San Juan 15:20 - Mixteco Metlatónoc

²⁰ Ra na ndakaꞌan ndo xaꞌa tuꞌun ña ndikaꞌan yu xiꞌin ndo, ta kachi yu suꞌva: “Ndia nii na xachiñu tatu ra chëe na nuu xitoꞌo na.” Ra na kundaa ini ndo, chi tu taxi na yuꞌu, saa ra taxi tu na ndoꞌo va; ra tu xiin va na sakuaꞌa na tuꞌun ña sañaꞌa yu na, saa ra kuiin tu na sakuaꞌa na ña sañaꞌa ndoꞌo va na.

San Juan 15:20 Referans Kwoze

2 Timoteo 3:12

Ra xa kundaa ini yo, chi takundiꞌi yuvi na kuni kutiaku ta kuꞌva kuni mii Tata yo Jesucristo, ra ndoꞌo ni va na, chi taxi va na sa yuvi;

San Juan 13:16

Ra ña ndixa ke kaꞌan yu xiꞌin va ndo, saa chi ndia nii na xachiñu tatu, ra küvi sa chee na nuu ra kuu xitoꞌo na, ra nii yuvi na kuaꞌan chiñu küvi sa chee tu nuu na tiꞌvi ñaꞌa va.

San Mateo 10:24

’Ra ndia nii na sakan sakuaꞌa ra küvi kachi na ña xini ka na nuu maestro na, ra saa tu iin na xachiñu tatu va chi küvi kachi na ña chee ka na nuu ra kuu xitoꞌo na.

2 Corintios 4:9

Ra vaꞌa ni ^táxí tu na nduꞌu va, ndi su kuëe ndakoo ndaꞌa vi Ndioxi nduꞌu; ra vaꞌa ni kuni va na sandiꞌi na xaꞌa ndi, ndi su tiaku va ndi.

1 Corintios 4:12

ra xachiñu tu ndi ndiakua kuñaa va ndi, ra kañaꞌa tu na xiꞌin va ndi, ndi su tuꞌun vaꞌa va ndakuiin ndi yuꞌu na. Ra ^taxi tu na nduꞌu va, ndi su ^xa kaꞌnu va ini ndi xiꞌin na.

San Juan 8:51

Ra ña ndaa kaꞌan yu xiꞌin ndo, chi yuvi na kandixa tuꞌun ña kaꞌan yu, ra küvi na ―kachi Jesús xiꞌin na.

San Lucas 6:40

Ra ndia nii na sakan sakuaꞌa ra küvi sa chee na nuu maestro na, chi na sakan kutuꞌva va kuvi na. Ra ndia na ndiꞌi kaꞌvi na, saa vi ke xinu na koo na ta kuꞌva iyoo maestro na.

1 Tesalonicenses 2:15

Ra suvi mii na judío yoꞌo kuvi tu na xaꞌni Tata yo Jesús va. Ra ta kuꞌva xa na ña xaꞌni na ndia ñuu na ndia ndikaꞌan ndoso tuꞌun yuꞌu Tata yo Ndioxi, ke xa tu na ña xaꞌni na Tata yo Jesús va. Ra ta̱xí tu na nduꞌu va. Ra na kundaa ini ndo, chi na kanitaꞌan va kuvi na xiꞌin Tata yo Ndioxi, ra saa tu xiꞌin takundiꞌi yuvi va.

San Juan 10:31

Ra saa kiꞌin tuku va ndia judío kan yuu, ña kuni ndia kakin ndia Jesús.

San Juan 11:57

Ra ndia sutu ndia kunaꞌnu nuu ndia sutu xiꞌin ndia fariseo, ra xa xaꞌndia va ndia chiñu nuu yuvi, ña tu ndia iin na na kundaa ini nuu iyoo Jesús, ra ndikun na ndatuꞌun na xiꞌin ndia, ra vaꞌa tiin ndia ra.

San Juan 8:59

Ra saa kiꞌin na yuu kuni kakin na Jesús; ndi su ndiseꞌe va ra nuu na, ra te ndiꞌi saa kita ra ini korra veꞌe ñuꞌu kan, ra suvi mii tiañu na ke ndiyaꞌa tu ra kuaꞌan va ra.

San Juan 7:32

Ra saa xini soꞌo na fariseo ña ndiee ni kaꞌan yuvi kan xaꞌa Jesús, ra saa ndakutaꞌan na xiꞌin na xikuaꞌa nuu ndia sutu ra xaꞌndia na chiñu nuu ndia kumisio ndiaa veꞌe ñuꞌu kaꞌnu kan, ña na tiin ndia Jesús.

San Juan 5:16

Ra xaꞌa ña sandaꞌa Jesús yuvi kii ndakindiee va ke ndixika nduku ndia judío tiin ndia ra, ra kaꞌni ndia ra.

San Lucas 2:34

Saa ndikaꞌan ra Simeón xiꞌin na, kachi ra saa: ―Ndioxi na taxi ka ña vaꞌa ndaꞌa ndo; ra na chindiee taꞌan ra xiꞌin ndo ―kachi ra. Ra saa ndikaꞌan ka ra xiꞌin ña María, kachi ra saa: ―Xa mii Ndioxi ndikaxin ra loꞌo seꞌe kun, ña sakaku ra na ñuu Israel. Ra kuaꞌa ni na kaku sa ra, ra kuaꞌa ni tu na ndiꞌi xaꞌa va. Ra ra yoꞌo ku ra kuu iin seña nuu na yuuvi yoꞌo, ra kuaꞌa ni na kuïin kandixa.

San Juan 8:52

Ra saa ndikaꞌan na judío kan kachi na saa xiꞌin ra: ―Vichin ke ^kundaa kaxi va ini ndi ña ndixa ke ndikaa va tachi ndivaꞌa yoꞌo, saa chi ra Abraham xiꞌin takundiꞌi na ndikaꞌan ndoso tuꞌun yuꞌu Ndioxi, ra ndixiꞌi va na. Ra yoꞌo tu kaꞌan, ña küvi na kandixa tuꞌun ña kaꞌan va kun.

Hechos 14:22

Ra ta ndixaa ndia ta iin iin ñuu kan, ra saa ndikaꞌan ndia xiꞌin na ndikun Jesús ña ndaku ni na koo ini na, ra ndikaꞌan ka tu ndia xiꞌin na, ña xiniñuꞌu ndoꞌo ni va na, ra saa ke kuchuun na kiꞌvi na nuu xaꞌndia Ndioxi chiñu.

San Marcos 10:39

Saa ndakuiin ndia kachi ndia saa: ―Kuchuun va ndi Tata, ―kachi ndia. Saa ndikaꞌan ra xiꞌin ndia kachi ra saa: ―Ña ndixa ke kaꞌan yu xiꞌin ndo, ña ndoꞌo ni tu ndóꞌo̱ va, iin ta kuꞌva ^ndoꞌo yu, saa ndoꞌo tu ndóꞌo̱ va.