San Juan 10:30 - Mixteco Metlatónoc

³⁰ Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

San Juan 10:30 Referans Kwoze

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Mateo 28:19

Ra vichin kuaꞌan ndo iinii kuvi ña yuuvi, ra sañaꞌa ndo takundiꞌi yuvi ña ndinuni ni na kundikun na yuꞌu, ra sakuchi ndo na tixi ndiee Tata yo Ndioxi, xiꞌin tixi ndiee Seꞌe ra, xiꞌin tixi ndiee Tachi Yii ra,

San Juan 14:23

Saa ndakuiin Jesús kachi ra saa xiꞌin ra: ―Yuvi na kuꞌvi ini xini yuꞌu, ra kandixa va na tuꞌun ña kaꞌan yu, ra Tata yu Ndioxi, ra kuꞌvi ni va ini ra kuni ra na, ra yuꞌu xiꞌin Tata yu, ra kixi va ndi koo ndi xiꞌin na.

San Juan 8:58

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, saa chi te kuni ka kaku vi ra Abraham ra xa iyoo va yuꞌu ―kachi ra xiꞌin na.

San Juan 5:17

Saa ndikaꞌan Jesús xiꞌin ndia kachi ra saa: ―Tata yu, ra iin ndisaa kii va xachiñu ra, ña kan ke iin takundiꞌi kii ke xachiñu tu yuꞌu va ―kachi ra xiꞌin ndia.

San Mateo 11:27

Ra saa ndikaꞌan ka Jesús xiꞌin na ndee kan kachi ra saa: ―Tata yu kuvi ra ndataxi takundiꞌi ñáꞌa ndaꞌa yu. Ra ndia nii na xïni yuꞌu; chi indaa mituꞌun Tata yu Ndioxi va kuvi ra xini yuꞌu. Ra ndia nii tu na xïni Tata va yu, chi indaa yuꞌu, ra kuu seꞌe va ra kuvi ra xini ndia kuꞌva ke iyoo ra, ra saa tu yuvi na ndañaꞌa yu ra nuu va.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

Tito 2:13

Ra sañaꞌa tu ña yoo, ña na kusii ni ini yo kundiatu yo ndia te xa na xaa kii ña vaꞌa ni, kii ña nandiko Ndioxi, ra kuu Tata yo Jesucristo, ra ^sakaku yoo, kixi ra nuu ña yuuvi yoꞌo va.

San Juan 17:10

Ra takundiꞌi na itaꞌan xiꞌin yu kuvi na kuu kuenda va kun, ra takundiꞌi na kuu kuenda yoꞌo, kuvi tu na itaꞌan xiꞌin yuꞌu va; ra xaꞌa ña xa na yoꞌo ke ndukaꞌnu ni tu yuꞌu va.

1 Timoteo 3:16

Ra na kundaa ini ndo, chi ña kaꞌnu ni va kuvi ña vaꞌa ña ndañaꞌa Tata yo Ndioxi nuu yo, ra suꞌva ke iyoo ña: Tata yo Jesucristo, ra nduu ra iin tiaa ra kixi ra nuu ña yuuvi yoꞌo; Ra Tachi Yii ke ndakuiin xaꞌa ra ña ^kuu ra ra ndaa, ra xini tu takundiꞌi na tatun Ndioxi va ra. Ra ndikaꞌan ndoso tu na ndikun sata ra xaꞌa ra nuu ini kuvi ña yuuvi va, ra kandixa va yuvi tuꞌun ña sañaꞌa na, ra ndakiꞌin Tata yo Ndioxi ra kuaꞌan ra nduꞌu ra xiꞌin ra ndivi.

San Juan 16:15

Ra takundiꞌi ñaꞌa ña iyoo nuu Tata yu Ndioxi, ra ñaꞌa yuꞌu ke xiꞌin va ra. Ra ña kan va ke ndikaꞌan yu xiꞌin ndo ña ndakiꞌin Tachi Yii Ndioxi ña iyoo nuu yu, ra ndañaꞌa ña ña nuu ndoꞌo va ―kachi Jesús xiꞌin ndia itaꞌan xiꞌin ra.

1 San Juan 5:7

Ra uni kuvi na ndakuiin xaꞌa ña yoꞌo ndivi ña kuu ña ña ndaa: Tata yo Ndioxi, xiꞌin Tuꞌun ra, xiꞌin Tachi Yii ra; ra iin tuꞌun uni saa va na.

San Juan 10:29

Saa chi Tata yu, ra taxi ri ndaꞌa yu, kuvi ra kaꞌnu nuu takundiꞌi va na, ña kan ke ndia nii na kuchüun kindiaa ri ndaꞌa ra.

San Juan 10:36

Ra Ndioxi va kuvi ra ndikaxin yuꞌu, ra tiꞌvi ra yuꞌu xaa yu ña yuuvi yoꞌo vichin, ra kaꞌan yu ña kuu yu seꞌe ra, ra ña kan ke kaꞌan ndo, ña ndaa yuꞌu yu ra.