San Juan 14:13 - Mixteco Metlatónoc

¹³ Ra takundiꞌi ña nduku ndo nuu Tata yo Ndioxi xiꞌin kivi yu, ra sa va yu ña, ra saa ke kundaa ini ndo ña kaꞌnu ni Ndioxi.

San Juan 14:13 Referans Kwoze

San Juan 15:7

’Tu na kundikun ndiaa ndo yuꞌu, ra näa ini ndo xaꞌa tuꞌun yu, saa ra ndia ndia ka ña kuni ndo nduku ndo nuu Tata yu, ra niꞌi va ndo ña.

San Marcos 11:24

Ña kan ke kaꞌan yu xiꞌin ndo, xaꞌa takundiꞌi ñaꞌa ña nduku ndo nuu Ndioxi, ra tu na kandixa ndo ña xa ndakiꞌin ndo ña, ra nii täan taxi va ra ña ndaꞌa ndo, ndi xa ta iyoo ña xa ndakiꞌin va ndo iyoo ña tuvi ndo, saa ra ni̱ꞌi̱ ndixa va ndo ña.

San Mateo 21:22

Saa chi takundiꞌi ña nduku ndo nuu Ndioxi, ra taxi va ra ña ndaꞌa ndo, tu ndinuni ni na kandixa ndo ta kaꞌan ndo xiꞌin ra xaꞌa ña ―kachi Jesús xiꞌin ndia.

San Mateo 7:7

Ra saa ndikaꞌan ka ra kachi ra saa xiꞌin na: ―Nduku ndo ñaꞌa ña kumani nuu ndo nuu Ndioxi, ra taxi ra ña ndaꞌa ndo; na ndanduku ndo ñá, ra ndaniꞌi ndo ña; na kani ndaꞌa ndo yeꞌe, ra ndakuiña ra nuu ndo.

1 San Juan 5:14

Ra xa kundaa kaxi va ini yo, chi te nduku yo ña vaꞌa ña kuni mii Tata yo Ndioxi nuu ra, ra xini va soꞌo ra ña kaꞌan yo xiꞌin ra.

San Juan 16:23

’Ra kii kan, ra köo mii ka ña ndakatuꞌun ndo yuꞌu vi. Ra ña ndaa kaꞌan yu xiꞌin ndo: saa chi xa mii va Tata yu Ndioxi kuvi ra taxi takundiꞌi ña nduku ndo nuu ra xiꞌin kivi yu.

1 San Juan 3:22

ra taxi tu ra takundiꞌi ñaꞌa ña nduku yo nuu va ra ndaꞌa yo, saa chi kandixa va yo ndiayu ra, ra xa tu yo chiñu ña kuni mii va ra.

San Juan 15:16

Ra süvi ndoꞌo kuvi ndo nindakaxin yuꞌu, chi yuꞌu va kuvi ra ndakaxin ndoꞌo, ra taxi yu chiñu ndaꞌa ndo, ña na kuꞌun ndo sa ndo ña kaꞌan yu, ra kuaꞌa ni kuiꞌi na taxi ndo, ra kuiꞌi ña taxi ndo kan, ra na koo ña iin ndisaa kii, ra saa ke taxi Tata yu takundiꞌi ña nduku ndo nuu ra xiꞌin kivi yu.

San Juan 14:14

Ra ndia ndia ka ñaꞌa na nduku ndo xiꞌin kivi yu, ra sa va yu ña ―kachi Jesús xiꞌin ndia.

Santiago 5:16

Ra xaꞌa ña kan ke, na naꞌma ndo kuachi ndo nuu taꞌan ndo, ra na kaꞌan ndo xiꞌin Tata yo Ndioxi xaꞌa taꞌan ndo, ra sandaꞌa ra ndoꞌo. Saa chi te kaꞌan yuvi na ndinuni ni ndikun Tata yo Ndioxi xiꞌin ra, ra ndakuiin va ra yuꞌu na.

Filipenses 4:13

Ra ^kuchiñu va yu, ña ^xa ndiee ini yu nuu takundiꞌi va ña, saa chi Cristo va kuvi ra ^taxi ndiee ndaꞌa yu.

