San Juan 14:23 - Mixteco Metlatónoc

²³ Saa ndakuiin Jesús kachi ra saa xiꞌin ra: ―Yuvi na kuꞌvi ini xini yuꞌu, ra kandixa va na tuꞌun ña kaꞌan yu, ra Tata yu Ndioxi, ra kuꞌvi ni va ini ra kuni ra na, ra yuꞌu xiꞌin Tata yu, ra kixi va ndi koo ndi xiꞌin na.

San Juan 14:23 Referans Kwoze

San Juan 14:21

Ra yuvi na xini ndiayu yu, ra xa na ña kaꞌan ña, saa ra, ^ndañaꞌa na mii na ña ndixa ke kuꞌvi ini na xini na yuꞌu va. Ra na kuꞌvi ini xini yuꞌu, ra kuꞌvi ni tu ini Tata va yu kuni ra na, ra saa tu yuꞌu va, chi kuꞌvi ni va ini yu kuni yu na, ra ndañaꞌa yu mii yu nuu na ―kachi Jesús xiꞌin ndia.

San Juan 14:15

Ra saa ndikaꞌan Jesús xiꞌin ndia kachi ra saa: ―Tu ndixa kuꞌvi ini ndo xini ndo yuꞌu, saa ra na kandixa ndo ndiayu va yu.

1 San Juan 2:24

Ra xaꞌa ña kan ke xiniñuꞌu ndinuni ni, na kundikun ndo tuꞌun vaꞌa xaꞌa Tata yo Jesucristo, ña xini soꞌo ndo te sakan ndakundikun ndo ra; saa chi tu saa na sa ndo, ra saa ke kuu ndo na itaꞌan xiꞌin Tata yo Jesucristo, ra saa tu xiꞌin Tata yo Ndioxi va.

1 San Juan 4:4

Ndi su ndoꞌo, ra kuenda Tata yo Ndioxi va kuvi ndo, ñani yo. Saa chi xa xatiaa tu ndo nuu yuvi na kanitaꞌan xiꞌin Tata yo Jesucristo va; saa chi Tata yo Ndioxi ra iyoo xiꞌin ndo, ra kaꞌnu ni ka va ra kan nuu timiaꞌa ri iyoo xiꞌin na yuuvi yoꞌo.

2 Corintios 6:16

Ra nii veꞌe ñuꞌu kaꞌnu ña kuu kuenda Ndioxi tu küvi koo yuꞌu xiꞌin naꞌna ña kuu ndioxi ndii va. Ra yoo va kuvi na kuu veꞌe ñuꞌu kaꞌnu ña kuu kuenda Ndioxi, ra tiaku, ra saa kuvi tu ña kachi mii Ndioxi ta kachi ra suꞌva va: Koo yu xiꞌin na, ra kaka yu tiañu na; ra yuꞌu kuvi ra kuu Ndioxi na, ra na kan kuvi na kuu ñuu va yu, kachi ra.

San Juan 10:30

Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

San Juan 6:56

Ra yuvi na kaxi kuñu yu, ra koꞌo na nii yu, ra na kan kuvi na ndikun yuꞌu, ra yuꞌu tu íin xiꞌin na kan va.

San Juan 14:17

Ra ña kan kuu Tachi Yii Ndioxi ña ndaa. Ra na yuuvi yoꞌo ra ^küvi vi ndakiꞌin na ña chi xïni na ña, ra nii kundäa tu ini na ni ñaꞌa kuvi va ña, ndi su ndoꞌo, ra ^xini va ndo ña, chi xa xiꞌin va ndo iyoo ña, ra koo tu ña xiꞌin ndo iin takundiꞌi kii va.

Apocalipsis 21:22

Ra köo veꞌe ñuꞌu ndichi ñuu kan ndixini yu, saa chi Tata yo Ndioxi ra kuu mii takundiꞌi ndiee va kuvi ra kuu veꞌe ñuꞌu ñuu kan xiꞌin Jesucristo ra ku ndikachi loꞌo va.

