San Juan 12:38 - Mixteco Metlatónoc

³⁸ Ra ña kuu ña yoꞌo, ra ña vaꞌa na xinu nuu tuꞌun ña tiaa ra Isaías, ra ndikaꞌan tuꞌun yuꞌu Ndioxi xinaꞌa va kuvi ña, ta kachi ra suꞌva: Tata, ndia nii na xïin kandixa tuꞌun ña kaꞌan ndi Ra ndia nii tu na xïin kandixa xaꞌa ña ^xini na ña kaꞌnu ni ndiee va kun, kachi ra.

San Juan 12:38 Referans Kwoze

Romanos 10:16

Ndi su süvi takundiꞌi na ñuu Israel ndikandixa tuꞌun vaꞌa xaꞌa Jesucristo. Ra xaꞌa ña kan ke ndikaꞌan ra Isaías xiꞌin Ndioxi xinaꞌa, ta kachi ra suꞌva: “Tata, ¿yoo kuvi na ^kandixa nduꞌu ña kaꞌan ndoso ndi tuꞌun kun nuu na? Ndia nii na xïin kandixa”, kachi ra.

Romanos 10:20

Ra iin kaxi kaxi va ndikaꞌan ra Isaías, tuꞌun ña ndikaꞌan Ndioxi xiꞌin ra, kachi ra suꞌva: Yuvi na kuëe ^nanduku yuꞌu ra ndaniꞌi va na yuꞌu; Ra ndañaꞌa tu yu mii yu, nuu yuvi na kuëe ndakatuꞌun xaꞌa va yu, kachi ra.

1 Corintios 1:24

ra yuvi na kana Ndioxi, ta kuu na judío, xiꞌin na griego, ra ra vaꞌa va kuu Cristo nuu na kan, saa chi ra kan kuvi ra kixi ña ndañaꞌa ra ndiee, xiꞌin ña ndichi ña kuu mii Ndioxi va.

Gálatas 1:16

saa chi ndañaꞌa va ra Jesucristo ra kuu seꞌe ra nuu yu, ña vaꞌa na kaka yu kaꞌan ndoso yu tuꞌun vaꞌa xaꞌa ra, nuu yuvi na küu judío. Ra ta ndixaa kii ndixinu nuu ña yoꞌo, ra ndia nii yuvi nindäkatuꞌun yu ña sakuaꞌa na yuꞌu,

San Mateo 16:17

Ra saa ndakuiin Jesús kachi ra saa xiꞌin ra: ―Vaꞌa ni ^kee kun, Simón, seꞌe ra Jonás, saa chi süvi na yuuvi yoꞌo kuvi na nditaxi ña xinituni yoꞌo ndaꞌa kun, ña vaꞌa kundaa ini kun, chi Tata yu Ndioxi ra iyoo ndivi va kuvi ra taxi ña ndaꞌa kun.

San Juan 19:24

Ra saa ndikaꞌan ndia soldado kan xiꞌin taꞌan ndia, kachi ndia saa: ―Na ndäta yo ña, chi vaꞌa ka va na keꞌe taꞌan yo xaꞌa ña, ra kuni yo yoo kuvi yo kuchuun ndakiꞌin ña, ―kachi ndia. Ra suꞌva va ke kuu ña vaꞌa ndixinu nuu tuꞌun Ndioxi ña kaꞌan kachi suꞌva: “*Ndataꞌvi na tikoto yu xiꞌin taꞌan na, ra keꞌe taꞌan tu na xaꞌa va ña”, kachi ña. Ra mii saa ndixa ke xa va ndia soldado kan.

San Juan 17:12

Ra te ndixiyo yu xiꞌin na taxi kun ndaꞌa yu nuu ña yuuvi yoꞌo, ra xiꞌin ndiee va kun ke xindiaa yu na; ra ndia nii na nindoñüꞌu sa yu, chi takua ra xa iyoo tuꞌun xaꞌa ndoñuꞌu va kuvi ra nindoñuꞌu, ra saa ke kuu va ña vaꞌa na xinu nuu tuꞌun kun ña kaꞌan xaꞌa ra.

San Juan 15:25

Ra suꞌva ke xiniñuꞌu kuu va, ña kan ke vaꞌa xinu nuu tuꞌun Ndioxi ña kachi suꞌva: “Iin saa kaa kundasi na yuꞌu va”, kachi ña.

San Mateo 15:7

Saa chi ¡na chiꞌña tuꞌun va kuvi ndoꞌo! Ra ña ndixa ni va ke ndikaꞌan Ndioxi xiꞌin ra Isaías ra ndikaꞌan tuꞌun yuꞌu ra xinaꞌa xaꞌa ndo, te ndikaꞌan ra, kachi ra suꞌva:

San Mateo 27:35

Ra te ndiꞌi katakaa ndia soldado kan Jesús ndaꞌa cruz; ra saa xaꞌa ndia keꞌe taꞌan ndia xaꞌa tikoto ra, yoo ku ndia ndakiꞌin ña. Ra suꞌva ke kuu ña ndixinu nuu tuꞌun Ndioxi ña ndikaꞌan iin ra ndikaꞌan tuꞌun yuꞌu Ndioxi xinaꞌa, ta kachi ra suꞌva: “Ndataꞌvi na tikoto yu xiꞌin taꞌan na, ra sata tikoto yu ke, keꞌe taꞌan na, ra kundaa ini na yoo ku na kuchuun ndakiꞌin ña”, kachi ra.

San Juan 12:37

Ra vaꞌa ni kuaꞌa ni va ña xituꞌun xa Jesús nuu na, ndi su ndikandïxa vi na ra.

San Juan 12:39

Ra ndikaꞌan tu ra Isaías kachi ra suꞌva va: