San Juan 1:13 - Mixteco Metlatónoc

¹³ Ra na yoꞌo, ra süvi ña ndikusii ini yuvi xiꞌin taꞌan na ke ninduu na seꞌe Ndioxi, chi ña kuni mii Ndioxi va ke nduu na seꞌe ra.

San Juan 1:13 Referans Kwoze

1 San Juan 3:9

Ra takundiꞌi yuvi na kúú seꞌe Tata yo Ndioxi, ra kuëe xa vi na kan chiñu kiꞌvi, saa chi mii va Tata Ndioxi iyoo nima na; ra ña kan ke küvi ka ndakundiee na ña sa na chiñu kiꞌvi, saa chi xa seꞌe Tata yo Ndioxi va kuvi na.

Santiago 1:18

Ra xaꞌa ña kuni mii ra kuvi tu ña ndasa xaa ra nima yo xiꞌin tuꞌun, ña ndaa ña taxi ra xini soꞌo va yo, ra yoo kuvi na iyoo ta kuꞌva iyoo kuiꞌi ña nuu vaꞌa, ra xiꞌna ka yoo kuvi na ndasaxaa ra nuu takundiꞌi ñaꞌa ña xavaꞌa ra iyoo nuu ña yuuvi yoꞌo.

1 San Pedro 1:23

Ra ña ndakaku xaa ndo vichin, ra süvi ka seꞌe na yuuvi yoꞌo kuvi ndo, saa chi na yuuvi yoꞌo ra xiꞌi va na, ra vichin ra xa xiꞌin tuꞌun Tata Ndioxi va kuvi ña ndakaku ndo, ra tuꞌun Tata yo Ndioxi ra ndia ndikaa ndikuꞌun va ke koo ña.

1 San Pedro 1:3

Ra na ndasakaꞌnu yo Tata yo Ndioxi ra kuu iva Tata yo Jesucristo, saa chi kuꞌvi ni ini ra xini ra yoo, ra sandakaku xaa ra yoo, xaꞌa ña sandatiaku ra Tata yo Jesucristo tiañu na ndii. Ra ña xa Tata yo Ndioxi suꞌva ke ndinuni ni va ndiatu yo ña ndakiꞌin yo iin ña vaꞌa.

1 San Juan 5:4

Saa chi suꞌva va ke iyoo ña, takundiꞌi yuvi na xa nduu seꞌe Tata yo Ndioxi, ra xa ^xatiaa va na nuu ña väꞌa iyoo nuu ña yuuvi yoꞌo. Ra xaꞌa ña ndiaa ini yo Tata yo Jesucristo va kuvi ña ^kuchuun yo ^xatiaa yo nuu ña väꞌa kan.

1 San Juan 4:7

Ñani yo, ña xiniñuꞌu va ke na kuꞌvi ini yo kuni taꞌan yo, saa chi mii va Tata yo Ndioxi kuvi ra taxi ña kuꞌvi ini yo kuni taꞌan yo. Ra takundiꞌi yuvi na kuꞌvi ini xini taꞌan, ra na kan kuvi na kuu seꞌe Tata yo Ndioxi va, ra xini va tu na ra.

Tito 3:5

ra sakaku va ra yoo, ndi su süvi xaꞌa ña ndixa yo ndia iin chiñu vaꞌa ke ndisakaku ra yoo, chi xaꞌa ña kundaꞌvi ini ra yoo va kuvi ña. Ra xiꞌin ndiee Tachi Yii va ra ke sakaku ra yoo, ra ndakatia ra kuachi yo, ra nduu yo yuvi xa̱a ña kutiaku yo ta kuꞌva kuni mii ra.

Filipenses 2:13

Saa chi mii Tata yo Ndioxi va kuvi ra ^sakanda nima ndo, ña vaꞌa na kuiin ndo sa ndo chiñu vaꞌa, ra ^chindiee taꞌan tu ra xiꞌin ndo, ña vaꞌa na sa ndo ña, ta kuꞌva kuni mii va ra.

1 Corintios 3:6

Yuꞌu kuvi ra chiꞌi tuꞌun Ndioxi nima va ndo, ra ra Apolos kuvi ra ndikoso va ña, ndi su Tata yo Ndioxi va kuvi ra sakuaꞌnu ña.

1 San Juan 5:1

Ra takundiꞌi yuvi na kandixa Tata yo Jesús ña kuu ra Cristo, ra ndikaxin Tata yo Ndioxi kixi ndixiꞌi xaꞌa yo, ra na kan kuvi na kuu seꞌe Tata yo Ndioxi va; ra yuvi na kuꞌvi ini xini Tata yo Ndioxi, ra kuꞌvi tu ini na xini na yuvi na kuu seꞌe va ra.

1 San Juan 5:18

Ra xa kundaa ini yo, chi yuvi na xa ndakundikun Tata yo Ndioxi ña nduu ra Iva na, ra kuëe xa ka na chiñu kiꞌvi; saa chi Tata yo Jesucristo, ra kuu seꞌe Tata yo Ndioxi va kuvi ra ndiaa na, ña kan ke ^kuchüun ka timiaꞌa sa ri ndia nii ñaꞌa xiꞌin na.

San Juan 3:3

Ra saa ndikaꞌan Jesús xiꞌin ra kachi ra saa: ―Ña ndixa ke kaꞌan yu xiꞌin kun chi tu na ndakäku xaa iin yuvi, saa ra küvi vi kuni na nuu xaꞌndia Ndioxi chiñu ―kachi Jesús xiꞌin ra.

San Mateo 3:9

Ra ndakäni ini ndo ña kachi ndo saa xiꞌin mii ndo: “Koo kaꞌnu va ini Ndioxi xaꞌa kuachi yo, chi seꞌe xikua ra Abraham va kuvi yo”, na kachi ndo, ña kutiaa ini ndo xiꞌin mii ndo. Saa chi köo yaꞌvi ndiaa vi ña kan nuu Ndioxi, chi ndia yuu ña ndee yoꞌo ra kuvi va nduu ña yuvi sa Ndioxi, ra nduu na seꞌe ra Abraham va.

1 San Pedro 2:2

Chi ña xiniñuꞌu sa ndo ke, na sa ndo ta kuꞌva xa na kuachi vali na sakan kaku ña tiaa ni xika nduku na chichin na ndoso siꞌi va na, ña ndinuni ni na kundiꞌi ini ndo ña kutuꞌva ndo tuꞌun vaꞌa ña kuu tuꞌun Tata yo Ndioxi, ra saa ke kuu ndo na ndinuni ni ndikun ichi ra, ra kaku ndo.