Hebreos 2:2 - Mixteco Metlatónoc

² Ra na ndakaꞌan ndo, chi tuꞌun ña taxi Tata yo Ndioxi ndaꞌa na tatun ra ndikaꞌan ndoso na nuu yuvi, ra ña ndaa ni va kuvi ña, ra yuvi na ndixïin kandixa ña, ra ndiniꞌi va na tundoꞌo xaꞌa ña.

Hebreos 2:2 Referans Kwoze

Hechos 7:53

Ra tiꞌvi vaꞌa Ndioxi na tatun ra ña kixi na ndataxi na ndiayu ra ndaꞌa ndo, ndi su xïin ndo kandixa ndo ña vichin ―kachi ra Esteban.

Gálatas 3:19

¿Ra nichuun kuvi ña taxi Ndioxi ndiayu ra ndaꞌa ra Moisés tuvi ndo? Na kundaa ini ndo, chi ña taxi Ndioxi ndiayu ra ndaꞌa ra Moisés, ra ña vaꞌa na kundaa ini yuvi ña ^xa na kuachi va kuvi ña. Ra takua kii ña xindiatu na xaa iin tiaa ra kindoo Ndioxi xaꞌa, ra kuu ndiseꞌe ra Abraham va kuvi ña xachiñu ndiayu kan. Ra na tatun va Ndioxi kuvi na xiniñuꞌu ra, ña taxi ra ndiayu ña ndiꞌi xaꞌa kan, ndaꞌa ra Moisés, ra ra Moisés tu xindiso chiñu ña ndataxi ra ña ndaꞌa na ñuu va.

Hebreos 10:28

Ra xa kundaa va ini ndo, chi te yachi, ra yuvi na ndixïin kandixa ndiayu Tata yo Ndioxi ña ndakoo ra Moisés, ra tu ndakoyo uvi a uni yuvi na ndikaꞌan tieꞌe nuu na, ña kanduu na ndiayu kan, saa ra kuëe ndikundaꞌvi vi ini ndia xayukun kuachi kuni ndia na, chi ña xa ndia ke ndikun xaꞌni va ndia na.

Judas 1:5

Ra vaꞌa ni xa kundaa va ini ndo xaꞌa ña ^kaꞌan yu xiꞌin ndo yoꞌo, ndi su tuku va sandakaꞌan yu ndoꞌo xaꞌa ña, ña xa Tata yo Ndioxi ke sakaku va ra na Israel te xindoꞌni na chi Egipto, ndi su na ndixïin kutiaku ta kuꞌva kuni mii ra, ra sandiꞌi va ra xaꞌa na.

Hebreos 11:26

Ra xaꞌa ña kan ke kindoo ka va ini ra ña ndoꞌo ra ta kuꞌva ndoꞌo Tata yo Jesucristo, nuu ña ^kuu ra ra kuika xiꞌin takundiꞌi ñaꞌa ña iyoo Egipto; saa chi ña xindiatu ra ndakiꞌin ra kuvi ña vaꞌa ña niꞌi ra nuu Tata yo Ndioxi va.

Hebreos 10:35

Xaꞌa ña kan ke na ndaköo ndo ña ndiaa ini ndo Tata yo Jesucristo, saa chi ña ndiaa ini ndo ra, ra ndachaꞌvi va ra ndoꞌo xaꞌa ña.

Hebreos 11:6

Ra na kundaa ini ndo, chi kuchïñu vi yo sa yo chiñu ña ^kusii ini Tata yo Ndioxi xiꞌin tu kuëe ndiaa ini yo ra, saa chi ña xiniñuꞌu sa takundiꞌi yuvi na kuyachin nuu Tata yo Ndioxi kuvi ña kandixa na ña iyoo va ra, ra ^taxi ra ña vaꞌa ndaꞌa yuvi na ndinuni ni kuyachin nuu ra.

Hebreos 1:1

Ra te kuiya xinaꞌa, ra mii va Tata yo Ndioxi kuvi ra taxi tuꞌun ra ndaꞌa tiaa, ndia ndikaꞌan ndoso tuꞌun yuꞌu ra, ra kuaꞌa ni va ichi ndikaꞌan ndia ña, ra kuaꞌa ni tu kuꞌva ndikaꞌan va ndia ña, xiꞌin na xii xikua yo;

Hebreos 12:25

Ra xaꞌa ña kan ke kuenda ni na koo ndo, ra na kandixa va ndo ña kaꞌan Tata yo Ndioxi xiꞌin ndo. Saa chi tu ndikäku na ñuu Israel xaꞌa ña ndixïin na kandixa na ña ndikaꞌan ra Moisés xiꞌin na, ra ra kan ra iin tiaa taꞌan mii va yo kuvi ra, saa ra ndiee ni ka va kaa tundoꞌo niꞌi yoo tu na kuïin yo kandixa yo tuꞌun ña kaꞌan Tata yo Ndioxi xiꞌin yo.

2 San Pedro 1:19

Ra xaꞌa ña xini ndi xiꞌin xaꞌa tuꞌun ña xini soꞌo va ndi kuvi ña ndinuni ni ka va kandixa ndi ña kuu tuꞌun Tata yo Ndioxi ña tiaa ndia ndikaꞌan ndoso tuꞌun yuꞌu ra xinaꞌa ña ndaa. Ndoꞌo, ra vaꞌa ni va xa ndo ña kandixa ndo ña tiaa ndia, saa chi tuꞌun ña tiaa ndia, ra ta kuꞌva iyoo ñuꞌu ña tuun ña vaꞌa kaka yo nuu ñaa va ke iyoo ña, ra xiniñuꞌu na kandixa ndo ña iin saa ndia te na xaa kii ña ndayeꞌe Tata yo Jesucristo nima ndo, ra sañaꞌa ra ndoꞌo xaꞌa takundiꞌi ña kuu mii Tata Ndioxi.