San Juan 14:27 - Mixteco Metlatónoc

²⁷ ’Ra vichin ke, indiayu taꞌan yu xiꞌin ndo xiꞌin ña vaꞌa ña kuu mii yu. Ra ña vaꞌa ña kuu mii yu ke ndakoo tu yu xiꞌin va ndo, ra inüu ña xiꞌin ña taxi ña yuuvi yoꞌo. Ra na kundïꞌi ni ini ndo, ra nii na kuayüꞌvi va tu ndo xaꞌa ña kuu.

San Juan 14:27 Referans Kwoze

Filipenses 4:7

Ra saa ke taxi tu ra ña vaꞌa ni koo va ndo, ra ña vaꞌa ña ^taxi Tata yo Ndioxi, ra ña kaꞌnu ni va kuvi ña, saa chi tändiaa yo ña kundaa ini yo xiꞌin ña, ra ña vaꞌa kan kuvi ña kondiaa nima va ndo, ra saa tu ña xinituni va ndo xaꞌa ña xa xini ndo Cristo Jesús.

San Juan 16:33

Ra tuꞌun yoꞌo ke kaꞌan yu xiꞌin ndo, ña vaꞌa na kundaa ini ndo, chi nuu yuꞌu ke niꞌi ndo ña vaꞌa koo xiꞌin va ndo. Ra ña ndixa ke sandoꞌo ni va na ndoꞌo nuu ña yuuvi yoꞌo; ndi su na kundiaa ini ndo yuꞌu, saa chi yuꞌu, ra xa xatiaa va yu nuu ña yuuvi yoꞌo ―kachi Jesús.

2 Tesalonicenses 3:16

Ra mii Tata yo Jesucristo ra kuu mii ña vaꞌa na taxi ña vaꞌa koo xiꞌin ndo iin takundiꞌi kii, ra saa tu kii ña vaꞌa iyoo ndo, ra saa tu kii te väꞌa iyoo va ndo, ra mii Tata yo Jesucristo na koo xiꞌin takundiꞌi ndo.

Colosenses 3:15

Ra ña vaꞌa ña taxi Ndioxi na kaꞌndia chiñu nima ndo, saa chi xaꞌa ña yoꞌo ke kana ra ndoꞌo ña kuu ndo iin iki kuñu xiꞌin Cristo va, ra na kusii ni ini ndo, ra ndataxi ndo tixaꞌvi ndaꞌa ra.

2 Timoteo 1:7

Saa chi nditäxi Tata yo Ndioxi Tachi Yii ra ndaꞌa yo ña kuu yo yuvi iyo, chi ña taxi ra Tachi Yii ra ndaꞌa yo, ra ña vaꞌa ndaku na koo ini va yo kuvi ña, xiꞌin ña kuꞌvi ini yo inka yuvi, xiꞌin ña vivii kutiaku yo.

Romanos 15:13

Ra Tata yo Ndioxi, ra ndiaa ini yo, na taxi ña sii, xiꞌin ña vaꞌa ndaꞌa ndo, xaꞌa ña kandixa ndo ra; ra mii ndiee Tachi Yii kuvi ña na sandakutu ndoꞌo, ña vaꞌa na kundiaa ni ka ini ndo ra.

Romanos 8:6

Ra yuvi na tiaku ta kuꞌva kuni mii, ra ichi nuu kuvi va na ke ndiaka ña na kuaꞌan na, ndi su yuvi na tiaku ta kuꞌva kuni Tachi Yii, ra ña niꞌi na kan ke kutiaku va na, ra vaꞌa ni tu koo va na.

Gálatas 1:3

Ra Tata yo Ndioxi, ra kuu iva Tata yo Jesucristo, na taxi ña vaꞌa kutaꞌvi ndo, ra vaꞌa ni na koo ndo.

Gálatas 5:22

Ndi su ña ^xa Tachi Yii Ndioxi ke chindiee taꞌan ña xiꞌin yo ña ^kuꞌvi ini yo xini yo inka yuvi va, xiꞌin ña iyoo sii ini yo, xiꞌin ña itaꞌan mani yo xiꞌin takundiꞌi yuvi, xiꞌin ña iyoo kaꞌnu ini yo, xiꞌin ña toꞌo ni yo xiꞌin yuvi, xiꞌin ña tiayu ni yo, xiꞌin ña iyoo ndaku nima yo,

Romanos 5:1

Ra xa kundaa va ini yo, chi xaꞌa ña ndiaa ini yo Jesucristo va ke ndakiꞌin mani Ndioxi yoo ña nduu yo ta kuꞌva iyoo yuvi na köo kuachi, ra xaꞌa ña vaꞌa ña xa Jesucristo kuvi tu ña vaꞌa ^itaꞌan mani yo xiꞌin Ndioxi ta iin iin kii.

San Juan 14:1

Ra saa ndikaꞌan Jesús xiꞌin ndia itaꞌan xiꞌin ra, kachi ra saa: ―Ndïꞌi ini ndo. Na kundiaa ini ndo Ndioxi, ra na kundiaa ini tu ndo yuꞌu va.

