San Juan 1:18 - Mixteco Metlatónoc

¹⁸ Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

San Juan 1:18 Referans Kwoze

Colosenses 1:15

Ra iin ta kuꞌva iyoo mii Tata yo Ndioxi, ra küvi kuni yo, ke iyoo tu Tata yo Jesucristo ra kixi tuvi nuu ña yuuvi yoꞌo va. Ra Tata yo Jesucristo, ra xa iyoo ra, ta kumani ka kuvaꞌa takundiꞌi va ñaꞌa, ra ^xaꞌndia chiñu tu ra nuu va ña.

San Juan 6:46

’Ra ña kachi yu suꞌva xiꞌin ndo, ra küni kachi ña, ña xa xini nuu na Tata yo Ndioxi, chi indaa mituꞌun ra kee ndivi va kuvi ra xini nuu Tata yo Ndioxi.

San Mateo 11:27

Ra saa ndikaꞌan ka Jesús xiꞌin na ndee kan kachi ra saa: ―Tata yu kuvi ra ndataxi takundiꞌi ñáꞌa ndaꞌa yu. Ra ndia nii na xïni yuꞌu; chi indaa mituꞌun Tata yu Ndioxi va kuvi ra xini yuꞌu. Ra ndia nii tu na xïni Tata va yu, chi indaa yuꞌu, ra kuu seꞌe va ra kuvi ra xini ndia kuꞌva ke iyoo ra, ra saa tu yuvi na ndañaꞌa yu ra nuu va.

San Lucas 10:22

Ra saa ndikaꞌan ka ra xiꞌin yuvi kan kachi ra saa: ―Tata yu kuvi ra ndataxi takundiꞌi ñaꞌa ndaꞌa yu, ra ndia nii na xïni yo kuvi yuꞌu, ra kuu seꞌe Ndioxi, chi indaa Tata va yu kuvi ra kundaa ini yo kuvi yu, ra ndia nii tu na xïni yo kuvi ra kuu Tata va yu, chi indaa mituꞌun yuꞌu ra kuu seꞌe va ra kuvi ra xini yo kuvi ra, ra yuꞌu va kuvi ra ^ndañaꞌa Tata yu nuu na kuni mii yu ―kachi ra.

1 San Juan 4:12

Ra ndia nii yuvi täan kuni nuu Tata yo Ndioxi, ndi su tu kuꞌvi ini yo xini taꞌan yo, saa ra iyoo va ra xiꞌin yo, ra kutuꞌva ka tu yo ña kuꞌvi ni ini yo kuni taꞌan va yo.

1 Timoteo 6:16

Ra kan kuvi indaa Ndioxi, ra tiaku iin takundiꞌi kii, ra nuu yeꞌe, nuu tändiaa ndia nii yuvi va ke iyoo ra. Ra ndia nii tu yuvi täan kuni ñaꞌa va, ra nii küni va tu na ra. ¡Ra kuenda mii ra kuvi ña toꞌo, xiꞌin ndiee ndia ndixaa kii ndia ndixaa tiempo va! Saa koo.

1 San Juan 4:9

Ra ña ^ndañaꞌa ra ña kuꞌvi ini ra xini ra yoo kuvi ña, tiꞌvi ra seꞌe ra, ra mituꞌun nuu ra nuu ña yuuvi yoꞌo; ra ndixiꞌi ra xaꞌa yo ña vaꞌa na niꞌi yo ña kutiaku.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

1 San Juan 4:20

Ra tu kaꞌan sava na kachi na saa: “Yuꞌu, ra kuꞌvi ni va ini yu xini yu Tata yo Ndioxi”, kachi na, ndi su tu kundasi taꞌan va tu na, saa ra na chiꞌña tuꞌun va kuvi na. Saa chi tu küꞌvi ini na xini na yuvi taꞌan na na vaꞌa xini na, saa ra küꞌvi tu ini na xini na Tata yo Ndioxi, ra küvi kuni va na.

San Juan 17:26

Ra xa ndikaꞌan va yu xiꞌin na itaꞌan xiꞌin yu, yoo kuvi kun, ra kaꞌan ka tuku va yu xiꞌin na, yoo kuvi kun, ra saa ke vaꞌa na kuꞌvi ini na kuni taꞌan na ta kuꞌva kuꞌvi ini kun xini kun yuꞌu, ra kuiin tu mii yu xiꞌin va na ―kachi Jesús xiꞌin Tata ra Ndioxi.

San Juan 17:6

’Ra xa ndañaꞌa va yu yoꞌo, nuu na ndakaxin kun tiañu na yuuvi yoꞌo, ra kuenda yoꞌo va kuvi na, ra taxi kun na ndaꞌa yu, ra ^kandixa va na tuꞌun kun.

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?

San Juan 1:14

Ra ña kuu tuꞌun kan ke nduu iin tiaa va, ra ra kan kuvi ra kixi ndixiyo nuu ña yuuvi yoꞌo va. Ra xini nuu va ndi ndiee ña taxi iva ra ndaꞌa ra, ña kuu ra ra mituꞌun, ra ndañaꞌa ra mii ra nuu ndi ña kuu ra ra ndaa, ra kuꞌvi ni ini ra xini ra yoo.

San Juan 12:41

Ra suꞌva ke kachi ra Isaías xaꞌa Jesús te yachi, saa chi xa xini nuu va ra ña kaꞌnu kuu mii Jesús.

1 Timoteo 1:17

Ra xaꞌa ña kan ke iin takundiꞌi va kii na ndasakaꞌnu yo, ra satoꞌo yo indaa saa Tata yo Ndioxi, ra ndichi ni, ra xaꞌndia chiñu ndia ndikaa ndikuꞌun, ra ra kan, ra ndia nii kii küvi ra, ra nii küvi tu kuni nuu va yo ra. Saa iyoo ña.

San Juan 13:23

Ra saa kuu ndia ndee ndia xixini ndia, ra yachin xiꞌin mii Jesús va nduꞌu iin ra itaꞌan xiꞌin ra, ra ^kuꞌvi ni ini ra xini ra.

San Juan 3:11

Ña ndixa ke kaꞌan yu xiꞌin kun chi ña ^xíni̱ ndi xaꞌa va ke kaꞌan ndi xaꞌa xiꞌin ndo; ra ña xini nuu tu ndi ke ^ndatuꞌun ndi xiꞌin ndo xaꞌa va; ndi su ndoꞌo, ra xïin ndo kandixa ndo ña kaꞌan ndi.

2 Corintios 4:4

Saa chi xaꞌa ña kuëe kandixa na Ndioxi va kuvi ña sakuaa timiaꞌa, ri kuu ndioxi na yuuvi yoꞌo, ña xinituni na, ña vaꞌa na küni na ñuꞌu yeꞌe ña kuu tuꞌun Ndioxi, ña kuu mii ndiee, ña kuu kuenda Cristo, ra kuu naꞌna mii Ndioxi, ra tiaku.