Hechos 13:3 - Mixteco Metlatónoc

³ Ra te sandiꞌi na ña ndikaꞌan na xiꞌin Ndioxi xiꞌin ña ndixiyo suꞌun na ña ndixïxi na, ra saa chindee na ndaꞌa na sata ndia ña ndikaꞌan na xiꞌin Ndioxi xaꞌa ndia. Ra te ndiꞌi saa nindiayu taꞌan na xiꞌin ndia ña kee ndia kuaꞌan ndia kaꞌan ndoso ndia.

Hechos 13:3 Referans Kwoze

Hechos 6:6

Ra saa kuyachin na xiꞌin ndia uxa ndia ndikaxin na nuu ndia xitaꞌan xiꞌin Jesús, ra saa chindee ndia ndaꞌa ndia xini ndia uxa kan, ra ndikaꞌan ndia xiꞌin Ndioxi xaꞌa ndia.

2 Timoteo 2:2

Ra tuꞌun vaꞌa xaꞌa Tata yo Jesucristo ña xini soꞌo kun sañaꞌa yu kuaꞌa ni yuvi ke na sañaꞌa tu yoꞌo va ndia ñani yo, ndia ndinuni ni ndikun Tata yo Jesucristo, ndia kiꞌin kun kuenda kuchuun sañaꞌa, ña vaꞌa na sañaꞌa ndia inka yuvi.

1 Timoteo 4:14

Ra na kukuïin kun ña kuniñuꞌu kun ña xinituni ña taxi Tata yo Ndioxi ndaꞌa kun ta tiso ndia ñani yo ndia xikuaꞌa veꞌe ñuꞌu ndaꞌa ndia xini kun, ra mii Tata yo Ndioxi kuvi ra ndikaꞌan niꞌni ini ndia ña tiso ndia ndaꞌa ndia xini kun.

Hechos 13:2

Ra saa kuu iin kii ra ndee na kaꞌan na xiꞌin Ndioxi, ra iyoo suꞌun na ña ndixïxi na, ra saa ndikaꞌan Tachi Yii xiꞌin na kachi ña saa: ―Ra Bernabé xiꞌin ra Saulo, kuvi ndia ndikaxin yu kuꞌun kaꞌan ndoso tuꞌun yu, ra na tava siin ndo ndia, ra kaꞌan ndo xiꞌin Ndioxi xaꞌa ndia ña vaꞌa na saxinu ndia chiñu ña ndikaxin yu ndia sa ndia ―kachi ña.

3 San Juan 1:8

Ra xaꞌa ña ke xiniñuꞌu chindiee taꞌan yo xiꞌin na ña taxi yo ndia ndia ka ñaꞌa ña xamani nuu na ndaꞌa na, ña vaꞌa na ndakundiee ka na kaka na kaꞌan ndoso na tuꞌun vaꞌa xaꞌa Tata yo Jesucristo.

1 Timoteo 5:22

Ra te xa tava kun ndia ñani yo ndia kuiso chiñu veꞌe ñuꞌu, ra na täva kiꞌvi kun ndia, chi na kiꞌin vaꞌa va xini kun ña vaꞌa na kundaa ini kun yoo kuvi ndia vaꞌa tava kun, saa chi tu na sa ndia chiñu kiꞌvi, ra yoꞌo va kuvi ra ndiso xiꞌin ña. Ra na sä kun ndia nii chiñu kiꞌvi.

Romanos 10:15

¿Ra ni ke sa tu na xa ndikun Ndioxi ña kuꞌun na ña ndatuꞌun na xaꞌa Jesucristo xiꞌin yuvi, tu süvi Ndioxi kuvi ra nditiꞌvi na ña kuꞌun na? Ra suꞌva ke kachi tuꞌun Ndioxi ña tiaa na xinaꞌa ña kaꞌan, kachi suꞌva: “¡Tiaa ni nduvi, ta xa ^xaa yuvi nuu yo ña kaꞌan ndoso na tuꞌun vaꞌa ña ^taxi Ndioxi!”, ^kachi ña.

