Hebreos 1:3 - Mixteco Metlatónoc

³ Ra mii Tata yo Jesucristo va kuvi ra ^ndañaꞌa ndiee kaꞌnu, ña nduvi ni kuu mii Tata yo Ndioxi; ra Tata yo Jesucristo, ra iin takundiꞌi ñaꞌa, ña ^kuu mii Tata yo Ndioxi kuvi tu ña ^kuu mii ra yoꞌo va; ra mii Tata yo Jesucristo kuvi tu ra ^tiin takundiꞌi ñaꞌa ña iyoo nuu ña yuuvi yoꞌo va, ña kan ke vaꞌa iyoo ña; ra xiꞌin ndiee kaꞌnu ña ^kuu mii tuꞌun va ra ke tiin ra ña. Ra te ndiꞌi ndakatia ra kuachi yo, ra saa nandaa ra ndivi nuu íin tiayu kaꞌnu, nuu nduꞌu Tata ra Ndioxi, ra ndakunduꞌu ra xiin kuaꞌa va ra.

Hebreos 1:3 Referans Kwoze

Apocalipsis 4:11

Tata, yoꞌo kuvi Ndioxi ndi, ra kuu mii kun ndiayu ña ^ndasakaꞌnu ndi yoꞌo, ra ^kañuꞌu ndi yoꞌo, chi yoꞌo kuvi ra kuu mii ndiee, ra yoꞌo kuvi ra xavaꞌa takundiꞌi va ñaꞌa ña iyoo, ra ndiayu yoꞌo ke iyoo va ña, chi yoꞌo ku ra xavaꞌa va ña, ^kachi na xikuaꞌa kan.

San Juan 1:14

Ra ña kuu tuꞌun kan ke nduu iin tiaa va, ra ra kan kuvi ra kixi ndixiyo nuu ña yuuvi yoꞌo va. Ra xini nuu va ndi ndiee ña taxi iva ra ndaꞌa ra, ña kuu ra ra mituꞌun, ra ndañaꞌa ra mii ra nuu ndi ña kuu ra ra ndaa, ra kuꞌvi ni ini ra xini ra yoo.

2 Corintios 4:4

Saa chi xaꞌa ña kuëe kandixa na Ndioxi va kuvi ña sakuaa timiaꞌa, ri kuu ndioxi na yuuvi yoꞌo, ña xinituni na, ña vaꞌa na küni na ñuꞌu yeꞌe ña kuu tuꞌun Ndioxi, ña kuu mii ndiee, ña kuu kuenda Cristo, ra kuu naꞌna mii Ndioxi, ra tiaku.

Hebreos 12:2

Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiꞌin kuaꞌa nuu iin tiayu kaꞌnu nduꞌu Tata yo Ndioxi.

San Juan 1:4

Ra ra kan kuvi ra ^taxi ña tiaku yuvi, ra ña tiaku kan kuvi ñùꞌù ña ^ndatuun nuu takundiꞌi na yuuvi yoꞌo va.

Hebreos 10:12

Ndi su Tata yo Jesucristo, ra kuu sutu ra kuchee, ra takua indaa ichi va kuvi ña ndisoko ra mii ra nuu Tata yo Ndioxi xaꞌa kuachi yo, ra ndia ndikaa ndikuꞌun va kuvi ña xa ra ña. Ra te ndiꞌi saa ndakunduꞌu ra xiin kuaꞌa tiayu kaꞌnu nuu nduꞌu Tata yo Ndioxi va.

Judas 1:25

Ra na ndasakaꞌnu yo Tata yo Ndioxi, saa chi indaa ra kan va kuvi Ndioxi, ra ^sakaku ra yoo xaꞌa ña xa Tata yo Jesucristo. Ra takundiꞌi ña kaꞌnu, xiꞌin ña toꞌo, xiꞌin ndiee, xiꞌin ndiayu, ra kuenda mii Tata yo Ndioxi kuvi takundiꞌi va ña ndia te yachi, ra saa tu vichin va, iin saa ndia ndikaa ndikuꞌun va. Saa koo.

Hebreos 9:26

Ndi su tu ña ndixiniñuꞌu kuvi ña tuku tuku soko Tata yo Jesucristo mii ra, saa ra te sakan chituni Tata yo Ndioxi ña yuuvi yoꞌo vi kuvi ña tuku tuku soko ra mii ra; ndi su ndia kii ña kuyachin ndiꞌi xaꞌa ña yuuvi vichin va kuvi ña kixi ra indaa ichi, ña sandiꞌi ra xaꞌa kuachi yuvi xaꞌa ña ndisoko ra mii ra ña ndixiꞌi ra.

