San Juan 13:8 - Mixteco Metlatónoc

⁸ Ra saa ndikaꞌan ka ra Pedro kachi ra saa: ―Tata, ndia nii kii täxi yu ndakatia kun xaꞌa yu ―kachi ra. Ra saa ndakuiin Jesús kachi ra saa xiꞌin ra: ―Tu na ndakätia yu xaꞌa kun, saa ra küvi kutaꞌan kun xiꞌin yu ―kachi ra.

San Juan 13:8 Referans Kwoze

Tito 3:5

ra sakaku va ra yoo, ndi su süvi xaꞌa ña ndixa yo ndia iin chiñu vaꞌa ke ndisakaku ra yoo, chi xaꞌa ña kundaꞌvi ini ra yoo va kuvi ña. Ra xiꞌin ndiee Tachi Yii va ra ke sakaku ra yoo, ra ndakatia ra kuachi yo, ra nduu yo yuvi xa̱a ña kutiaku yo ta kuꞌva kuni mii ra.

Hechos 22:16

Ña kan ke ndikun na ndakundichi kun vichin, ra kuchi kun, ra na kondiaa ini kun kivi Jesús ña vaꞌa na ndakatia ra kuachi kun”, kachi ra xiꞌin yu.

Hebreos 10:22

xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.

Efesios 5:26

Ra ña xa Tata yo Jesucristo suꞌva, ra na ndasa yii va ra kuvi yoo na veꞌe ñuꞌu, ra ndakatia tu ra yoo xiꞌin tuꞌun va ra, ra saa tu xiꞌin tiakuii, ra chichi va yo.

1 Corintios 6:11

Ra taꞌan chiñu yakua kan ke xa tu sava ndoꞌo va ta yachi; ndi su vichin ra xa ndoo va kuachi ndo, ra xa nduyaa va ndo. Ra xa ta kuꞌva iyoo yuvi na köo kuachi va nduu ndo nuu Ndioxi, xaꞌa ndiee Tata yo Jesucristo, xiꞌin xaꞌa ndiee Tachi Yii Tata yo Ndioxi.

Apocalipsis 7:14

Saa ndakuiin yu kachi yu saa xiꞌin ra: ―Tata, mii kun kuvi ra kundaa ini va ―*kachi yu xiꞌin ra. Ra saa ndikaꞌan ra xiꞌin yu kachi ra saa: ―Na yoꞌo kuvi na kee nuu iyoo tundoꞌo ra ndakatia na tikoto na xiꞌin ni̱i̱ ra kuu ndikachi loꞌo, ra nduyaa ña.

Apocalipsis 1:5

Ra saa tu Iva yo Jesucristo na taxi ra ña vaꞌa kutaꞌvi ndo chi ra kan kuvi mii ra ndinuni ni ^ndakuiin xaꞌa ña ^xa Ndioxi, ra ra kan kuvi ra nuu vaꞌa ndatiaku nuu takundiꞌi na ndixiꞌi, ra ra kan kuvi tu ra chee ni ka nuu takundiꞌi na kunaꞌnu xaꞌndia chiñu iyoo nuu ña yuvi yoꞌo va. Ra na ndasakaꞌnu ni yo ra chi ^kuꞌvi ni ini ra xini ra yoo, ra ndakatia ra kuachi yo xiꞌin ni̱i̱ ra,

Colosenses 2:23

Ra chiñu kan, ra ta iyoo ña vaꞌa, iyoo va ña, saa chi ^taxi ña xini yuvi ña na chikaa ni na ndiee ña sa na chiñu vaꞌa ña kaꞌan ña xaꞌa, ra ta xa saxinu na chiñu ña kaꞌan ña, ra vaꞌa ni va iyoo na nuu mii na tuvi na. Ra kaꞌan tu chiñu kan ña na sandoꞌo na iki kuñu va na. Ndi su chiñu kan, ra köo mii yaꞌvi ndiaa vi ña, saa chi küvi vi taxi ña ndiee na ña na sä ka na chiñu kiꞌvi ña kotoo ni kuñu na sa ña.

Colosenses 2:18

Ra na tiäa soꞌo ndo ña kaꞌan vi yuvi maña, na kaꞌan xa toꞌo ni Ndioxi, na sandaꞌvi ndoꞌo, ña ndasakaꞌnu ndo na tatun Ndioxi, saa chi tu na sa ndo ña xa na, saa ra, sandoñuꞌu va ndo ñaꞌa ña niꞌi ndo. Ra yuvi na ^xa saa kan, ra ña kaꞌan na ke xini vaꞌa va na Ndioxi, saa chi xa satuvi va ra nuu na, kachi na, ndi su ña kaku xini mii va na kuvi ña, ra tiaa ni tu kutiaa ini va na xiꞌin mii na, ndi su mii ña ndaa, ra köo mii yaꞌvi ndiaa vi ña kutiaa ni ini na xiꞌin mii na.

San Juan 3:5

Saa ndakuiin Jesús kachi ra saa xiꞌin ra: ―Ña ndixa ke kaꞌan yu xiꞌin kun saa chi tu na ndakäku iin yuvi xiꞌin tiakuii xiꞌin Tachi yii Ndioxi, saa ra küvi vi kiꞌvi na nuu xaꞌndia Ndioxi chiñu.

San Mateo 26:33

Saa ndakuiin ra Pedro kachi ra saa xiꞌin Jesús: ―Tata, vaꞌa ni na yuꞌvi takundiꞌi va ndia, ra ndakoo ndia yoꞌo, ndi su yuꞌu, ra ndaköo ndaꞌa yu yoꞌo ―kachi ra.

San Mateo 21:29

Ra saa ndakuiin ra loꞌo kan kachi ra saa: “Küꞌun yu”, kachi ra xiꞌin iva ra. Ndi su nduꞌu ra saa, saa ra nandiko ini va ra, ra ndakiꞌin ra ndixaꞌan ra xachiñu va ra.

San Mateo 26:35

Ra saa ndakuiin tuku ra Pedro kachi ra saa: ―Vaꞌa ni na kuvi va yu xiꞌin kun, Tata, ndi su tisëꞌe tuꞌun mii vi yu xaꞌa kun ―kachi ra xiꞌin Jesús. Ra iin saa kachi takundiꞌi tu ndia sava kan va.

San Mateo 16:22

Ra saa tava siin ra Pedro Jesús, ra xaꞌa ra kaꞌan ra xiꞌin ra kachi ra saa: ―Tata, ¡chikäa ini kun ña ñaa, chi ndia nii kii ndöꞌo kun saa! ―kachi ra.

San Juan 13:6

Ra ta kuyachin Jesús ña ndakatia ra xaꞌa ra Simón Pedro, ra saa ndikaꞌan ra Simón Pedro kachi ra saa xiꞌin ra: ―Tata, väꞌa kita ña ndakatia kun xaꞌa yu ―kachi ra.

San Juan 13:9

Ra saa ndakuiin ra Simón Pedro kachi ra saa: ―Tata, tu saa, ra süvi takua xaꞌa yu ke ndakatia kun, chi na ndakatia tu kun ndaꞌa yu, xiꞌin xini va yu ―kachi ra.