Romanos 5:10

Ra na kundaa ini yo, chi ta yachi, ra yoo kanitaꞌan xiꞌin Ndioxi va xikuu yo, ndi su tiꞌvi va ra Jesucristo ra kuu seꞌe ra, ña kixi ra ndixiꞌi ra xaꞌa yo, ña ndachutaꞌan mani ra yoo xiꞌin ra, ra ña xa ndachutaꞌan mani Jesús yoo xiꞌin Ndioxi vichin, ra kundaa kaxi va ini yo ña sakaku ra yoo.

San Juan 20:21

Ra saa ndikaꞌan tuku Jesús xiꞌin ndia, kachi ra saa: ―Ña vaꞌa na koo xiꞌin ndo. Ra ta kuꞌva xa Tata yu Ndioxi ña tiꞌvi ra yuꞌu xaa yu yoꞌo, ra saa ke ^xa tu yuꞌu va, ña tiꞌvi yu ndoꞌo kuꞌun ndo vichin ―*kachi ra xiꞌin ndia.

Colosenses 1:20

Ra ña kuni mii ra kuvi tu ña, kuniñuꞌu ra Cristo ña ndachutaꞌan mani ra takundiꞌi na yuuvi xiꞌin va ra, ra saa tu takundiꞌi ñaꞌa ña iyoo nuu ña yuuvi va, ta kuu ña iyoo nuu ñuꞌu, xiꞌin ña ndee ndivi. Ra xaꞌa ña ndixiꞌi Cristo ndika cruz va kuvi ña vaꞌa ndakutaꞌan mani na yuuvi xiꞌin Ndioxi.

Romanos 1:7

Ra nuu takundiꞌi ndoꞌo na taꞌan yo na ndee ñuu Roma, na kuꞌvi ni ini Ndioxi xíní ra, na kana ra ^kuu na yii, ke tiꞌvi yu tutu yoꞌo kuxaa ña. Ra ña vaꞌa ña taxi Ndioxi xiꞌin Jesucristo ke na koo xiꞌin ndo, ra vaꞌa ni na koo ndo.

1 Corintios 1:3

Ra Tata yo Ndioxi, ra kuu Iva Tata yo Jesucristo na taxi ña vaꞌa kutaꞌvi takundiꞌi ndo, ra vivii na koo ndo.

San Juan 20:19

Ra te xa kuñuu suvi mii kii, ña kiꞌin xaꞌa semana kan ke, ndakutaꞌan takundiꞌi ndia xitaꞌan xiꞌin Jesús ndee ndia, ra ndasi tuun va yeꞌe veꞌe nuu ndee ndia, xaꞌa ña iyuꞌvi ndia nuu na judío taꞌan ndia. Ra saa xaa Jesús veꞌe nu ndee ndia, ra xikundichi ra mañu ndia, ra ndikaꞌan ra xiꞌin ndia kachi ra saa: ―Ña vaꞌa, na koo xiꞌin ndo ―*kachi ra.

2 Tesalonicenses 1:2

Ra ña ndaꞌvi ini, xiꞌin ña vaꞌa ña kuu mii Tata yo Ndioxi, xiꞌin Tata yo Jesucristo na koo xiꞌin ndo.

Hechos 10:36

Ra mii tuꞌun yoꞌo ke ndikaꞌan tu ra xiꞌin na ñuu Israel va, ña tiꞌvi ra Jesucristo kixi ra ndikaꞌan ndoso ra tuꞌun vaꞌa ña ndakundee vii na xiꞌin, ra mii ra kuu tu Tata takundiꞌi va yuvi.

San Lucas 2:14

¡Kaꞌnu ni na koo Ndioxi ra iyoo ndivi! ¡Ra vaꞌa ni na koo na yuuvi yoꞌo, na ^xa ra ña vaꞌa xiꞌin! ―kachi na.

San Lucas 1:79

Ña vaꞌa na taxi ra ndayeꞌe nuu na ndee nuu ñaa, na xa ndiatu ini kuvi. Ra ndañaꞌa ra ichi vaꞌa nuu yo ña kaka yo, kachi ra Zacarías xiꞌin ra loꞌo Juan seꞌe ra.

Hebreos 13:20

Ra nuu Tata yo Ndioxi ra sandatiaku Tata yo Jesucristo kuvi ña nduku ni yu ña vaꞌa xaꞌa ndo, saa chi ra kan kuvi ra taxi ña vaꞌa, ra Tata yo Jesucristo kuvi ra ndiaa yoo, ta kuꞌva xa iin ra vivii ndiaa ndikachi, ra suvi mii ra kuvi tu ra kindoo iin ña xaa ña kuëe ndiꞌi xaꞌa xiꞌin va yo xaꞌa nii ra ña ndixitia ndika cruz,

Hechos 18:9

Ra saa kuu, ra iin ñuú, satuvi Jesús nuu ra Pablo, ra ndikaꞌan ra xiꞌin ra, kachi ra saa: ―Kuayüꞌvi kun; chi na ndakundiee va kun, ña kaꞌan ndoso kun, ra na kutäxin yuꞌu kun.

