San Juan 13:33 - Mixteco Metlatónoc

³³ Ndoꞌo, ndia kuu seꞌe mii yu, ra na kundaa ini ndo, saa chi saloꞌo ni va kii íin yu xiꞌin ndo, ra xa ta kachi yu xiꞌin na judío ke ^kachi tu yu xiꞌin ndoꞌo va: Saa chi nanduku ni va ndo yuꞌu, ndi su kuchüun vi ndo xaa ndo nuu kuꞌun yu.

San Juan 13:33 Referans Kwoze

1 San Juan 2:1

Ra ña tiaa yu tutu yoꞌo kuxaa ña ndaꞌa ndoꞌo, na ñani yo, na iyoo ta kuꞌva iyoo seꞌe yu, ra ña vaꞌa na sä ka ndo chiñu kiꞌvi va kuvi ña. Ndi su tu ndiaa ndo na sa chiñu kiꞌvi, ra na kundaa ini ndo, chi iyoo va iin ra xaku ndaꞌvi xaꞌa yo nuu Tata yo Ndioxi, ra ra kan kuvi Tata yo Jesucristo va, ra ra kan, ra vaꞌa ni ra, saa chi ndia nii kuachi ra köo nuu Tata yo Ndioxi.

San Juan 14:19

Ra saloꞌo ni va kumani, saa ra küni ka vi na yuuvi yoꞌo yuꞌu, ndi su ndoꞌo ra kuni va ndo yuꞌu; saa chi kutiaku va ndo, chi yuꞌu ra tiaku va yu.

1 San Juan 5:21

Ñani yo, na iyoo ta kuꞌva iyoo seꞌe yu, na kundïkun ndo naꞌna ña kuu ndioxi ndii. Saa koo.

1 San Juan 4:4

Ndi su ndoꞌo, ra kuenda Tata yo Ndioxi va kuvi ndo, ñani yo. Saa chi xa xatiaa tu ndo nuu yuvi na kanitaꞌan xiꞌin Tata yo Jesucristo va; saa chi Tata yo Ndioxi ra iyoo xiꞌin ndo, ra kaꞌnu ni ka va ra kan nuu timiaꞌa ri iyoo xiꞌin na yuuvi yoꞌo.

Gálatas 4:19

Ñani mii yu, ta kuꞌva kuni yu xini yu seꞌe yu kuni yu xini yu ndoꞌo, ra tixuꞌvi ni tu nima va yu xaꞌa ña ndiꞌi ni ini yu xaꞌa ndo. Ra iin ta kuꞌva tixuꞌvi iin ñaꞌa ña ^kuni kaku seꞌe kuvi ña ndoꞌo yu xaꞌa ndo, iin saa ndia kii ña na xaa ndo nduu ndo ta kuꞌva iyoo mii Cristo va.

San Juan 7:36

¿Ra ni ke kuni kachi tuꞌun yoꞌo ña ndikaꞌan ra ña xiꞌin yo: “Nanduku ndo yuꞌu, ndi su ndanïꞌi ndo yuꞌu, ra nii nuu kuꞌun yu koo yu, kuchüun ndo xaa vi ndo kachi ra”? ―kachi na.

San Juan 13:36

Ra saa ndindakatuꞌun ra Simón Pedro Jesús kachi ra saa: ―Tata, ¿ndia mii ke kuꞌun kun? ―kachi ra. Ra saa ndakuiin Jesús kachi ra saa: ―Nuu kuꞌun yu, ra küvi vi kuꞌun kun xiꞌin yu vichin, ndi su kundikun va kun xaa kun te xa na ndiꞌi ―kachi ra.

San Juan 14:2

Ra veꞌe Tata yu, ra iyoo kuaꞌa va nuu kundee ndo, ra tu süvi saa iyoo ña, saa ra käꞌan yu xiꞌin vi ndo, ra vichin ke kuꞌun yu ña sanduvi ka yu nuu kundee ndo.