San Juan 1:49 - Mixteco Metlatónoc

⁴⁹ Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

San Juan 1:49 Referans Kwoze

San Juan 1:34

Ra xa xini va yu ra, ña kan ke ^ndakuiin yu xaꞌa ra ña ndixa ke kúú va ra Seꞌe Ndioxi ―*kachi ra Juan.

San Lucas 19:38

Ra xaꞌa na ndaꞌyu na kachi na saa: ―¡Ra ña vaꞌa na koo xiꞌin yoꞌo, ra vaxi xiꞌin kivi Tata yo Ndioxi! ¡Ra ña kaꞌnu, xiꞌin ña vaꞌa na koo xiꞌin na iyoo ndivi! ―kachi na.

San Mateo 27:42

―Kuchuun va ra sakaku ra inka yuvi, ra kuchüun tu ra sakaku ra mii ra ―kachi ndia. Ra saa kaꞌan ka ndia kachi ndia saa: ―Tu ndixa Rey na Israel kuvi ra, ra na sanuu ra mii ra ndaꞌa cruz vichin, ra saa ke kandixa yo ra.

San Mateo 21:5

Kaꞌan ndo xiꞌin na ñuu Jerusalén na kuu ñuu Ndioxi, ra kachi ndo saa xiꞌin na: “Kotoꞌni ndo chi kaa vaxi ra kuu Rey ndo, ña ndakitaꞌan ra xiꞌin ndo, ra iin ra toꞌo ni va kuvi ra, ra yoso ra iin burru loꞌo seꞌe kiti ri ndiso ña vee vaxi ra nuu ndo”, kachi ra ndikaꞌan tuꞌun Ndioxi kan.

San Mateo 2:2

Ra saa ndixaa ndia ndindakatuꞌun ndia kachi ndia saa: ―¿Ndia ke ^kanduꞌu ra loꞌo, ra kuu rey na Judío ra sakan kaku? Chi xini ndi kanata kimi ri kaꞌan xaꞌa ra ña kaku ra chi nuu kanata ñuꞌu, ña kan ke vaxi ndi ndasakaꞌnu ndi ra ―*kachi ndia.

San Juan 1:38

Ra saa ndikokuiin Jesús ndakutoꞌni ra, ra xini ra ña ndikun ndia kuaꞌan ndia sata ra, ra saa ndindakatuꞌun ra ndia kachi ra saa: ―¿Ni ke ^ndanduku ndo? ―kachi ra xiꞌin ndia. Ra saa ndakuiin ndia kachi ndia saa: ―Rabí, ¿ndia mii ke iyoo kun? ―kachi ndia xiꞌin ra. Tuꞌun “Rabí” yoꞌo, ra “maestro” va ke kachi ña.

San Mateo 27:11

Ra saa ndiaka na Jesús ndixaa na xiꞌin ra nuu ra Pilato ra kuu gobernador, ra saa nindakatuꞌun ra Jesús kachi ra saa: ―¿A ndixa yoꞌo kuvi ra kuu rey na Judío? ―kachi ra. Saa ndakuiin Jesús kachi ra saa xiꞌin ra: ―Ta kachi kun ke iyoo va ña ―kachi Jesús xiꞌin ra.

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

San Juan 18:37

Ra saa ndikaꞌan ra Pilato xiꞌin Jesús, kachi ra saa: ―¿Saa ra, rey kuvi ndixa va kun? ―*kachi ra. Ra saa ndakuiin Jesús, kachi ra saa xiꞌin ra: ―Xa mii kun ndikaꞌan ña kuu yu rey va. Ra xaꞌa ña yoꞌo ke kaku va yu, ra xaꞌa ña yoꞌo ke, xaa tu yu ña yuuvi yoꞌo va, ña vaꞌa na kaꞌan yu xaꞌa ña ndaa xiꞌin na yuuvi. Ra takundiꞌi na kandixa ña ndaa, ra kandixa tu na tuꞌun ña ^kaꞌan yu xiꞌin va na ―*kachi ra.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

San Mateo 4:3

Saa ra kuyachin va timiaꞌa nuu ra ña ixtondoso ri ra, ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun, ra kaꞌan xiꞌin yuu yoꞌo ra na nduu ña ixta kuxi kun ―kachi ri xiꞌin ra.

San Mateo 23:7

Ra kuni ni tu ndia ña na satoꞌo yuvi ndia, te ndakutaꞌan na xiꞌin ndia nuu yaꞌvi, ra “maestro” ke na kachi yuvi xiꞌin ndia kuni ndia.

San Mateo 23:8

’Ndi su ndoꞌo ra ndiätu ndo ña kaꞌan na “maestro” xiꞌin ndo, saa chi ndoꞌo ra iin kuvi va ndo xiꞌin takundiꞌi yuvi, ra indaa mituꞌun va kuu Cristo ra kuu Maestro ndo.

San Marcos 15:32

Saa ndikaꞌan na xiꞌin Jesús kachi na saa: ―Yoꞌo ra ndikaxin Ndioxi ra ku Rey nuu nduꞌu, na Israel; nuu ndaꞌa cruz ñaa takaꞌan na kuni ndi ra kandixa ndi yoꞌo, ―kachi na xiꞌin ra. Ra ndia ndia takaa ndaꞌa cruz kan, kañaꞌa xiꞌin ra.

San Lucas 1:35

Saa ndakuiin ra, kachi ra saa: ―Ndïꞌi ini kun, chi mii va Tachi Yii Ndioxi ke xinu koo xiꞌin kun; ra suvi mii ndiee Ndioxi, ra kaꞌnu ke kusaꞌvi tu sata va kun. Ña kan ke ra Yii kuvi ra kaku yoꞌo, ra Seꞌe Ndioxi, ra kaꞌnu ke kunani ra.

San Juan 1:50

Ra saa ndikaꞌan Jesús kachi ra saa xiꞌin ra: ―¿A xaꞌa ña ndikaꞌan yu xiꞌin kun ña xa xini yu yoꞌo, ña ^nduꞌu kun xaꞌa itun koxi ke kandixa kun yuꞌu? Ndi su vichin ra kuaꞌa ni ka va ña xituꞌun kuni kun ―kachi ra xiꞌin ra.

San Juan 4:31

Ra nani saa kuu yuvi yoꞌo kuaꞌan na nuu nduꞌu ra, ra saa xaꞌa ndia itaꞌan xiꞌin ra ña xakundaꞌvi ndia nuu ra, ra kaꞌan ndia kachi ndia saa: ―Rabí, kuxi va ra loꞌo ―kachi ndia xiꞌin ra.