Ra tu kuëe ndixa yu, ña xituꞌun ña täan sa ndia nii yuvi kuni na, saa ra köo vi kuachi na, ndi su vichin, ra xa xini va na ña xituꞌun xa yu, ra xaꞌa ña kan ke ^kundasi na yuꞌu, ra ^kundasi tu na Tata yu Ndioxi va.
Ra saa ndakuiin Jesús kachi ra saa xiꞌin ndia: ―Xa ndikaꞌan va yu xiꞌin ndo, ra xïin ndo kandixa ndo yuꞌu. Ra takundiꞌi chiñu ña ^xa yu xiꞌin ndiayu Tata yu, ra ña kan kuvi ña ndakuiin xaꞌa yu ña ndixa ke kuu yu seꞌe va ra.
¿Ra a kandïxa va kun ña íin Tata yo Ndioxi xiꞌin yu, ra yuꞌu tu íin xiꞌin ra kan va? Ra tuꞌun ña kaꞌan yu, ra süvi tuꞌun mii yu kuvi ña. Chi Tata yo Ndioxi va kuvi ra taxi ña, ra mii ra kuvi tu ra xa takundiꞌi chiñu va.
Ra saa ndikaꞌan ra xiꞌin ndia kachi ra saa: ―Ña vaꞌa va kuvi ña kuaꞌa ni xa yu xini ndo, xiꞌin ndiee Tata yu; ¿ra ndia iin ña kuvi ña kakin ndo yuu yuꞌu xaꞌa? ―kachi ra xiꞌin ndia.