San Juan 11:28 - Mixteco Metlatónoc

²⁸ Ra saa ta ndiꞌi ndikaꞌan ña Marta tuꞌun yoꞌo, ra saa ndixaꞌan ña ndikaꞌan seꞌe ña xiꞌin ña María kuꞌvi ña, kachi ña saa: ―Tata yo Maestro, ra yoꞌo va íin ra, ra kana ra yoꞌo ―kachi ña xiꞌin ña.

San Juan 11:28 Referans Kwoze

San Juan 13:13

Ndoꞌo, ra Tata Maestro kachi ndo xiꞌin yu, ra vaꞌa kaꞌan va ndo, saa chi suvi kuvi va yu.

San Juan 11:20

Ra saa te kundaa ini ña Marta ña kuyachin Jesús xaa ra, ra saa kanata ña ndakiꞌin ña ra; ra ña María, nindoo chi ini veꞌe va.

San Marcos 10:49

Saa xikundichi Jesús, ra xaꞌndia ra chiñu ña na kana na ra kuaa kan kixi ra. Ra saa kana na ra kuaa kan, kachi na saa xiꞌin ra: ―Kuayüꞌvi kun, ndakundichi koꞌo̱, chi kana ra yoꞌo ―kachi na.

San Juan 21:7

Saa ra ndikaꞌan va iin ra xitaꞌan xiꞌin Jesús, ra kuꞌvi ni ra xini ra, kachi ra saa xiꞌin ra Pedro: ―¡Tata yo Jesús va kuvi ra! ―*kachi ra. Ra ta xini soꞌo ra Simón Pedro tuꞌun kan, saa ra ndikun ndakundixi va ra tikoto ra, ra ndava niꞌni ra ini tiakuii kan kuaꞌan ra ndakitaꞌan ra xiꞌin Jesús va.

San Juan 20:16

Saa ra ndikaꞌan va Jesús xiꞌin ña, kachi ra saa: ―¡María! ―*kachi ra. Ra saa ndikokuiin ña ndakutoꞌni ña nuu ra, ra ndikaꞌan ña tuꞌun hebreo xiꞌin ra, kachi ña saa: ―¡Raboni! ―ra Maestro ke kachi tuꞌun yoꞌo.

San Juan 10:3

Ra te ^ndakuña ra ndiaa yeꞌe korra kan, ña ^kiꞌvi ra ndixa kuu paxto ra ndiaa ri, saa ra ndikun ndakuni va ndikachi vali sana ra tachi ra, ra saa xaꞌa ra kaꞌan ra kivi ta iin ta iin ri, ra saa kee ri korra kan kuaꞌan va ri.

San Juan 1:45

Ra saa ndixaꞌan ra Felipe nanduku ra ra Natanael ra ndikaꞌan ra xiꞌin ra kachi ra saa: ―Xa ndaniꞌi va ndi tia̱à ra tiaa ra Moisés xaꞌa, ra suvi xaꞌa ra kan ke ndikaꞌan tu na ndikaꞌan tuꞌun yuꞌu Ndioxi xinaꞌa va. Ra ra kan kuvi Jesús, seꞌe ra José ra ñuu Nazaret va ―kachi ra xiꞌin ra.

San Juan 1:41

Ra ra Andrés yoꞌo, ra nu̱ú ni ka va ra Simón ñani ra kuvi ra nanduku ra, ra ndikaꞌan ra xiꞌin ra kachi ra saa: ―Xa ndaniꞌi va ndi ra kuu Mesías ―kachi ra xiꞌin ra. Tuꞌun Mesías yoꞌo, ra “Ra ndikaxin Ndioxi sakaku na yuuvi yoꞌo” va ke kachi ña.

San Lucas 22:11

Ra ikan kaꞌan ndo xiꞌin mii ra tata xiꞌin veꞌe kan, kachi ndo saa: “Ra Tata Maestro kuvi ra kachi suꞌva: ¿Ndia mii ke íin veꞌe nuu koo yu kuxini yu xiꞌin ndia itaꞌan xiꞌin yu viko pascua vichin?, kachi ra”, kachi ndo xiꞌin ra.

San Marcos 14:14

Ra nuu xaa ra kan, ikan kaꞌan ndo xiꞌin mii ra tata xiꞌin veꞌe kan kachi ndo saa: “Suꞌva kachi ra Tata Maestro: ¿Ndia mii ku veꞌe nuu koo yu xiꞌin ndia xika xiꞌin yu ña kuxini yu viko pascua vichin? kachi ra”, kachi ndo xiꞌin ra.

San Mateo 26:18

Ra saa ndakuiin ra kachi ra saa xiꞌin ndia: ―Kuaꞌan ndo ñuu, ra ikan kuni ndo iin tiaa, ra kaꞌan ndo xiꞌin ra kachi ndo saa: “Suꞌva ke kachi ra Tata Maestro: Xa ninumi ni xaa kii ña sa yu chiñu ña xiniñuꞌu sa yu, ra veꞌe kun kuvi ña kuni yu xaa yu ndatava yu viko pascua xiꞌin ndia itaꞌan xiꞌin yu”, ^kachi yu, kachi ndo xiꞌin ra ―*kachi Jesús xiꞌin ndia.

Hebreos 12:12

Ra xaꞌa ña kan ke vaꞌa ni xa kuñaa va xaꞌa ndo xiꞌin ndaꞌa ndo, ra na chikaa va ndo ndiee.

1 Tesalonicenses 5:11

Ra xaꞌa ña kan ke na sa ndo xa ta kuꞌva ^xa va ndo, ña chikaa ndo tuꞌun ndiee ini xiꞌin taꞌan ndo, ña vaꞌa na sakuaꞌnu taꞌan ndo.

San Juan 11:29

Ra saa te kundaa ini ña María tuꞌun yoꞌo, saa ra ndikun ndakundichi ña, ra ndixaa ña nuu íin Jesús va.

San Juan 11:30

Ra Jesús ra täan kiꞌvi vi ra ñuu, saa chi sakan nuu ndixaa ña Marta niniꞌi taꞌan ña xiꞌin va ra ke íin ra.