San Mateo 10:26

Ra saa ndikaꞌan ka ra kachi ra saa xiꞌin ndia: ―Xaꞌa ña kan ke, kuayüꞌvi ndo nuu yuvi yoꞌo. Saa chi takundiꞌi ñaꞌa ña kundäa ini na, ra kundaa ndiꞌi va ini na xaꞌa ña, ra ña iyoo seꞌe ra ndatuvi ndiꞌi tu xaꞌa ña kan va.

Apocalipsis 2:10

Ndi kuayüꞌvi kun nuu tundoꞌo ña vaxi nuu kun, chi ndukuiin timiaꞌa ra kotondoso ri ndoꞌo, ra tiin ri sava ndo ra taan ri ndoꞌo veꞌe kàà, ra ndia uxi va kii sandoꞌo ri ndoꞌo. Ndi su yoꞌo, ra ndaku ni na koo ini kun ra nii na kuvi va kun, ndi nandïko ini kun. Saa ra yuꞌu taxi ña kutiaku kun ndia ndixaa kii ndia ndixaa tiempo va.

Apocalipsis 1:4

Yuꞌu, ra Juan, kuvi ra tiꞌvi tutu yoꞌo xáá ña nuu uxa veꞌe ñuꞌu ña iyoo chi Asia: Ra Iva yo Ndioxi ra iyoo vichin, ra xa iyoo te yachi, ra kixi kii ña vaxi, ra saa tu uxa saa Tachi ña iyoo nuu nduꞌu ra xaꞌndia ra chiñu, na taxi ña vaꞌa kutaꞌvi ndo, ra vii ni na koo ndo.

Hebreos 7:2

Saa chaꞌvi ra Abraham nuu xuꞌun ña ndakiꞌin ra ndixaꞌan ra nuu kuachi, ndaꞌa ra. Ra kivi ra Melquisedec yoꞌo, “ra rey ra ^xa chiñu ndaku”, ke kachi ña; ra ña xikuu ra rey nuu na ñuu Salem, ra “rey ra ndachindee vii yuvi ke”, kachi ña yoꞌo.

San Juan 20:26

Ra saa kuu ndiyaꞌa una kii, ra ndakutaꞌan tuku va ndia xitaꞌan xiꞌin Jesús ndee ndia iin veꞌe, ra xa nduꞌu va ra Tomás xiꞌin ndia. Ra kutu ka vi ndasi yeꞌe veꞌe kan ndee ndia, ndi su ndikiꞌvi va Jesús, ra xikundichi ra maꞌñu ndia, ra ndikaꞌan ra xiꞌin ndia, kachi ra saa: ―Ña vaꞌa, na koo xiꞌin ndo ―*kachi ra.

Apocalipsis 21:8

Ndi su na iyo, na uvi ini, na xïin kandixa yuꞌu, xiꞌin na kini na ^xa chiñu yakua, xiꞌin na ^xaꞌni, xiꞌin na kíꞌvi xiꞌin ndia ndia ka na siꞌi, xiꞌin na tuꞌva na kuu na saka, xiꞌin na ^kañuꞌu ndioxi ña ku naꞌna, xiꞌin takundiꞌi na kuendo ni, ra takundiꞌi na ^xa chiñu kiꞌvi yoꞌo kuvi na kuꞌun nuu mini ñùꞌù ña ndikavanuu ñuꞌú kaꞌndi xiꞌin, ra yoꞌo ke ndakuvi na ichi ña uvi ―kachi ra xiꞌin yu.

Gálatas 6:16

Ra ña vaꞌa xiꞌin ña ndaꞌvi ini Ndioxi na koo xiꞌin takundiꞌi ndoꞌo na xa nduu yuvi xaa, saa chi ndoꞌo kuvi ndo kuu ndinuni ñuu Ndioxi va.

San Lucas 10:5

Ra te xa na xaa ndo iin veꞌe, ra xiꞌna ka va na kaꞌan ndioxi ndo xiꞌin na kachi ndo suꞌva: “Ña vaꞌa na koo xiꞌin ndoꞌo na ndee veꞌe yoꞌo”, kachi ndo xiꞌin na.

Colosenses 1:2

ña xaa ña nuu ndoꞌo, na yii na kuu ñuu Ndioxi, na ndinuni ni ndikun Tata yo Jesucristo ndee ñuu Colosas. Ra mii Tata yo Ndioxi na taxi ña vaꞌa kutaꞌvi ndo, ra vaꞌa ni na koo ndo.

San Lucas 12:4

Ra saa ndikaꞌan Jesús kachi ra saa xiꞌin ndia: ―Ndoꞌo, ndia itaꞌan xiꞌin yu, kuvi ndia kaꞌan yu xiꞌin, ña na kuayüꞌvi ndo nuu na xaꞌni ndii. Chi takua iki kuñu va ke xaꞌni na, ndi su kuchüun vi na sandiꞌi na xaꞌa ña ku nima yuvi.