Hechos 1:6 - Mixteco Metlatónoc

⁶ Ra saa kuu iin kii nindakatuꞌun ndia ndakutaꞌan ndee kan Jesús kachi ndia saa xiꞌin ra: ―Tata, ¿a ndia vichin ke ndi̱xa̱a̱ tiempo ña kaꞌndia kun chiñu nuu yoo, na Israel yoꞌo, ña nduu tuku yo iin ñuu kaꞌnu ña ^xaꞌndia nuu mii? ―kachi ndia xiꞌin ra.

Hechos 1:6 Referans Kwoze

San Lucas 19:11

Ra nani saa kuu yuvi kan xini soꞌo na ña ndatuꞌun Jesús xiꞌin na ña kuaꞌan na ichi kan, ra ta xa kuyachin ra xiꞌin na nuu ñuu Jerusalén kan, ra saa ndikaꞌan ra inka tuꞌun ndichi xiꞌin na, saa chi xaꞌa na ndakani ini na kaꞌan na saa: “Xa ninumi ni va kaꞌndia Ndioxi chiñu nuu yo”, kaꞌan na.

San Lucas 17:20

Ra saa kuu iin kii ra ndindakatuꞌun ndia fariseo Jesús kachi ndia saa: ―¿Ama ke xaa Ndioxi kaꞌndia ra chiñu nuu ña yuuvi yoꞌo? ―kachi ndia. Saa ndakuiin Jesús kachi ra saa xiꞌin ndia: ―Kii ña xaa Ndioxi kaꞌndia ra chiñu ra ndia nii ñaꞌa täxi kuꞌva nuu na ña kundaa ini na.

San Mateo 24:3

Ra saa ndakiꞌin ndia kuaꞌan ndia iku ña nani Olivo, ra ikan ndixaa Jesús ndakunduꞌu ra, ra saa kuyachin ndia itaꞌan xiꞌin ra, ra nindakatuꞌun ndia ra kachi ndia saa: ―Tata, kuni ndi ña na ndatuꞌun kun xiꞌin ndi, ¿ama ke kuu ndiꞌi ña ndikaꞌan kun? ¿Ra ni ke kuu kuni ndi ta xa ninumi ndiko kun kixi kun? ¿Ra ni ke sa tu ndi kundaa ini ndi ta xa ninumi ndiꞌi xaꞌa ña yuuvi yoꞌo? ―kachi ndia xiꞌin ra.

San Lucas 22:29

Ra xaꞌa ña kan ke ^taxi va yu ña kaꞌndia ndo chiñu, ta kuꞌva xa Tata yu ña taxi ra ña xaꞌndia yu chiñu.

San Mateo 17:11

Saa ndakuiin Jesús kachi ra saa xiꞌin ndia: ―Ña ndixa ke, xiꞌna ka va ra Elías kuvi ra kunuu kixi, ra sanduvi ra takundiꞌi ña xiniñuꞌu kunduvi va.

San Mateo 20:21

Ra saa ndikaꞌan ra xiꞌin ña kachi ra saa: ―¿Ni ke kuni kun sa yu xiꞌin kun, Nana? ―kachi ra xiꞌin ña. Saa ndakuiin ña kachi ña saa: ―Kuni yu ña na taxi kun ndiayu ra vaꞌa na kundee seꞌe yu xiꞌin kun nuu kaꞌndia kun chiñu; ra iin ra na kunduꞌu chi xiin kuaꞌa kun, ra inka ra na kunduꞌu chi xiin ichin kun ―*kachi ña.

San Juan 21:21

Ra saa ndikaꞌan ra Pedro kachi ra saa, xiꞌin Jesús: ―Tata, ¿ni ke ndoꞌo tu ra yoꞌo? ―*kachi ra.

San Marcos 9:12

Ra saa ndakuiin Jesús kachi ra saa xiꞌin ndia: ―Ña ndixa ke, xiꞌna ka ra Elías ku ra kunuu kixi sanduvi takundiꞌi ña xiniñuꞌu kunduvi. Ra ta kuꞌva kaꞌan tuꞌun Ndioxi xaꞌa yuꞌu, ra xaa yoꞌo vichin, ña xiniñuꞌu ndoꞌo ni yu ra kundasi ni na yuꞌu.