San Juan 12:49 - Mixteco Metlatónoc

⁴⁹ Saa chi yuꞌu, ra süvi ña kuni mii yu ke kaꞌan yu; chi Tata yu ra tiꞌvi yuꞌu va kuvi ra xaꞌndia chiñu nuu yu, ndia ña ke xiniñuꞌu kaꞌan yu, ra ndia ña ke xiniñuꞌu sañaꞌa yu ndoꞌo.

San Juan 12:49 Referans Kwoze

San Juan 14:10

¿Ra a kandïxa va kun ña íin Tata yo Ndioxi xiꞌin yu, ra yuꞌu tu íin xiꞌin ra kan va? Ra tuꞌun ña kaꞌan yu, ra süvi tuꞌun mii yu kuvi ña. Chi Tata yo Ndioxi va kuvi ra taxi ña, ra mii ra kuvi tu ra xa takundiꞌi chiñu va.

San Juan 8:26

Iyoo ni ña kaꞌan yu xaꞌa ña ^xa ndo ra sandaku tu yu xaꞌa ña xiꞌin va ndo. Ra ña ndaa va ke kaꞌan yu saa chi ra tiꞌvi yuꞌu vaxi yu ra ña ndaa va ke kaꞌan ra, ra ña ndikaꞌan ra kan xini soꞌo yu ke, kaꞌan yu xiꞌin na yuuvi yoꞌo va ―kachi ra xiꞌin ndia.

San Juan 5:30

Saa ndikaꞌan Jesús xiꞌin ndia kachi ra saa: ―Yuꞌu, ra süvi xiꞌin ndiayu mii yu ke xa ndaku yu kuachi xiꞌin yuvi, chi xiꞌin ndiayu Tata yu ra tiꞌvi yuꞌu vaxi va yu ke xa ndaku yu ña xiꞌin na, ra ndaku ni va ^tiin yu kuachi xiꞌin na.

San Juan 17:8

Ra tuꞌun ña taxi kun ndaꞌa yu ke sañaꞌa va yu na; ra xiin va na kandixa na ña, ra kundaa kaxi va ini na ña kee yu nuu iyoo kun, ra ^kandixa tu na ña tiꞌvi kun yuꞌu xaa va yu.

San Juan 14:31

ndi su ña vaꞌa na kundaa ini na yuuvi yoꞌo, ña kuꞌvi ni ini yu xini yu Tata yu ke xiniñuꞌu saxinu va yu chiñu ña xaꞌndia ra nuu yu, ra iin ta kachi ra xiꞌin yu ke sa va yu. Ndakuita ndo. Ra kuꞌun yo ―kachi Jesús xiꞌin ndia.

San Juan 15:15

Ra käꞌan ka yu ña kuu ndo, ndia xachiñu tatu, saa chi ndia xachiñu tatu ra xïni vi ndia kan, xaꞌa takundiꞌi chiñu ña xa xitoꞌo ndia. Ña kan ke ndoꞌo, ra ndia itaꞌan mani xiꞌin va yu kaꞌan yu xiꞌin ndo, saa chi xa ndañaꞌa ndiꞌi va yu tuꞌun ña ndikaꞌan Tata yu xiꞌin yu nuu ndo.

San Juan 8:42

Ra saa ndikaꞌan Jesús xiꞌin na kachi ra saa: ―Tu ndixa seꞌe Ndioxi kuvi ndo, saa ra kuꞌvi va ini ndo kuni ndo yuꞌu, saa chi yuꞌu, ra nuu Ndioxi ke kee va yu ña xaa yu yoꞌo. Ra süvi ña kuni mii yu ke ndixaa yu, chi Ndioxi va kuvi ra tiꞌvi yuꞌu xaa yu.

San Juan 3:32

Ra ña xini ra xiꞌin ña xini soꞌo ra, ra ndatuꞌun va ra ña xiꞌin na yuuvi yoꞌo, ndi su ndia nii na xïin kandixa ña ndatuꞌun ra.

San Juan 3:11

Ña ndixa ke kaꞌan yu xiꞌin kun chi ña ^xíni̱ ndi xaꞌa va ke kaꞌan ndi xaꞌa xiꞌin ndo; ra ña xini nuu tu ndi ke ^ndatuꞌun ndi xiꞌin ndo xaꞌa va; ndi su ndoꞌo, ra xïin ndo kandixa ndo ña kaꞌan ndi.

Apocalipsis 1:1

Ndiñaꞌa Ndioxi takundiꞌi ña xa chituni ra sa ra nuu Jesucristo ña vaꞌa na ndataxi ra yoꞌo ña ndaꞌa na ndikun sata ra, ra na kundaa ini na xaꞌa takundiꞌi ña sa Ndioxi, ña xa ninumi ni kuu, ña xa tanii vaxi nuu na. Ra Jesucristo kuvi ra tiꞌvi iin tatun ra ña kixi ra ndatuꞌun ra xiꞌin ra Juan, ra xa chiñu nuu ra.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.

San Juan 6:68

Ra saa ndakuiin ra Simón Pedro kachi ra saa: ―Tata, ¿yoo nuu ka ke kuꞌun ndi? Ra xa tuꞌun ña kaꞌan kun ke taxi ña kutiaku va ndi.

San Juan 7:16

Ra saa ndakuiin Jesús kachi ra saa xiꞌin na: ―Ña sañaꞌa yu, ra süvi ña sandaku mii yu kuvi ña, chi ra tiꞌvi yuꞌu vaxi va yu kuvi ra ^taxi ña.

San Juan 8:28

Ra saa ndikaꞌan ka Jesús xiꞌin ndia kachi ra saa: ―Te xa na ndoniꞌi ndo yuꞌu ra xaa yoꞌo vichin, ra saa vi ke kundaa ini ndo ña kuu yu tiaa ra kuu yu, ra xä yu ndia nii ña kuni mii yu, chi ña sañaꞌa Tata yu yuꞌu va ke ^xa yu.

San Juan 14:24

Ra yuvi na küꞌvi ini xini yuꞌu, ra kandïxa vi na kan tuꞌun ña kaꞌan yu xiꞌin na. Ra tuꞌun ña xini soꞌo ndo yoꞌo, ra süvi tuꞌun yuꞌu kuvi ña, chi tuꞌun Tata yu Ndioxi ra tiꞌvi yuꞌu vaxi va yu kuvi ña.