Apocalipsis 22:3

Ra ñuu kan, ra köo ka ñaꞌa ña tavi chiꞌña. Saa chi mii Ndioxi va kuvi ra kaꞌndia chiñu nuu na xiꞌin ra kuu ndikachi loꞌo, ra na ^xachiñu nuu ra, ra ikan ke ndasakaꞌnu ni ka va na ra.

San Juan 8:51

Ra ña ndaa kaꞌan yu xiꞌin ndo, chi yuvi na kandixa tuꞌun ña kaꞌan yu, ra küvi na ―kachi Jesús xiꞌin na.

San Juan 8:52

Ra saa ndikaꞌan na judío kan kachi na saa xiꞌin ra: ―Vichin ke ^kundaa kaxi va ini ndi ña ndixa ke ndikaa va tachi ndivaꞌa yoꞌo, saa chi ra Abraham xiꞌin takundiꞌi na ndikaꞌan ndoso tuꞌun yuꞌu Ndioxi, ra ndixiꞌi va na. Ra yoꞌo tu kaꞌan, ña küvi na kandixa tuꞌun ña kaꞌan va kun.

San Juan 14:24

Ra yuvi na küꞌvi ini xini yuꞌu, ra kandïxa vi na kan tuꞌun ña kaꞌan yu xiꞌin na. Ra tuꞌun ña xini soꞌo ndo yoꞌo, ra süvi tuꞌun yuꞌu kuvi ña, chi tuꞌun Tata yu Ndioxi ra tiꞌvi yuꞌu vaxi va yu kuvi ña.

San Juan 15:10

Ra tu na kandixa ndo ndiayu yu, saa ra kaka va ndo tixi ña kuꞌvi ini yu xini yu ndoꞌo, ta kuꞌva ^xa yuꞌu ña ^kandixa yu ndiayu Tata yu Ndioxi, ra xika yu tixi ña kuꞌvi ini ra xini ra yuꞌu.

San Juan 16:27

chi xa ^kuꞌvi ni tu ini mii va ra xini ra ndoꞌo, saa chi ^kuꞌvi ni ini ndo xini ndo yuꞌu, ra kandixa tu ndo yuꞌu ña kee yu nuu va ra.

Efesios 3:17

Saa chi saa ke vaꞌa koo Cristo nima ndo xaꞌa ña ndiaa ini ndo ra, ra saa ke kuvi koo ni tu ña kuꞌvi ini ña taxi Ndioxi va nuu ndo, ra koo ndaku nima ndo.

1 San Juan 2:5

Ndi su yuvi na kandixa ndiayu ña xaꞌndia Tata Ndioxi, ra na kan kuvi na ndinuni ni kuꞌvi ini xini va ra; ra xaꞌa ña kuꞌvi ini yo xini yo Tata yo Ndioxi kuvi ña kundaa kaxi tu ini yo ña itaꞌan yo xiꞌin va ra.

1 San Juan 5:3

Ra xaꞌa ña kandixa yo ndiayu ña xaꞌndia Tata yo Ndioxi nuu va yo kuvi ña ndañaꞌa yo ña ndinuni ni kuꞌvi ini yo xini yo ra, ra ndiayu ña xaꞌndia ra nuu yo, ra kuëe uꞌvi ña kandixa yo ña.

2 San Juan 1:6

Ra ña ^ndañaꞌa yo ña kuu mii yo ña kuꞌvi ini yo xini yo Tata yo Ndioxi, ra xaꞌa ña ^xa yo ña kaꞌan ndiayu va ra kuvi ña; ra xa kundaa va ini ndo, chi ña kachi ndiayu ña xini soꞌo ndo kan ke: na kuꞌvi ini yo kuni taꞌan yo iin takundiꞌi kii va.

Apocalipsis 21:3

Ra saa xini soꞌo yu ña ndiee ka vi ndikaꞌan iin tachi, chi ndivi kachi ña saa: ―Veꞌe ñuꞌu Ndioxi ra xa tiañu na yuvi va ndichi ña, ra koo ra xiꞌin na, ra na ñuu ra kuu na, ra mii ra kuvi ra kuu Ndioxi va na.