Gálatas 6:7 - Mixteco Metlatónoc

⁷ Ra na sandäꞌvi ndo mii ndo, saa chi ndia nii yuvi küvi sasiki Ndioxi. Saa chi ta kuꞌva iyoo mii chiñu ña xa na ke koo kuiꞌi ña ndakiꞌin va na.

Gálatas 6:7 Referans Kwoze

2 Corintios 9:6

Ra na ndakaꞌan ndo xaꞌa ña kaꞌan yu xiꞌin ndo yoꞌo, chi ña ndixa va kuvi ña: Yuvi na loꞌo ni ^chiꞌi, ra loꞌo ni tu ñaꞌa ^ndakiꞌin va na; ra yuvi na viꞌi ni ^chiꞌi, ra viꞌi ni tu ñaꞌa ^ndakiꞌin va na.

1 Corintios 15:33

Ndi su na kandïxa ndo ña kaꞌan na xiꞌin ndo, saa chi na sandaꞌvi ndoꞌo va kuvi na. Ta kuꞌva kachi tuꞌun ndichi ña kachi suꞌva: “Tu na kutaꞌan kun xiꞌin yuvi kiꞌvi, saa ra sandiꞌi va na xaꞌa ña vaꞌa ña xa yunaꞌa kun ^xa kun, kachi ña.”

Efesios 5:6

Ra tu kaꞌan sava na xiꞌin ndo ña vaꞌa va sa ndo chiñu yakua, ra na täxi ndo ña sandaꞌvi na ndo, saa chi yuvi na ^xa chiñu yakua ra xïin na kandixa na Ndioxi, ra ^sandoꞌo va ra na.

1 Corintios 6:9

¿A kundäa ini ndo ña küvi vi koo yuvi na xa chiñu kiꞌvi nuu xaꞌndia Ndioxi chiñu? Ra na sandäꞌvi ndo mii ndo, chi xa kundaa va ini ndo, chi nuu xaꞌndia Ndioxi chiñu, ra küvi vi koo yuvi na xika sii, na ndikun Ndioxi ndii, xiꞌin tiaa ndia xa siki yasiꞌi, a na siꞌi va tu, xiꞌin tiaa ndia kixi xiꞌin inka tiaa, xiꞌin tiaa ndia ndusiꞌi xiꞌin inka tiaa,

San Lucas 16:25

Ra saa ndakuiin ra Abraham kachi ra saa: “Na ndakaꞌan kun, chi ta ndixiyo kun ña yuuvi, ra vaꞌa ni va ndixiyo kun, saa chi ndixiyo ndiꞌi va ñaꞌa ña kuni kun. Ndi su ra Lázaro, ra ndoꞌo ni va ini ra yoꞌo. Ra vichin ra vaꞌa ni va kee ra, ra yoꞌo tu ndoꞌo ni ini va.

Santiago 1:22

Ra kuëe takua na tiaa kuiti soꞌo ndo tuꞌun Tata yo Ndioxi, chi ña xiniñuꞌu ke na sa ndo ña kaꞌan va ña. Saa chi tu takua na kuni soꞌo va ndo ña, ra sä ndo ña kaꞌan ña, saa ra na sandaꞌvi mii va kuvi ndo.

1 San Juan 3:7

Ñani mii yu, na iyoo ta kuꞌva iyoo seꞌe yu, täxi ndo ña sandaꞌvi ndia nii yuvi ndoꞌo xaꞌa ña yoꞌo; saa chi yuvi na xa chiñu vaꞌa, ra ta kuꞌva iyoo mii Tata yo Jesucristo ña kuu ra ra vaꞌa ke iyoo va na.

Gálatas 6:3

Saa chi tu na ndakani ini ndo ña kuu ndo na xiniñuꞌu ni, ra küvi chindiee taꞌan ndo xiꞌin inka yuvi, saa ra na sandaꞌvi mii va kuvi ndo, saa chi kuëe kuu vi ndo yuvi na xiniñuꞌu ni.

Santiago 1:26

Ra tu sava yuvi xa ndañaꞌa mii ña ndikun na ichi Tata yo Ndioxi, ra xäꞌnu na mii na xiꞌin tuꞌun ña kaꞌan na, saa ra na sandaꞌvi mii va kuvi na, saa chi köo yaꞌvi ndiaa vi ichi ña ndikun na nuu Tata yo Ndioxi.

1 Corintios 3:18

Ra na sandäꞌvi ndo mii ndo. Chi tu sava ndo tuvi ña ndichi ni ndo xiꞌin ña ndichi ña iyoo nuu ña yuuvi yoꞌo, saa ra ña xiniñuꞌu sa ndo ke na nduu ndo ta kuꞌva iyoo yuuvi na xïni vaꞌa xaꞌa ñaꞌa ña iyoo nuu ña yuuvi yoꞌo va, ra saa ke kuvi nduu ndo na ndichi ndixa nuu Ndioxi.

1 San Juan 1:8

Ra tu kaꞌan yo ña kuëe xa yo ndia nii chiñu kiꞌvi, saa ra na sandaꞌvi mii va kuvi yo, ra nii kundäa tu ini yo xaꞌa ña ndaa ña ndañaꞌa Tata yo Ndioxi va.

San Lucas 21:8

Saa ndakuiin Jesús, kachi ra saa xiꞌin ndia: ―Kuenda ni koo ndo ra täxi ndo sandaꞌvi na ndoꞌo. Saa chi kuaꞌa ni na kixi ra kuniñuꞌu na kivi yu ña sandaꞌvi na ndoꞌo, ra kaꞌan na xiꞌin ndo, kachi na saa: “Yuꞌu ku Cristo; ra vichin ke nditandiaa kii ndiꞌi xaꞌa ña yuuvi yoꞌo”, kachi na. Ra na kandïxa ndo na, ña ndakundikun ndo na.

Judas 1:18

ña kachi ndia suꞌva: “Te xa na xaa kii ña ndiꞌi xaꞌa ña yuuvi, ra koo kuaꞌa ni yuvi na sa siki ñaꞌa ña yii, ra sa tu na chiñu ña kutoo ni iki kuña na sa va ña”, kachi ndia.

2 Tesalonicenses 2:3

Ra xaꞌa ña kan ke ndia nii loꞌo na täxi ndo sandaꞌvi na ndoꞌo. Saa chi te xa na xaa kii ña nandiko tuku Tata yo Jesucristo kixi ra, ra xiꞌna ka va na sáa̱ ini xini Ndioxi kuvi na ndakuita kanitaꞌan xiꞌin ra, ra mii kii kan ke ndita tuvi tu ra ndivaꞌa ra chituni Tata yo Ndioxi ndiꞌi xaꞌa va.