Hechos 14:26

Ra ndia ikan nandaa ndia itun xika nuu mini, ra ndakiꞌin ndia kuanuꞌu ndia ñuu Antioquía, ra ñuu kan ke ndikaꞌan na xiꞌin Ndioxi xaꞌa ndia, te xaꞌa ndia xika ndia kaꞌan ndoso ndia tuꞌun Ndioxi.

Hechos 14:23

Ra ndikaxin tu ndia, ndia xikuaꞌa ndia kunuu nuu ta iin iin veꞌe ñuꞌu va, ra ta ndiꞌi ndikaꞌan ndia xiꞌin Ndioxi, xiꞌin ña ndixiyo suꞌun ndia, ña ndixïxi ndia, ra saa ndikaꞌan ndia xiꞌin Ndioxi xaꞌa ndia xikuaꞌa kan.

2 Timoteo 1:6

Ra xaꞌa ña kan ke kuni yu taxi yu xini kun, ña na kuniñuꞌu kun ña xinituni ña ndakiꞌin kun xa Tata yo Ndioxi, te chinduꞌu yu ndaꞌa yu xini kun.

Hechos 15:40

ra ra Pablo ndikaxin ra Silas va; ra ta ndiꞌi ndikaꞌan na xiꞌin Ndioxi xaꞌa ndia,

3 San Juan 1:6

Ra na chindiee taꞌan kun xiꞌin kan, ra ndia xiꞌin nduꞌu na veꞌe ñuꞌu va ke ndatuꞌun na xaꞌa ña ndinuni ni kuꞌvi ini kun xini kun na. Ra vichin, nduku tu yuꞌu va ña mani nuu kun ña na chindiee taꞌan ka va kun xiꞌin na ña taxi kun ñaꞌa ña kumani nuu na ndaꞌa na, ña vaꞌa na kuꞌun na inka ñuu, saa chi ña kan ke kusii ini Tata yo Ndioxi xiꞌin va.

Hechos 9:17

Ra saa ndakiꞌin ra Ananías kuaꞌan ra veꞌe nuu kanduꞌu ra Saulo, ra te ndixaa ra ndikiꞌvi ra ra saa chinduꞌu ra ndaꞌa sata ra, ra ndikaꞌan ra xiꞌin ra kachi ra saa: ―Ñani Saulo, Tata yo Jesús, ra ndikaꞌan xiꞌin kun ichi nuu kixi kun kan kuvi ra, tiꞌvi yuꞌu vaxi yu ña chinduꞌu yu ndaꞌa yu sata kun ra ndakotoꞌni tuku kun, ra ndakutu tu kun xiꞌin Tachi Yii Ndioxi va ―kachi ra.

San Lucas 2:37

Ra xa kumi xiko kumi kuiya ke kindoo kuaan ña. Ra nii ndixikütiaꞌa ña veꞌe ñuꞌu kan chi ñuu kaꞌñu va xindikaa ña ndikaꞌan ña xiꞌin Ndioxi, ra ndixiyo suꞌun ña ña ndixïxi ña sava.

Hechos 1:24

Ra saa ndikaꞌan na xiꞌin Ndioxi kachi na saa: ―Tata, yoꞌo kuvi ra xíni̱ ndia kuꞌva ke iyoo nima takundiꞌi yuvi; ra kuni̱ ndi na taxi kun kuꞌva nuu ndi, ra na kundaa ini ndi ndia iin ndia yoꞌo kuvi ndia ndakaxin kun,

Hechos 13:4

Ra saa tiꞌvi Tachi Yii, ra Bernabé xiꞌin ra Saulo, kuaꞌan ndia ñuu Seleucia ña ndikaa yuꞌu mini, ra te ndixaa ndia ikan ra saa nandaa ndia itun xika nuu mini ra ndakiꞌin ndia kuaꞌan ndia ñuꞌú ña ndikaa niꞌni nuu mini ña nani Chipre.