Santiago 1:5

Ra tu ndia ndo kumani ña ndichi nuu, ra na nduku ndo ña nuu Tata yo Ndioxi, ra taxi va ra ña ndaꞌa ndo; saa chi Tata yo Ndioxi ra tiayu ni va ini ra, ra ^kuxïꞌndia vi ra ña nduku yo nuu ra.

Efesios 3:12

Ra xaꞌa ña xa Cristo va kuvi ña iyoo ndika yo, ra xaꞌa ña ndiaa tu ini yo ra ke kuvi kuyachin yo nuu Ndioxi va.

San Juan 16:26

Ra te xa na xaa kii ña nduku ndo ña kumani nuu ndo xiꞌin kivi yu, ra kuäku ndaꞌvi ka yu nuu Tata yu Ndioxi xaꞌa ndo,

San Juan 10:30

Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

Efesios 2:18

Ra na tixaꞌvi Cristo, chi xaꞌa ña xa ra kan va kuvi ña ndiniꞌi taꞌvi takundiꞌi yo ña mani nuu Ndioxi, ña vaꞌa kuyachin yo nuu ra xaꞌa ndiee Tachi Yii ra ña iyoo xiꞌin yo.

Colosenses 3:17

Ra takundiꞌi chiñu ña xa ndo, xiꞌin tuꞌun ña kaꞌan ndo, ra na ndañaꞌa ndo mii ndo xiꞌin ña, ña kuu ndo na ndikun Tata yo Jesús, ra na ndataxi ni tu ndo tixaꞌvi ndaꞌa Tata yo Ndioxi, xaꞌa ña xa Tata Jesús xaꞌa va ndo.

San Juan 7:37

Ra kii ña ndiꞌi viko kan kuvi iin kii ña tiaa ni ka va ndasakaꞌnu na judío. Ra mii kii kan ke ndakundichi Jesús ra ndiee ka vi ndikaꞌan ra xiꞌin na kachi ra saa: ―Tu ndia ndo ndachi ini, ra naꞌa ndo nuu yu, ra yuꞌu taxi tiakuii koꞌo ndo.

Hebreos 7:25

Ra ña kuëe ndakoo Tata yo Jesús, ña kuu ra sutu kuvi ña ^sakaku ra takundiꞌi va yuvi na kuyachin nuu Tata yo Ndioxi xiꞌin kivi ra. Ndi su ra kan ra köo ka ña ndiko ra sa ra, chi xa xa ndiꞌi va ra ña. Ra ña tiaku Tata yo Jesús iin takundiꞌi kii, ra ña xaku ndaꞌvi ra xaꞌa yo nuu Tata yo Ndioxi va kuvi ña.

San Juan 14:6

Ra saa ndakuiin Jesús kachi ra saa xiꞌin ra: ―Yuꞌu ku ra kuu ichi, ra yuꞌu ku ra kuu ña ndaa, ra yuꞌu ku ra kuu mii ña tiaku va. Ra ndia nii yuvi küvi xaa nuu Tata yu, tu na kïxi na nuu yuꞌu.

San Juan 12:44

Ra saa ndiee ka vi ndikaꞌan Jesús xiꞌin na kachi ra saa: ―Yuvi na kandixa yuꞌu, ra süvi takua yuꞌu kuvi ra kandixa na, chi Tata yu, ra tiꞌvi yuꞌu vaxi va yu kuvi ra kandixa na.

San Lucas 11:9

Ña kan ke kaꞌan yu xiꞌin ndo vichin: Ra na nduku ndo ña kumani nuu ndo nuu Ndioxi, ra taxi va ra ña ndaꞌa ndo; ra na nanduku ndo ña xiniñuꞌu nuu ndo, ra chindiee taꞌan va ra xiꞌin ndo ña ndaniꞌi ndo ña; ra na kani ndaꞌa ndo yeꞌe, ra ndakuiña va ra yeꞌe nuu ndo.