1 San Juan 1:7

Ndi su tu vivii va ^xa yo, xaꞌa ña xa iyoo yo nuu iyoo ñùꞌù yeꞌe, ta kuꞌva iyoo mii Tata yo Ndioxi ña ^xa ra ña ndaa, xaꞌa ña kuu mii ra ñùꞌù yeꞌe, saa ra iin yuꞌu kuvi takundiꞌi va yo, saa ra xa ndiꞌi tu xaꞌa takundiꞌi kuachi va yo xaꞌa ña ndixitia nii Tata yo Jesucristo, ra kuu seꞌe Tata yo Ndioxi.

Hebreos 4:14

Ra Tata yo Jesús, ra kuu seꞌe Tata yo Ndioxi kuvi ra kuu sutu ra kuchee vaꞌa nuu yo, ra ra kan kuvi tu ra nandaa ndivi va, ra xaꞌa ña kan ke xiniñuꞌu ni, na kundikun yo ra xiꞌin ndinuni nima yo.

1 San Juan 3:5

Ra xa̱ ^kundaa va ini ndo, chi Tata yo Jesucristo kuvi ra kixi ña sandiꞌi ra xaꞌa kuachi va yo, ra ra kan, ra ndia nii kuachi ra köo.

2 San Pedro 1:16

Ra ña sañaꞌa ndi ndoꞌo, xaꞌa ndiee Tata yo Jesucristo, xiꞌin xaꞌa kii ña kixi ra, ra süvi iin tuꞌun chiꞌña ña ndisandaku mii ndi kuvi ña, chi ña xini nuu mii va ndi kuvi ña kaꞌnu ni Tata yo Jesucristo ña kan va ke sañaꞌa ndi ndoꞌo.

1 San Pedro 3:22

Ra Tata yo Jesucristo, ra ndivi va ke nandaa ra, ra ndakunduꞌu ra xiin kuaꞌa tiayu kaꞌnu nuu nduꞌu Tata yo Ndioxi, ra xaꞌndia ra chiñu nuu na tatun Tata yo Ndioxi, ra saa tu nuu takundiꞌi ndiee ña xaꞌndia chiñu ndivi, ra saa tu nuu ndiee ña xaꞌndia chiñu nuu ña yuuvi yoꞌo va.

1 San Pedro 1:21

Ra xaꞌa ña ndixiꞌi Tata yo Jesucristo kuvi ña vaꞌa ndakundikun ndo Tata yo Ndioxi, ra mii Tata yo Ndioxi kuvi ra sandatiaku Tata yo Jesucristo nuu ña ndii va, ra ndasa ra ra iin ra kaꞌnu ni; ra xaꞌa ña kan ke ^ndiaa ini ndo Tata yo Ndioxi ña taxi va ra ñaꞌa ña kindoo ra taxi ra ndaꞌa ndo.

Hebreos 8:1

Ra takundiꞌi ña kaꞌan yu xiꞌin ndo yoꞌo, ra suꞌva va ke iyoo ña: Tata yo Jesús, ra kuu sutu, ra kuchee, ra ndivi va kuvi ña iyoo ra, ra nduꞌu ra chi xiin kuaꞌa nuu iin tiayu kaꞌnu nuu nduꞌu Tata yo Ndioxi.

San Marcos 16:19

Ra te ndiꞌi ndikaꞌan Iva yo Jesús takundiꞌi ña yoꞌo xiꞌin ndia, saa ra ndakuita ra kuanuꞌu ra ndivi va, ra ndakunduꞌu ra chi xitia kuaꞌa Ndioxi.

Apocalipsis 3:21

Ra na kuchuun sakanaa nuu ña väꞌa, ra taxi yu kundee na xiꞌin yu nuu nduꞌu yu xaꞌndia yu chiñu, ta kuꞌva xa̱ yu ña xakanaa yu nuu ña väꞌa, ra ni̱niꞌi yu ndakunduꞌu yu xiꞌin Iva yu nuu xaꞌndia ra chiñu.

Hebreos 7:27

Ra Tata yo Jesús, ra kuëe iyoo vi ra ta kuꞌva ndixiyo ndia sutu ndia kuchee te yachi, saa chi ndia kan ra ndiakua xiniñuꞌu xiꞌna ka vi xaꞌa kuachi mii ndia kuvi ña xaꞌni ndia kiti ndisoko ndia ta iin iin kii; ra te xa ndiꞌi soko ndia ri xaꞌa kuachi mii ndia, saa vi kuvi ña ^xaꞌni ndia ri soko ndia xaꞌa kuachi na ñuu. Ndi su Tata yo Jesús, ra takua indaa nuu ichi va kuvi ña ndisoko ra mii ra xaꞌa yo, ra ndia nii ka ichi ndïko ka ra ña soko tuku ra mii ra xaꞌa yo.

