San Juan 11:15 - Mixteco Metlatónoc

¹⁵ Ra kusii ni ini yu ña ndixïyo yu xiꞌin ra, ra saa ke vaꞌa na kuni ndoꞌo, ra kandixa vaꞌa ka ndo yuꞌu, ra naꞌa ndo, ra na kuꞌun yo kuni yo ra ―kachi Jesús xiꞌin ndia.

San Juan 11:15 Referans Kwoze

2 Timoteo 2:10

Ra xaꞌa ña kan ke ^xa ndiee ni va ini yu ña ^ndoꞌo ni yu vichin, ña vaꞌa na ^kuxixa ini yuvi na ndikaxin Tata yo Ndioxi, ra kaku na sa Tata yo Jesucristo, ra koo na xiꞌin ra nuu nduvi ni kaa, ra kutiaku na ndia ndikaa ndikuꞌun.

San Juan 17:19

Ra xaꞌa na yoꞌo ke ^ndataxi yu mii yu ndaꞌa kun, ña vaꞌa na ndasayii ña ndaa ña kuu mii kun na.

San Juan 12:30

Ra saa ndikaꞌan Jesús kachi ra saa xiꞌin na: ―Tachi yoꞌo, ra süvi xaꞌa yuꞌu ke ndikaꞌan ña, chi xaꞌa ndoꞌo va ke ndikaꞌan ña.

San Juan 11:4

Ra saa te xini soꞌo Jesús tuꞌun yoꞌo, ra saa ndikaꞌan ra kachi ra saa: ―Ña ndiee ndoꞌo ra Lázaro, ra süvi ra kuvi vi kuvi ra, chi ña vaꞌa na kundaa ini yuvi ña kaꞌnu ni Ndioxi va kuvi ña, ra ndasakaꞌnu tu na yuꞌu, ra kuu seꞌe va ra ―kachi ra xiꞌin na.

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

1 San Juan 5:13

Ra tutu yoꞌo kuvi ña tiaa yu ña kuxaa ña nuu ndoꞌo na ñani yo, na xa kandixa ña kuu Tata yo Jesucristo seꞌe Tata yo Ndioxi, ña vaꞌa na kundaa kaxi ini ndo ña niꞌi va ndo ña kutiaku ndo ndia ndikaa ndikuꞌun.

2 Corintios 4:15

Ra ña ndoꞌo ndi takundiꞌi ña yoꞌo, ra xaꞌa ña vaꞌa na koo ndoꞌo va kuvi ña. Saa chi tu kuaꞌa ni yuvi na ndakiꞌin ña vaꞌa ña ^taxi Ndioxi, ra ndataxi takundiꞌi va na tixaꞌvi ndaꞌa ra, ña vaꞌa na ndukaꞌnu ni ka ra.

San Juan 11:14

Ra saa vi ke ndikaꞌan tieꞌe vaꞌa Jesús, xiꞌin ndia kachi ra saa: ―Xa ndixiꞌi va ra Lázaro.

San Juan 11:16

Ra saa ndikaꞌan iin ra nani Tomás, ra kaꞌan na kuu kuati kachi ra saa, xiꞌin ndia sava ndia itaꞌan xiꞌin Jesús: ―Naꞌa ndo, ra na kuꞌun yo kuvi yo xiꞌin va ra ―*kachi ra.