

San Juan 16:26

Ra te xa na xaa kii ña nduku ndo ña kumani nuu ndo xiꞌin kivi yu, ra kuäku ndaꞌvi ka yu nuu Tata yu Ndioxi xaꞌa ndo,

San Juan 14:20

Ra te xa na xaa kii kan ke kundaa kaxi ini ndo, ña íin yu xiꞌin Tata yu Ndioxi, ra ndoꞌo tu iyoo xiꞌin yuꞌu va, ra yuꞌu tu íin xiꞌin ndoꞌo va.

Efesios 2:18

Ra na tixaꞌvi Cristo, chi xaꞌa ña xa ra kan va kuvi ña ndiniꞌi taꞌvi takundiꞌi yo ña mani nuu Ndioxi, ña vaꞌa kuyachin yo nuu ra xaꞌa ndiee Tachi Yii ra ña iyoo xiꞌin yo.

1 San Juan 2:1

Ra ña tiaa yu tutu yoꞌo kuxaa ña ndaꞌa ndoꞌo, na ñani yo, na iyoo ta kuꞌva iyoo seꞌe yu, ra ña vaꞌa na sä ka ndo chiñu kiꞌvi va kuvi ña. Ndi su tu ndiaa ndo na sa chiñu kiꞌvi, ra na kundaa ini ndo, chi iyoo va iin ra xaku ndaꞌvi xaꞌa yo nuu Tata yo Ndioxi, ra ra kan kuvi Tata yo Jesucristo va, ra ra kan, ra vaꞌa ni ra, saa chi ndia nii kuachi ra köo nuu Tata yo Ndioxi.

San Juan 14:5

Saa ndikaꞌan ra Tomás, xiꞌin Jesús kachi ra saa: ―Tata, xïni ndi ndia chi ku nuu kuꞌun kun; ¿ra ni ke sa ndi kundaa ini ndi ndia mii kuu ichi? ―kachi ra.

San Juan 16:19

Ra kundaa va ini Jesús ña kuni ndia ndakatuꞌun ndia ra, ra saa ndikaꞌan ra xiꞌin ndia kachi ra saa: ―¿A xaꞌa ña ndikaꞌan yu xiꞌin ndo, ña saloꞌo ni kii kumani ra küni ka ndo yuꞌu, ra te xa na yaꞌa loꞌo kii, saa ra kuni tuku va ndo yuꞌu, ke ndakatuꞌun ndo xaꞌa?

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

San Juan 14:22

Ra saa ndikaꞌan iin ra itaꞌan xiꞌin Jesús ra nani Judas (ndi su süvi ra Judas Iscariote kuvi ra) kachi ra saa: ―Tata, ¿ra ni ke iyoo ña, ña ñaꞌa kun mii kun nuu takua nduꞌu, ra ñäꞌa tu kun mii kun nuu na yuuvi yoꞌo? ―kachi ra.