Hechos 2:33

Ra nadaa ra ndivi ndakunduꞌu ra xitia kuaꞌa Ndioxi ña ^xaꞌndia ra chiñu vichin; ra ndakiꞌin ra Tachi Yii ndaꞌa Tata ra, ra tiꞌvi ra ña xaa ña sata ndi vichin, ra ta kuꞌva kindoo ra ke xa va ra. Ña kan ke vaꞌa xini ndo, ra xini tu soꞌo va ndo takundiꞌi ña kuu yoꞌo vichin, ra mii va Jesús kuvi ra ^xa ña.

San Juan 1:29

Saa kuu ndiyaꞌa iin kii, ra xini ra Juan ña kuyachin Jesús kuaꞌan ra nuu íin ra. Ra saa ndikaꞌan ra kachi ra saa: ―Kutoꞌni ndo, chi ra yoꞌo kuvi ra kuu ndikachi loꞌo ra kuu kuenda Ndioxi, ra ra yoꞌo kuvi ra sandiꞌi xaꞌa kuachi na yuuvi yoꞌo.

Colosenses 3:1

Ra ña xa ndatiaku ndo xiꞌin Cristo, ra ñaꞌa ña iyoo ndivi nuu iin tiayu kaꞌnu nuu nduꞌu ra xiin kuaꞌa Tata yo Ndioxi va kuvi ña na kundiꞌi ini ndo xaꞌa.

Romanos 8:34

¿Ra yoo kuvi na kuchuun taxi tundoꞌo ndaꞌa yo xaꞌa kuachi yo? Ndia nii na. Saa chi Cristo va kuvi ra ndixiꞌi; ra ndatiaku va tu ra, ra ^nduꞌu tu ra chi xitia kuaꞌa Tata yo Ndioxi va, ra ^xaku ndaꞌvi tu ra nuu ra xaꞌa va yo.

Hechos 7:56

Ra saa ndikaꞌan ra kachi ra saa: ―¡Nuña ndivi ^xini yu vichin, ra ^xini tu yu Jesús ra kixi ña yuuvi yoꞌo va ña ndichi ra xitia kuaꞌa Ndioxi! ―kachi ra.

Romanos 1:16

Yuꞌu, ra kukäꞌan nuu yu ña kaꞌan ndoso yu tuꞌun vaꞌa xaꞌa Jesucristo, saa chi ndiee Ndioxi ña ^sakaku takundiꞌi yuvi na ^kandixa Jesucristo va kuvi ña. Ra tuꞌun vaꞌa xaꞌa Jesucristo yoꞌo, ra nuu na judío ke xiꞌna ni ka xa̱a ña, ndi su xa saa xiniñuꞌu kuꞌun tu ña nuu na küu judío va.

Hebreos 9:16

Ra xa kundaa va ini ndo, chi tu ndia na, na ndakoo iin tutu ndaꞌa seꞌe na ña ^kaꞌan ña xaꞌa na, ña ndakiꞌin na ndia ndia ka ñaꞌa, ra te xa xiꞌi vi yuvi na ^xavaꞌa tutu kan kuvi ña ndiaa yaꞌvi ña.

San Mateo 22:24

―Tata Maestro, ndiayu ña ndakoo ra Moisés ndaꞌa ndi, ra suꞌva va ke kachi ña: “Tu ndia iin tiaa ra iyoo yasiꞌi, ra ndikäku seꞌe ra xiꞌin ña, ra ndixiꞌi va ra, saa ra xiniñuꞌu na ndakiꞌin inka ñani ra ñaꞌa kan, ra ta xa na kaku seꞌe ra xiꞌin ña, ra ta iyoo seꞌe ra ndixiꞌi kan va, na koo ña kaku kan”, kachi ndiayu ña ndakoo ra Moisés.

Tito 2:14

Ra mii Tata yo Jesucristo kuvi ra ndixiꞌi xaꞌa yo, ña sakaku ra yoo nuu takundiꞌi chiñu kiꞌvi va, ra ndakatia tu ra kuachi va yo, ña vaꞌa na kuu yo na ñuu ra, ra ndataxi tu yo mii yo ña sa yo chiñu vaꞌa ña kuni mii va ra.

Hebreos 1:13

Ra Tata yo Ndioxi, ra ndia nii na tatun ra ndikäꞌan ra xiꞌin, ta kuꞌva ndikaꞌan ra xiꞌin Tata yo Jesucristo, ña kachi ra suꞌva: Naꞌa kunduꞌu kun xitia kuaꞌa yu, ra na sandiꞌi yu xaꞌa takundiꞌi na iyoo kuachi xiꞌin kun, kachi ra.

2 San Pedro 1:17

Ra mii va Tata yo Ndioxi kuvi ra taxi ña kaꞌnu, xiꞌin ña toꞌo ndaꞌa Tata yo Jesucristo, ra suꞌva ke kachi ra ndikaꞌan ra te taxi ra ña ndaꞌa ra: “Ra yoꞌo kuvi seꞌe yu, ra kusii ni ini yu xiꞌin ra”, kachi ra.