San Juan 16:19 - Mixteco Metlatónoc

¹⁹ Ra kundaa va ini Jesús ña kuni ndia ndakatuꞌun ndia ra, ra saa ndikaꞌan ra xiꞌin ndia kachi ra saa: ―¿A xaꞌa ña ndikaꞌan yu xiꞌin ndo, ña saloꞌo ni kii kumani ra küni ka ndo yuꞌu, ra te xa na yaꞌa loꞌo kii, saa ra kuni tuku va ndo yuꞌu, ke ndakatuꞌun ndo xaꞌa?

San Juan 16:19 Referans Kwoze

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

San Juan 16:16

Ra ndikaꞌan Jesús xiꞌin ndia itaꞌan xiꞌin ra kachi ra saa: ―Na kundaa ini ndo, chi ndia saloꞌo ni va kii kumani, ra küni ka vi ndo yuꞌu, ndi su te xa na yaꞌa loꞌo kii, saa ra kuni tuku va ndo yuꞌu, saa chi nuu iyoo Tata yu Ndioxi va ke kuꞌun yu ―kachi Jesús.

San Juan 14:19

Ra saloꞌo ni va kumani, saa ra küni ka vi na yuuvi yoꞌo yuꞌu, ndi su ndoꞌo ra kuni va ndo yuꞌu; saa chi kutiaku va ndo, chi yuꞌu ra tiaku va yu.

San Juan 13:33

Ndoꞌo, ndia kuu seꞌe mii yu, ra na kundaa ini ndo, saa chi saloꞌo ni va kii íin yu xiꞌin ndo, ra xa ta kachi yu xiꞌin na judío ke ^kachi tu yu xiꞌin ndoꞌo va: Saa chi nanduku ni va ndo yuꞌu, ndi su kuchüun vi ndo xaa ndo nuu kuꞌun yu.

San Juan 7:33

Ra saa ndikaꞌan Jesús xiꞌin yuvi kan kachi ra saa: ―Saloꞌo ni va tiempo íin yu xiꞌin ndo, saa ra nandiko yu kuꞌun yu nuu ra tiꞌvi yuꞌu vaxi va yu.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

Hebreos 4:13

Ra takundiꞌi ñaꞌa ña xavaꞌa Tata yo Ndioxi, ra ndia nii ña kuchüun tiseꞌe nuu ra; saa chi iyoo yala takundiꞌi va ña nuu ra, ra xini ra takundiꞌi va ña. Ra nuu ra kan kuvi ña ndataxi yo xaꞌa takundiꞌi va chiñu ña xa yo.

San Juan 21:17

Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.

San Mateo 9:4

Ndi su kundaa va ini Jesús ña ndakani ini na, ra saa ndikaꞌan ra xiꞌin na kachi ra saa: ―¿Nichuun kiꞌvi ni ndakani ini ndo?

San Mateo 6:8

Ndi su ndoꞌo, ra xä ndo ta xa na kan, chi Iva yo Ndioxi ra xa kundaa va ini ra ni ñaꞌa ke kumani nuu ndo, te kuni ka nduku ndo ña nuu vi ra.

San Marcos 9:32

Ra ndia xika xiꞌin ra, ra nii kundäa ini ndia ni ke kaꞌan ra, ra nii xandiëe ini tu ndia ña ndakatuꞌun va ndia ra xaꞌa ña kaꞌan ra, chi iyuꞌvi ni ndia.

San Juan 6:61

Ra xa kundaa va ini Jesús ña ndatuꞌun kuachi ni na itaꞌan xiꞌin ra xaꞌa tuꞌun ña ndikaꞌan ra, ra saa ndikaꞌan ra xiꞌin na kachi ra saa: ―¿A ^tixuꞌvi ni ini ndo xiꞌin tuꞌun yoꞌo?

San Juan 16:18

¿Ra ni ke kuni kachi ra, “ña saloꞌo ni va kii kumani”? Kundäa vaꞌa ini vi yo ni ke kaꞌan ra ―kachi ndia.

San Juan 16:23

’Ra kii kan, ra köo mii ka ña ndakatuꞌun ndo yuꞌu vi. Ra ña ndaa kaꞌan yu xiꞌin ndo: saa chi xa mii va Tata yu Ndioxi kuvi ra taxi takundiꞌi ña nduku ndo nuu ra xiꞌin kivi yu.

San Juan 16:26

Ra te xa na xaa kii ña nduku ndo ña kumani nuu ndo xiꞌin kivi yu, ra kuäku ndaꞌvi ka yu nuu Tata yu Ndioxi xaꞌa ndo,