San Juan 15:14 - Mixteco Metlatónoc

¹⁴ Ra tu na sa ndo ña kaꞌan yu, ra saa ke kuu ndo ndia itaꞌan mani xiꞌin va yu.

San Juan 15:14 Referans Kwoze

San Mateo 12:50

Saa chi takundiꞌi yuvi na xanduvi ña kaꞌan Tata yu, ra nduꞌu ndivi va, kuvi na kuu ñani yu, xiꞌin kuꞌva yu, xiꞌin siꞌi yu ―kachi Jesús xiꞌin na.

1 San Juan 5:3

Ra xaꞌa ña kandixa yo ndiayu ña xaꞌndia Tata yo Ndioxi nuu va yo kuvi ña ndañaꞌa yo ña ndinuni ni kuꞌvi ini yo xini yo ra, ra ndiayu ña xaꞌndia ra nuu yo, ra kuëe uꞌvi ña kandixa yo ña.

Santiago 2:23

Ra suꞌva ke xa ra Abraham ña saxinu ra nuu tuꞌun Tata yo Ndioxi ña kachi suꞌva: “Ra Abraham, ra ndinuni ni va kandixa ra Tata yo Ndioxi, ra xaꞌa ña kan ke nduu ra iin tiaa ra ndinuni ni ndiaa ini Tata yo Ndioxi.” Ra xikuu tu ra ra xitaꞌan mani xiꞌin va ra.

San Juan 14:21

Ra yuvi na xini ndiayu yu, ra xa na ña kaꞌan ña, saa ra, ^ndañaꞌa na mii na ña ndixa ke kuꞌvi ini na xini na yuꞌu va. Ra na kuꞌvi ini xini yuꞌu, ra kuꞌvi ni tu ini Tata va yu kuni ra na, ra saa tu yuꞌu va, chi kuꞌvi ni va ini yu kuni yu na, ra ndañaꞌa yu mii yu nuu na ―kachi Jesús xiꞌin ndia.

San Juan 14:15

Ra saa ndikaꞌan Jesús xiꞌin ndia kachi ra saa: ―Tu ndixa kuꞌvi ini ndo xini ndo yuꞌu, saa ra na kandixa ndo ndiayu va yu.

San Lucas 12:4

Ra saa ndikaꞌan Jesús kachi ra saa xiꞌin ndia: ―Ndoꞌo, ndia itaꞌan xiꞌin yu, kuvi ndia kaꞌan yu xiꞌin, ña na kuayüꞌvi ndo nuu na xaꞌni ndii. Chi takua iki kuñu va ke xaꞌni na, ndi su kuchüun vi na sandiꞌi na xaꞌa ña ku nima yuvi.

San Juan 13:17

Ra tu na kundaa ini ndo xiꞌin ña yoꞌo, ra sa ndo ña, saa ra vaꞌa ni va kee ndo.

San Juan 2:5

Ra saa ndikaꞌan ña xiꞌin na chuꞌun ndaꞌa kan, kachi ña saa: ―Na sa ndo takundiꞌi ña ^kaꞌan ra xiꞌin ndo ―kachi ña xiꞌin na.

San Juan 14:28

Ra xa xini va soꞌo ndo, ña ndikaꞌan yu xiꞌin ndo ña kuꞌun yu, ndi su nandiko va tu yu sata ndo. Ra tu ndixa ke kuꞌvi ini ndo xini ndo yuꞌu, saa ra ndo kusii ka ini va kuvi ndo, ña ^kundaa ini ndo ña kuꞌun yu nuu Tata yu, saa chi kaꞌnu ni ka va ra kan nuu yuꞌu.