Biblia Todo Logo
Bib sou entènèt

- Piblisite -




San Juan 1:45 - Mixteco Metlatónoc

45 Ra saa ndixaꞌan ra Felipe nanduku ra ra Natanael ra ndikaꞌan ra xiꞌin ra kachi ra saa: ―Xa ndaniꞌi va ndi tia̱à ra tiaa ra Moisés xaꞌa, ra suvi xaꞌa ra kan ke ndikaꞌan tu na ndikaꞌan tuꞌun yuꞌu Ndioxi xinaꞌa va. Ra ra kan kuvi Jesús, seꞌe ra José ra ñuu Nazaret va ―kachi ra xiꞌin ra.

Gade chapit la Kopi




San Juan 1:45
41 Referans Kwoze  

Ra saa xaꞌa ra ndakani ra nuu ndia, ra xiꞌna ka xaꞌa ndiayu Ndioxi ña tiaa ra Moisés ke kiꞌin ra ndakani ra, ra iin saa ndiakua sandiꞌi ra ndakani ra xaꞌa takundiꞌi ndia ndikaꞌan tuꞌun yuꞌu Ndioxi xinaꞌa, ra xaꞌa Cristo ra xiniñuꞌu ndoꞌo ni kan ke kaꞌan tu ña tiaa ndia ndixika chiñu nuu Ndioxi xinaꞌa va, kachi ra xiꞌin ndia.


Ra te ndixaa na ikan, ra saa ndakiꞌin na kuaꞌan na koo na ñuu Nazaret, ra yoꞌo ke ndixinu nuu tuꞌun ña ndikaꞌan ndia ndikaꞌan tuꞌun yuꞌu Ndioxi xinaꞌa: Ña kaꞌan na ña kuu Jesús ra ñuu Nazaret.


Ra saa ndikaꞌan ra xiꞌin ndia, kachi ra saa: ―Xaꞌa takundiꞌi ña kuu yoꞌo ke ndikaꞌan yu xiꞌin ndo te ndixiyo yu xiꞌin ndo ta yachi: ña xiniñuꞌu xinu nuu ndiayu Ndioxi ña ndakoo ra Moisés, ra saa tu ña ndikaꞌan na ndikaꞌan tuꞌun yuꞌu Ndioxi xinaꞌa va, ra saa ke ^kachi tu ña tiaa na nuu tutu Salmo va ―kachi Jesús xiꞌin ndia.


Ra ndiee ni ndachinuu toꞌo na tuꞌun xaꞌa Jesús. Ra ndakanda ka vi ini na, saa chi nduvi ni ndikaꞌan ra xiꞌin na. Ra saa xaꞌa na kachi na saa: ―¿A su seꞌe ra José va kuvi ra yoꞌo? ―kachi na xaꞌa ra.


Ra saa nindakatuꞌun tuku va Jesús ndia, kachi ra saa: ―¿Yoo kuvi na nanduku ndo? ―kachi ra. Ra saa ndakuiin ndia, kachi ndia saa: ―Jesús, ra ñuu Nazaret va kuvi ra nanduku ndi ―kachi ndia.


¿A su ra yoꞌo ku ra kuxi itun, ra seꞌe ña María va kuvi ra? ¿A su ñani ra yoꞌo kuvi ra Jacobo, José, Judas, xiꞌin ra Simón? ¿A su yoꞌo ndee tu na siꞌi kuꞌva va ra xiꞌin yo? ―kachi na. Ra xaꞌa ña yoꞌo ke ndixïin na kandixa vaꞌa vi na ra.


Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.


Ra saa nindakatuꞌun yu, kachi yu saa: “¿Yoo kuvi yoꞌo, Tata?”, kachi yu. Saa ndakuiin tachi kan yuꞌu yu kachi ña saa: “Yuꞌu, kuvi Jesús ra ñuu Nazaret, ra xika kun kanitaꞌan kun xiꞌin”, kachi ña xiꞌin yu.


Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.


ra saa kuu ra Simón Pedro, nduꞌu ra xiꞌin ra Tomás, ra kaꞌan na kuu kuati, xiꞌin ra Natanael, ra ñuu Caná ña ndikun ndiaa chi Galilea, xiꞌin ndia seꞌe ra Zebedeo, xiꞌin inka uvi ndia xitaꞌan xiꞌin Jesús.


Ra xaꞌa ña kan ke, ke̱e ra José ñuu Nazaret ña ndikundiaa chi Galilea. Ra ndakiꞌin ra kuaꞌan ra ña ndakaꞌyu kivi ra ñuu Belén ña ndikundiaa chi Judea, nuu kaku ra rey David, xii xikua ra.


Ra te xini ña ra Pedro nduꞌu ra ndasaa ra nuu xixi ñùꞌù xiꞌin na kan, saa iin kaxi kaxi ixtoꞌni ña nuu ra, ra ndikaꞌan ña xiꞌin ra, kachi ña saa: ―Ra itaꞌan xiꞌin Jesús ra Nazaret ku tu yoꞌo va ―kachi ña xiꞌin ra.


¿A su seꞌe ra José ra kuxi itun va kuvi ra, ra siꞌi tu ra kuvi ña María va, ra ñani tu ra kuvi ra Jacobo, xiꞌin ra José, xiꞌin ra Simón, xiꞌin ra Judas va?


Ra saa ndikaꞌan ka Pablo kachi ra saa: ―*Kuni ni tu yuꞌu va, ña sandiꞌi yu xaꞌa takundiꞌi na ndikun ichi Jesús ra ñuu Nazaret.


Ra saa ndikaꞌan ra Pedro xiꞌin ra kachi ra saa: ―Köo xuꞌun niꞌi yu saniꞌi yu yoꞌo, ndi su ña iyoo nuu yu ra taxi va yu ña ndaꞌa kun: Xiꞌin ndiee Jesucristo ra ñuu Nazaret, xaꞌndia chiñu yu nuu kun ña na ndakundichi kun kaka kun ―kachi ra xiꞌin ra.


’Ra xaꞌa ña kan ke na tiaa soꞌo ndoꞌo na ñuu Israel ña ka̱ꞌa̱n yu xiꞌin ndo vichin xaꞌa Jesús ra ke̱e ñuu Nazaret: Ra xa kundaa va ini ndo chi Jesús, ra ndiee Ndioxi va ke ndixiyo xiꞌin ra; ña kan ke vaꞌa xa̱ ra kuaꞌa ni ña vaꞌa xiꞌin ña ndichi, xiꞌin ña xituꞌun.


Ra saa xaꞌndia ra Pilato chiñu ña na tiaa ndia nuu iin vitu loꞌo, ra chinduꞌu ndia ndia nu xini cruz, tu takaa Jesús ndaꞌa, ra suꞌva ke kachi tuꞌun ña tiaa ndia nuu nu: “Jesús ra ñuu Nazaret, ra kuu rey na judío”, kachi ña.


Ra saa ndakuiin ndia kachi ndia saa: ―Jesús ra ñuu Nazaret va kuvi ra nanduku ndi ―kachi ndia. Ra saa ndakuiin Jesús, kachi ra saa: ―Yuꞌu kuvi va ra ―kachi ra. Ra xa itaꞌan va ra Judas, ra ndixiko taꞌan xiꞌin Jesús, xiꞌin ndia.


Ra saa ndikaꞌan na xaꞌa ra kachi na saa: ―¿A su Jesús yoꞌo, ra seꞌe ra José va kuvi ra? Xini yo iva ra, ra saa tu siꞌi va ra. ¿Ra nichuun ke kaꞌan ra ña kee ra ndivi? ―*kachi na.


Ta ndixinu Jesús oko uxi kuiya ra saa xaꞌa ra sañaꞌa ra yuvi. Ra seꞌe ra José va kuvi ra ndituvi na. Ra ra José ra seꞌe ra Elí va xikuu ra.


Ra iin ra nani Felipe, iin ra nani Bartolomé, iin ra nani Tomás, iin ra nani Mateo, ra kaya xuꞌun ndaꞌa na ñuu ña kuaꞌan ndaꞌa Gobierno ñuu Roma; iin ra nani Jacobo, seꞌe ra Alfeo, iin ra nani Lebeo, ra kaꞌan tu na ña nani ra Tadeo va.


Saa xaa na ivasiꞌi ra, ra ndayuꞌvi ka vi ini na xiꞌin ra. Saa ndikaꞌan siꞌi ra, kachi ña saa: ―¿Nichuun xa kun saa xiꞌin ndi? Iva kun xiꞌin yuꞌu, ra ndanduku ni ndi yoꞌo, chi ndiꞌi ni ini ndi xaꞌa kun ―kachi ña xiꞌin ra.


Ra ra Felipe yoꞌo, ra ra ñuu Betsaida va kuvi ra, ra suvi ra ñuu kan ku tu ra Andrés xiꞌin ra Pedro va.


Ra te ndakutoꞌni Jesús ra saa xini ra iin tiaꞌndia chee yuvi ndikun xaa nuu nduꞌu ra, ra saa ndikaꞌan ra xiꞌin ra Felipe kachi ra saa: ―¿Ndia mii kuꞌun yo sata yo ñaꞌa kuxi yuvi kaa ra kuaꞌa ni kuvi na? ―kachi ra xiꞌin ra.


Ra saa ndakuiin ra Felipe kachi ra saa: ―Nii uvi ciento denario va xita na sata yo, ra kïta mii vi ña kuxi na chi tiaa ni kuaꞌa kuvi na ―kachi ra xiꞌin Jesús.


Ra saa kuyachin na griego kan nuu iin ra Felipe ra kee ñuu Betsaida, ña ndikun ndiaa chi Galilea, ra xakundaꞌvi na nuu ra kachi na saa: ―Tata, kuni ndi kuni ndi Jesús ―*kachi na.


Ra saa ndikaꞌan ra Felipe, kachi ra saa xiꞌin Jesús: ―Tata, na sa kun ña mani ñaꞌa kun Tata yo Ndioxi nuu ndi, ra kundaa ini ndi ―kachi ra.


Saa ndakuiin na kachi na saa xiꞌin ra: ―Jesús, ra ke̱e ñuu Nazaret va ku ra yaꞌa kuaꞌan ―kachi na xiꞌin ra.


Swiv nou:

Piblisite


Piblisite