San Juan 14:21 - Mixteco Metlatónoc

²¹ Ra yuvi na xini ndiayu yu, ra xa na ña kaꞌan ña, saa ra, ^ndañaꞌa na mii na ña ndixa ke kuꞌvi ini na xini na yuꞌu va. Ra na kuꞌvi ini xini yuꞌu, ra kuꞌvi ni tu ini Tata va yu kuni ra na, ra saa tu yuꞌu va, chi kuꞌvi ni va ini yu kuni yu na, ra ndañaꞌa yu mii yu nuu na ―kachi Jesús xiꞌin ndia.

San Juan 14:21 Referans Kwoze

San Juan 14:15

Ra saa ndikaꞌan Jesús xiꞌin ndia kachi ra saa: ―Tu ndixa kuꞌvi ini ndo xini ndo yuꞌu, saa ra na kandixa ndo ndiayu va yu.

1 San Juan 5:3

Ra xaꞌa ña kandixa yo ndiayu ña xaꞌndia Tata yo Ndioxi nuu va yo kuvi ña ndañaꞌa yo ña ndinuni ni kuꞌvi ini yo xini yo ra, ra ndiayu ña xaꞌndia ra nuu yo, ra kuëe uꞌvi ña kandixa yo ña.

1 San Juan 2:5

Ndi su yuvi na kandixa ndiayu ña xaꞌndia Tata Ndioxi, ra na kan kuvi na ndinuni ni kuꞌvi ini xini va ra; ra xaꞌa ña kuꞌvi ini yo xini yo Tata yo Ndioxi kuvi ña kundaa kaxi tu ini yo ña itaꞌan yo xiꞌin va ra.

2 San Juan 1:6

Ra ña ^ndañaꞌa yo ña kuu mii yo ña kuꞌvi ini yo xini yo Tata yo Ndioxi, ra xaꞌa ña ^xa yo ña kaꞌan ndiayu va ra kuvi ña; ra xa kundaa va ini ndo, chi ña kachi ndiayu ña xini soꞌo ndo kan ke: na kuꞌvi ini yo kuni taꞌan yo iin takundiꞌi kii va.

San Juan 16:27

chi xa ^kuꞌvi ni tu ini mii va ra xini ra ndoꞌo, saa chi ^kuꞌvi ni ini ndo xini ndo yuꞌu, ra kandixa tu ndo yuꞌu ña kee yu nuu va ra.

San Lucas 11:28

Ra saa ndakuiin Jesús kachi ra saa: ―Vaꞌa ni ka va kee yuvi na xini soꞌo tuꞌun Ndioxi, ra kandixa na ña kaꞌan ra xiꞌin na ―kachi ra.

San Juan 15:14

Ra tu na sa ndo ña kaꞌan yu, ra saa ke kuu ndo ndia itaꞌan mani xiꞌin va yu.

Apocalipsis 3:20

Ra kotoꞌni vichin, chi yeꞌe va ndichi yu ra kana yu, ra tu ndia na xini soꞌo tachi yu, ra ndakuña na yeꞌe nuu yu, ra kiꞌvi yu veꞌe na, ra kuxini yu xiꞌin na, ra na kan kuxi tu xiꞌin yuꞌu va.

Apocalipsis 22:14

Ra yuvi na ^ndakatia tikoto, ra vaꞌa ni kee na, saa chi niꞌi na ndiayu ña kaxi na kuiꞌi ña iyoo ndaꞌa itun kuii tu taxi ña kutiaku na, ra kuvi tu kiꞌvi na yeꞌe ñuu yii kan va.

2 Corintios 4:6

Saa chi mii va Ndioxi, ra sandayeꞌe ñùꞌù ña kuu mii ra nuu ñaa, kuvi ra sandayeꞌe ñùꞌù ña kuu mii ra nima tu nduꞌu va, ra mii ñùꞌù kan ke chindiee taꞌan xiꞌin ndi ña vaꞌa kundaa ini ndi xaꞌa ndiee ra, ña kaꞌnu, ña yeꞌe kuu mii Tata yo Jesucristo va.