1 San Pedro 2:5

Ra saa kuvi tu ña iyoo ndoꞌo va, ña iyoo ndo ta kuꞌva iyoo yuu ña tiaku ra xiniñuꞌu Tata yo Ndioxi ndoꞌo, ña xavaꞌa ra veꞌe ñuꞌu yii ña küvi kuni yo. Ra kuu tu ndo sutu na yii nuu va ra. Ra soko ndo ña yii ña kuni mii ra nuu ra, xaꞌa ña xa Tata yo Jesucristo.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.

Hebreos 13:15

Xaꞌa ña kan ke iin takundiꞌi va kii na ndasakaꞌnu yo Tata yo Ndioxi xaꞌa ña xa Tata yo Jesucristo. Ra ña xiniñuꞌu va kuvi ña ndasakaꞌnu yo Tata yo Ndioxi, saa chi ña xa yo saa, ra ta iyoo iin ñaꞌa va ke iyoo ña soko yo nuu ra. Saa chi saa ke xiniñuꞌu sa va yuvi na ndiaa ini Tata yo Ndioxi.

Hebreos 4:15

Ra sutu ra kuchee nuu yo, ra ^kundaꞌvi va ini ra xini ra yoo ña kuvita ini yo kuni yo sa yo chiñu kiꞌvi, saa chi iin ta kuꞌva ndoꞌo mii yo ña xitondoso ni timiaꞌa yoo vichin kuvi tu ña ndoꞌo ra kan va, saa chi tiaa ni tu xitondoso ri ra kan va, ndi su ra kan, ra kuëe ndixa vi ra kan chiñu kiꞌvi.

Efesios 3:14

Ra xaꞌa ña kan ke ndakusiti yu nuu Tata yo Ndioxi ra kuu iva Tata yo Jesucristo ña kaꞌan yu xiꞌin ra xaꞌa ndo,

San Juan 4:14

Ndi su na koꞌo tiakuii ra ^taxi yuꞌu, ra ndia nii ka kii ndächi ini na. Saa chi tiakuii ra taxi yuꞌu, ra iin ta kuꞌva iyoo iin itia kaꞌnu iin saa koo ra, ña kana ra ini na, ra ra kan kuvi ra taxi ña kutiaku na ndia ndikaa ndikuꞌun ―kachi Jesús xiꞌin ña.

San Juan 4:10

Ra saa ndakuiin Jesús kachi ra saa xiꞌin ñaꞌa kan: ―Tu na kundaa ini kun ña kaꞌnu ña taxi Ndioxi, ra kundaa tu ini kun yoo kuvi ra kaꞌan xiꞌin kun ña taxi kun tiakuii koꞌo ra, saa ra mii va kun kuvi ña nduku tiakuii nuu ra, ra ra kan ra tiakuii ra taxi ña kutiaku va kun kuvi ra taxi ra koꞌo kun ―kachi Jesús xiꞌin ña.

San Juan 16:7

Ndi su ña ndaa va ke kaꞌan yu xiꞌin ndo: chi ña vaꞌa ni ka va ke na kuꞌun yu, saa chi tu na küꞌun yu, saa ra küvi vi kixi Tachi Yii Ndioxi ña chindiee taꞌan ña xiꞌin ndo, ña kan ke xiniñuꞌu kuꞌun va yu, ra saa ke vaꞌa tiꞌvi yu Tachi Yii, ña kixi ña koo ña xiꞌin ndo.

San Juan 13:31

Ra te kanata ra Judas kuaꞌan ra, ra saa ndikaꞌan Jesús kachi ra saa: ―Vichin ke ^kuni takundiꞌi yuvi yuꞌu ra xaa yoꞌo, ña kuu yu ra kaꞌnu, ra kundaa tu ini na ña kaꞌnu ni tu Tata yu Ndioxi va, xaꞌa chiñu ña ^xa yu.

1 Corintios 14:13

Xaꞌa ña kan ke yuvi na kaꞌan inka nuu tuꞌun ña xïni yo, ra xiniñuꞌu tu na kaꞌan na xiꞌin Ndioxi, ña taxi ra ña xinituni ña yii ndaꞌa na ña vaꞌa ndaxikoniꞌi na ni ke kuni kachi va ña, ña vaꞌa na kundaa ini inka na.