San Juan 12:42 - Mixteco Metlatónoc

⁴² Ra vaꞌa ni saa va, ndi su kuaꞌa ni va na judío na kunaꞌnu xaꞌndia chiñu ra kandixa va na ña ndikaꞌan Jesús, ndi su ndixïin na ndatuꞌun na xiꞌin yuvi saa chi ndiyuꞌvi va na, ña tava ndia fariseo na veꞌe ñuꞌu kan.

San Juan 12:42 Referans Kwoze

San Juan 9:22

Ra xaꞌa ña ndiyuꞌvi va na iva siꞌi ra nuu ndia judío kan ke kachi na saa, saa chi xa ndikataꞌan va ndia judío kan ña tava ndia ndia ndia ka yuvi ini veꞌe ñuꞌu, tu na kaꞌan na ña kuu Jesús ra tiꞌvi Ndioxi xaa sakaku na yuuvi.

San Juan 7:13

Ra ndia nii na ndiküvi kaꞌan tuvi xaꞌa Jesús, xaꞌa ña iyuꞌvi na nuu na judío.

San Mateo 10:32

Saa ndikaꞌan ka Jesús kachi ra saa: ―Ndia ndia ka yuvi na ndatuꞌun xiꞌin inka yuvi ña ndikun na yuꞌu, ra saa sa tu yuꞌu va, chi ndakuiin va yu xaꞌa na nuu Tata yu ra iyoo ndivi.

1 San Juan 4:15

Ra takundiꞌi yuvi na ndakuni ña kuu Tata yo Jesucristo seꞌe Tata yo Ndioxi, saa ra itaꞌan va Tata yo Ndioxi xiꞌin na, ra itaꞌan tu na kan xiꞌin va ra.

1 San Juan 4:2

Ndi su xiꞌin ña yoꞌo va kuvi ña kuvi kundaa ini ndo tu ndixa ke kuu mii na Tachi Yii Tata yo Ndioxi: saa chi takundiꞌi yuvi na kandixa ña nduu Tata yo Jesucristo, iin tiaa taꞌan mii yo, ra kixi ra nuu ña yuuvi yoꞌo, kuvi na kuu mii Tachi Yii Tata yo Ndioxi.

Romanos 10:10

Saa chi xiꞌin ndinuni nima va yuvi ke xiniñuꞌu kandixa na Ndioxi, ra saa ke ndakiꞌin mani ra na, ña nduu na ta kuꞌva iyoo yuvi na köo kuachi nuu ra; ra xiꞌin yuꞌu na ke ndakuiin na xaꞌa Jesucristo ña vaꞌa na kaku va na.

Hechos 5:41

Ra ta kee ndia kuaꞌan ndia, ra kusii ka vi ini ndia saa chi taxi Ndioxi ndiayu ña ndoꞌo ndia xaꞌa kivi Jesús.

San Juan 19:38

Ra te ndiꞌi kuu takundiꞌi ña yoꞌo, ra saa ndixaꞌan ra José ra ñuu Arimatea, nduku ra ndiayu nuu ra Pilato, ña na ndataxi ra iki kuñu Jesús ndaꞌa ra, ra nduxin ra ña, ra ra xitaꞌan xiꞌin Jesús kuvi tu ra José kan va, ndi su xitaꞌan seꞌe va ra xiꞌin Jesús, saa chi ndiyuꞌvi va ra nuu na judío, ra saa taxi ra Pilato ndiayu ndaꞌa ra, ra saa ndixaꞌan ra ndakiꞌin ra iki kuñu Jesús, kuaꞌan ña xiꞌin va ra.

San Juan 16:2

Saa chi vaxi kii, ra tava va na ndoꞌo veꞌe ñuꞌu nuu ndakitaꞌan ndo, ra ndia kaꞌni va na ndoꞌo, ra ta xa na ^sa na saa, ra ña vaꞌa kuni Ndioxi va ke ^xa na kàꞌàn na.

San Juan 12:11

saa chi xaꞌa ra yoꞌo ke, kuaꞌa ni na judío ra ndakoo va na ndia sutu kunaꞌnu kan, ra ndakundikun na sata Jesús va.

San Juan 11:45

Ra ña kuu ña yoꞌo, ra kuaꞌa ni na judío na ndixaꞌan kiꞌin kuenda xiꞌin ña María ra kandixa va na, ña xini na xa Jesús.

San Juan 9:34

Ra saa ndikaꞌan ndia kachi ndia saa xiꞌin ra: ―¿A yoꞌo, ra kaku xiꞌin kuachi vi kuvi ra xaa sañaꞌa nduꞌu? ―kachi ndia xiꞌin ra. Ra saa tava ndia ra ini veꞌe ñuꞌu kan, kuaꞌan va ra.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Lucas 12:8

Ra saa ndikaꞌan Jesús kachi ra saa xiꞌin ndia: ―Tu ndia na ndakuiin ña ndikun na yuꞌu nuu yuvi yoꞌo, ra saa tu yuꞌu, ra xaa yoꞌo va, chi ndakuiin tu yuꞌu va xaꞌa na, nuu na tatun Ndioxi.

San Lucas 6:22

’Vaꞌa ni kee ndo tu kundasi taꞌan na xiꞌin ndo, ra taxi na ndoꞌo, ra kañaꞌa na xaꞌa ndo, xaꞌa ña kandixa ndo yuꞌu, ra tiꞌvi Ndioxi xaa yoꞌo.

San Lucas 23:13

Saa sandakitaꞌan ra Pilato kan, ndia sutu kunaꞌnu nuu ndia sutu, xiꞌin ndia chiñu kunaꞌnu, xiꞌin takundiꞌi na ñuu.

San Juan 7:31

Ra kuaꞌa ni na ndee ini veꞌe ñuꞌu kaꞌnu kan, ra kandixa va na Jesús, ra ndikaꞌan na ^kachi na saa: ―Te na xaa ra kuu Cristo, ¿ra a kuaꞌa ni ka va ña xituꞌun sa ra kan, nuu ña ^xa ra yoꞌo? ―kachi na.