Hechos 8:3 - Mixteco Metlatónoc

³ Ra ra Saulo tu, xika ^kuni sandiꞌi xaꞌa na ndikun Jesucristo va; ra iin ta veꞌe ta veꞌe na kuaꞌan kiꞌvi ra ña tava ra tiaa xiꞌin na siꞌi, ra iin kañuꞌu kiti ra na kuaꞌan na xiꞌin ra ña taan ra na veꞌe kàà.

Hechos 8:3 Referans Kwoze

1 Timoteo 1:13

Ra vaꞌa ni ra ndikaꞌan kiꞌvi xaꞌa Tata yo Jesucristo va xikuu yu, ra ta̱xí tu yu na ndikun ichi va ra, ra ndikañaꞌa tu yu xiꞌin va na. Ndi su xa va ra ña vaꞌa yoꞌo xiꞌin yu, saa chi kundaꞌvi va ini ra xini ra yuꞌu, saa chi täan kandixa vi yu Tata yo Jesucristo, ña kan ke ndikundäa ini yu ña xa yu saa.

Filipenses 3:6

Ra xaꞌa ña xindikun ni yu ndiayu kan ke kundivaꞌa ni yu xiꞌin na ndikun Tata yo Jesucristo, ra ndia nii na ndikun ndiayu Ndioxi ña ndakoo ra Moisés ndikuchüun kaꞌan kuachi nuu yu xaꞌa ndiayu kan, chi xa yu takundiꞌi va ña kaꞌan ña.

Gálatas 1:13

Ra xa kundaa va ini ndo xaꞌa yu ndia kuꞌva ke ndixiyo yu ta yachi, ta xindikun yu takundiꞌi ña yunaꞌa na judío taꞌan yu ^xa na. Ra xa kundaa tu ini ndo xaꞌa ña xa yu ña kundasi ni yu na ndikun Ndioxi va, ra taxi yu na, ra ndixika nduku ni tu yu kuꞌva ña sandiꞌi yu xaꞌa va na.

1 Corintios 15:9

Ra yuꞌu, ra köo yaꞌvi ndiaa vi yu ra küvi vi ^chinuu yu mii yu xiꞌin inka ndia xika chiñu nuu Tata yo Jesucristo, ra nii köo ndiayu tu yu ña kunani yu ra xika chiñu nuu Jesucristo va, saa chi ra kanitaꞌan xiꞌin na veꞌe ñuꞌu Tata yo Ndioxi va xikuu yu.

Hechos 22:19

Ra saa ndikaꞌan yu xiꞌin ra, kachi yu saa: “Tata, xini takundiꞌi va yuvi ña ndixika yu ta veꞌe ñuꞌu ta veꞌe ñuꞌu, ña tiin yu takundiꞌi na kandixa yoꞌo, ra taan yu na veꞌe kàà, ra kani yu na.

Hechos 9:21

Ra takundiꞌi yuvi na ^xini soꞌo ña kaꞌan ra ra ^ndakanda ka vi ini na xini na ra, ra kaꞌan na kachi na saa: ―¿A su mii va tu tiaa yoꞌo kuvi ra ndixika kanitaꞌan xiꞌin na ndikun Jesús na ndee ñuu Jerusalén? ¿Ra a su mii ra kuvi tu ra xaa yoꞌo ña tiin ra na ndikun Jesús ña kuꞌun na xiꞌin ra ra ndataxi ra na ndaꞌa ndia sutu kunaꞌnu va? ―^kachi na xaꞌa ra.

Hechos 7:58

Ra tava na ra ndia nuu ñuu, ra ikan xaꞌa na xakin na yuu ra; Ra mii na taxi kuachi siki xaꞌa ra, ra tava na tikoto ña isukun na, ra taxi na ña ndaꞌa iin tiaa ra itia loꞌo ra nani Saulo, ña na kondiaa ra ña.

Santiago 2:6

Ndi su ndoꞌo, ra na kundivaꞌa ndo xiꞌin va kuvi na ndaꞌvi. Ra xa kundaa va ini ndo, chi ña xa na kuika xiꞌin ndo ke sandoꞌo na ndoꞌo, ra tiin tu na ndoꞌo kañuꞌu na kuaꞌan na nuu na chiñu va.

Hechos 8:2

Ra saa ndixaꞌan sava tiaa ndia ndikun ndinuni Ndioxi ndakiꞌin ndia iki kuñu ra Esteban, ra ninduxin ndia ña, ra xaku ka vi ndia xaꞌa ra.

Hechos 16:19

Ra ta kundaa ini na xitoꞌo ñaꞌa kan, ña küvi ka sakanaa na xuꞌun xiꞌin ña, saa ra tiaa ni ndisaa na ra tiin na ra Pablo xiꞌin ra Silas ra saa ndakundiaka na ndia ndixaa na xiꞌin ndia nuu na chiñu, yeꞌe chiñu kaꞌnu.