San Juan 10:25 - Mixteco Metlatónoc

²⁵ Ra saa ndakuiin Jesús kachi ra saa xiꞌin ndia: ―Xa ndikaꞌan va yu xiꞌin ndo, ra xïin ndo kandixa ndo yuꞌu. Ra takundiꞌi chiñu ña ^xa yu xiꞌin ndiayu Tata yu, ra ña kan kuvi ña ndakuiin xaꞌa yu ña ndixa ke kuu yu seꞌe va ra.

San Juan 10:25 Referans Kwoze

San Juan 10:38

Ra tu ^xa va tu yu ña, saa ra vaꞌa ni na kandïxa va ndo yuꞌu, ndi su na kandixa va ndo chiñu ña xini ndo ^xa yu, ra saa ke vaꞌa na kundaa ini ndo ra kandixa ndo ña iyoo Tata yu Ndioxi xiꞌin yu, ra yuꞌu, tu iyoo xiꞌin ra kan va ―kachi ra xiꞌin ndia.

San Juan 8:58

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, saa chi te kuni ka kaku vi ra Abraham ra xa iyoo va yuꞌu ―kachi ra xiꞌin na.

San Juan 14:11

Ra na kandixa ndo yuꞌu, ña íin Tata yo Ndioxi xiꞌin yu, ra yuꞌu tu íin xiꞌin ra kan va; ra tu kandïxa ndo ña kaꞌan yu, saa ra ña sa ndo ke na kandixa ndo yuꞌu xiꞌin chiñu ña ^xa va yu.

Hebreos 2:3

Ra tu saa ndoꞌo na kan xaꞌa ña ndikandïxa na, saa ra, ¿ni ke sa tu yoo ña kaku yo tu na kundasi yo ña kaꞌnu ña xa Tata yo Ndioxi xaꞌa yo ña sakaku ra yoo? Ra mii va Tata yo Jesucristo kuvi ra nuu vaꞌa ndikaꞌan ndoso xaꞌa tuꞌun ña sakaku yuvi; ra te ndiꞌi, saa xini soꞌo inka na ña, ra kundaa ini na ña kuu ña ña vaꞌa. Ra ndikaꞌan ndoso tu na ña nuu yoo va.

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

San Juan 20:30

Ra kuaꞌa ni ka va ña xituꞌun xa Jesús, xini ndia xitaꞌan xiꞌin ra, ra ndikäꞌyu ndiꞌi vi ña nuu tutu yoꞌo.

San Juan 12:37

Ra vaꞌa ni kuaꞌa ni va ña xituꞌun xa Jesús nuu na, ndi su ndikandïxa vi na ra.

San Juan 11:47

Ra saa ndakutaꞌan ndia fariseo xiꞌin ndia xikuaꞌa nuu na sutu, xiꞌin ndia xikuaꞌa xaꞌndia chiñu, ra ndikaꞌan ndia xiꞌin taꞌan ndia kachi ndia saa: ―¿Ni ke sa yo? Chi tiaa yoꞌo, ra kuaꞌa ni ña xituꞌun ^xa ra.

San Juan 10:32

Ra saa ndikaꞌan ra xiꞌin ndia kachi ra saa: ―Ña vaꞌa va kuvi ña kuaꞌa ni xa yu xini ndo, xiꞌin ndiee Tata yu; ¿ra ndia iin ña kuvi ña kakin ndo yuu yuꞌu xaꞌa? ―kachi ra xiꞌin ndia.

San Juan 8:24

Ña kan ke ndikaꞌan yu xiꞌin ndo ña kuvi ndo xaꞌa kuachi ndo, saa chi tu na kuïin ndo kandixa ndo yuꞌu ña ^kuu yu tiaa ra kuu yu, saa ra kuvi va ndo xaꞌa kuachi ndo ―kachi ra.

San Juan 8:12

Ra saa ndikaꞌan tuku Jesús xiꞌin yuvi kan, kachi ra saa: ―Yuꞌu kuvi ra kuu ñùꞌù ña tuun nuu ña yuuvi yoꞌo, ra yuvi na ndikun yuꞌu ra käka na nuu ñaa, saa chi ñùꞌù ña taxi ña kutiaku yuvi va ke koo nuu na ―kachi ra xiꞌin na.

San Juan 7:31

Ra kuaꞌa ni na ndee ini veꞌe ñuꞌu kaꞌnu kan, ra kandixa va na Jesús, ra ndikaꞌan na ^kachi na saa: ―Te na xaa ra kuu Cristo, ¿ra a kuaꞌa ni ka va ña xituꞌun sa ra kan, nuu ña ^xa ra yoꞌo? ―kachi na.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

Hechos 2:22

’Ra xaꞌa ña kan ke na tiaa soꞌo ndoꞌo na ñuu Israel ña ka̱ꞌa̱n yu xiꞌin ndo vichin xaꞌa Jesús ra ke̱e ñuu Nazaret: Ra xa kundaa va ini ndo chi Jesús, ra ndiee Ndioxi va ke ndixiyo xiꞌin ra; ña kan ke vaꞌa xa̱ ra kuaꞌa ni ña vaꞌa xiꞌin ña ndichi, xiꞌin ña xituꞌun.

San Juan 8:56

Ra ra Abraham xii xikua ndo ra xitiaku ta yachi, ra kusii ni va ini ra te kundaa ini ra ña kixi yu; ra xini ndixa va ra ña xaa yu, saa ra tiaa ni ka va kusii ini ra ―kachi Jesús xiꞌin na.

San Juan 10:37

Ra tu xä yu chiñu ña ^xa Tata yu, saa ra na kandïxa ndo yuꞌu va.