Apocalipsis 2:17

Ra na veꞌe ñuꞌu, na xíni soꞌo ña kaꞌan Tachi Yii Ndioxi xiꞌin na, ra na tiaa ka soꞌo va na, chi na kuchuun sakanaa nuu ña väꞌa ra taxi yu ixtavaꞌa ña kée ndivi ña iyoo nuu se̱ꞌè kuxi na, ra taxi tu yu iin yuu yaa loꞌo va ndaꞌa na, ra nuu yuu loꞌo kan kunduꞌu iin kivi na, ña xaa, ra kivi na ña xaa yoꞌo, ra ndia nii yuvi xïni ña, chi takua mii na ndakiꞌin va ña kuvi na kundaa ini xiꞌin ña.”

San Juan 17:23

Ra yuꞌu kuvi ra íin xiꞌin na yoꞌo, ra yoꞌo kuvi tu ra íin xiꞌin yuꞌu va, saa chi saa ke vaꞌa ndinuni ni kutaꞌan na xiꞌin taꞌan na, ña vaꞌa na kundaa ini na yuuvi yoꞌo, ña tiꞌvi kun yuꞌu, xaa yu nuu ña yuuvi yoꞌo, saa chi ^kuꞌvi ni ini kun xini kun na, ta kuꞌva ^kuꞌvi ini kun xini kun yuꞌu.

1 San Juan 3:1

Ra ndakanda ni ini yo, saa chi tiaa ni ^kuꞌvi ini Tata yo Ndioxi xini ra yoo, ra xaꞌa ña xa va ra kuvi ña vaꞌa nduu yo seꞌe ra. Ndi su na yuuvi yoꞌo ra xïni vi na ña kuu yo seꞌe ra, saa chi täan kundaa ini na xaꞌa ra.

2 Tesalonicenses 2:16

Ra mii Tata yo Jesucristo xiꞌin Tata yo Ndioxi kuvi ra kuꞌvi ni ini xini yoo xiꞌin ña ndaꞌvi ini ña kuu mii ra, ra taxi ra tuꞌun ndiee ini ña kuëe ndiꞌi xaꞌa ndaꞌa yo, ra ndiniꞌi tu yo iin ña vaꞌa, ña kuu ña ndiaa ini va yo ra.

San Juan 16:14

Ra Tachi Yii Ndioxi va kuvi ña chinduꞌu toꞌo tuꞌun xaꞌa yu, saa chi ^kundaa va ini ña xaꞌa takundiꞌi ña xa yu, xiꞌin ña sañaꞌa yu, ra ndañaꞌa tu ña ña nuu ndoꞌo va.

San Juan 14:18

Ra na kundaa ni ndo, chi ndaköo ndaꞌa yu ndoꞌo; saa chi ndiko tuku va yu kixi yu sata ndo.

2 Timoteo 4:22

Ra mii va Tata yo Jesucristo na koo xiꞌin kun, ra na taxi tu Tata yo Ndioxi ña vaꞌa kutaꞌvi takundiꞌi va ndo. Saa koo.

2 Corintios 3:18

Ra xaꞌa ña kan ke takundiꞌi yoo na xa kandixa Tata yo Jesucristo, ra kuëe ndasi ka tikoto nuu yo, chi xa ta iyoo yuu tata va iyoo yo, ra ^ndañaꞌa yo ña iyoo ndiee Tata yo Jesucristo xiꞌin yo; ra xiꞌin ndiee yoꞌo ke ^ndasama yo ta iin iin kii, ña ^nduu yo ta kuꞌva iyoo Tata yo Jesucristo, saa chi ta iin iin kii ra ^taxi va ra ndiee ra ndaꞌa yo. Ra mii Tata Jesucristo ra kuu Tachi va kuvi ra ^xa ña yoꞌo.

Hechos 22:18

Ra xini yu ndichi Jesús ra ndikaꞌan ra xiꞌin yu, kachi ra saa: “Kama ni koo kun, ra ndikun kanata va kun kuꞌun kun, saa chi na ñuu Jerusalén yoꞌo, ra kandïxa vi na ña ndakani kun nuu na xaꞌa yu”, kachi ra xiꞌin yu.

2 Corintios 12:8

Ra xa uni va ichi xaku ndaꞌvi yu nuu Tata yo Jesucristo, ña na tava ra kueꞌe yoꞌo ini iki kuñu yu.