Hechos 1:10 - Mixteco Metlatónoc

¹⁰ Ra iin kuaꞌan ini ndia ixtoꞌni ndia chi ndivi ndíta ndia, ña kuaꞌan Jesús, saa ra tuꞌva xaa va uvi tiaa ndia ndixi tikoto yaa xikundita ndia xiꞌin ndia.

Hechos 1:10 Referans Kwoze

San Lucas 24:4

Ra sakan saa kuu na ndakanda ini na ndita na, ña köo ka iki kuñu Jesús ndixini na, saa ra tuꞌva ndituvi va uvi tiaa nuu na, ra ndixi ndia tikoto yaa ña yeꞌe ni.

San Juan 20:12

Saa ra xini va ña uvi ndia tatun Ndioxi, ndia ndixi tikoto yaa, ra iin ra nduꞌu chi nuu xikanduꞌu xini Jesús, ra inka tu ra nduꞌu chi nuu ndixiyo xaꞌa va ra.

Apocalipsis 7:14

Saa ndakuiin yu kachi yu saa xiꞌin ra: ―Tata, mii kun kuvi ra kundaa ini va ―*kachi yu xiꞌin ra. Ra saa ndikaꞌan ra xiꞌin yu kachi ra saa: ―Na yoꞌo kuvi na kee nuu iyoo tundoꞌo ra ndakatia na tikoto na xiꞌin ni̱i̱ ra kuu ndikachi loꞌo, ra nduyaa ña.

San Marcos 16:5

Ra te ndikiꞌvi na ini yavi kuaꞌan na, ra saa xini na iin tiaa ra itia, nduꞌu ra chi ndaꞌa kuaꞌa, ra ndixi ra iin tikoto yàà ña kani, ra ndiyuꞌvi ni na.

Hechos 10:30

Ra saa ndakuiin ra Cornelio, kachi ra saa xiꞌin ra: ―Vichin xinu kumi kii, ra kuꞌva mii hora ka uni vichin ke nduꞌu yu veꞌe yu ña iyoo suꞌun yu täan kuxi yu, ra kaꞌan yu xiꞌin Ndioxi, ra tuꞌva ndituvi va iin tiaa ra ndixi tikoto ña yeꞌe ni nuu yu.

San Mateo 28:3

Ra ra tatun Ndioxi kan, ra iin taxa taxa kaa ra, ra tikoto ña ndixi ra, ra yaa ka vi ña, iin ndiakua mii kachi kuvi ña.

San Mateo 17:2

Ra ikan ndanama ra xini ndia; ra nuu ra, ra iin taxa taxa nduu ña, iin ta kuꞌva taxa ñuꞌu, ra tikoto ña ndixi ra, ra iin yeyeꞌe nduu ña, iin ta kuꞌva ndii te kaꞌñu saa nduu ña.

Apocalipsis 3:4

Ndi su ñuu Sardis ñaa, ra iyoo va loꞌo yuvi na täan sayakua tikoto ña ndixi na, ra na ñaa kuvi na kuu mii ndiayu ña kundixi na tikoto ña yaa, ra kitaꞌan na kaka na xiꞌin yu, ra ña yoꞌo ke niꞌi taꞌvi na kuu yaꞌvi va na.

Hechos 10:3

Ra saa kuu iin kii ta kuꞌva kaa uni xikuaa ra saa satuvi ña nuu ra xa Ndioxi, ra iin kaxi kaxi va xini ra iin ra tatun Ndioxi, ra ndikiꞌvi ra nuu iin ra ra ndikaꞌan ra xiꞌin, kachi ra saa: ―¡Cornelio! ―kachi ra.