Gálatas 6:2 - Mixteco Metlatónoc

² Ra na chindiee taꞌan ndo xiꞌin taꞌan ndo ña kuiso ndo tundoꞌo ña ndoꞌo na, saa chi tu saa na sa ndo, ra ndiayu Cristo va kuvi ña saxinu ndo.

Gálatas 6:2 Referans Kwoze

Romanos 15:1

Xaꞌa ña kan ke, yoo, na xa xixa ini xiꞌin tuꞌun Ndioxi, ra na ndakiꞌin mani va yo, na ñani yo na vita ini, na täan kundaa vaꞌa ini xiꞌin tuꞌun Ndioxi, ra na kundïꞌi ini yo takua xaꞌa mii yo.

1 Tesalonicenses 5:14

Ra xaku ndaꞌvi tu ndi nuu ndo, ñani yo, ña na taxi ndo tuꞌun iyo nuu na ñani yo na xïin sachiñu va, ra na taxi tu ndo tuꞌun ndiee ini ndaꞌa na nandiko ini va, ra na chindiee taꞌan tu ndo xiꞌin na kuvita ini va, ra na säa kama ni ndo xiꞌin ndia nii yuvi.

San Juan 13:34

Ra ndiayu xaa ña ^ndakoo yu ndaꞌa ndo ke yoꞌo: na kuꞌvi ni ini ndo kuni taꞌan ndo. Ra ta kuꞌva ^kuꞌvi ini yuꞌu xini yu ndoꞌo, saa ke na sa tu ndoꞌo va, ña kuꞌvi ni ini ndo kuni taꞌan ndo.

1 San Juan 4:21

Ra suꞌva ke iyoo ndiayu ña xaꞌndia Tata yo Ndioxi nuu yo: Tu kuꞌvi ini yo xini yo ra, saa ra xiniñuꞌu tu na kuꞌvi ini yo kuni taꞌan va yo.

Santiago 2:8

Ra tu ndixa na kandixa ndo ndiayu kaꞌnu ña taxi Tata Ndioxi, ña kaꞌan kachi suꞌva: “Na kuꞌvi ini kuni kun yuvi ta kuꞌva kuꞌvi ini kun xini kun mii kun”, kachi ña, saa ra vaꞌa ni va ^xa ndo.

San Juan 15:12

Ra ndiayu ña taxi yu ndaꞌa ndo kuvi ña: na kuꞌvi ni ini ndo kuni taꞌan ndo, ta kuꞌva ^kuꞌvi ini yuꞌu xini yu ndoꞌo va.

1 San Pedro 2:24

Ra te ndixiꞌi Tata yo Jesucristo ndika cruz, ra xiin va ra ña ndakundee takundiꞌi kuachi yo, sata iki kuñu ra, ra ikan kuvi ña ndixiꞌi ra ña vaꞌa sandiꞌi ra xaꞌa kuachi yo, ra xaꞌa ña ndixiꞌi ra xaꞌa yo kuvi ña xiniñuꞌu na ndakoo va yo ña xa yo chiñu kiꞌvi, ra na kutiaku yo ña sa yo chiñu vaꞌa. Ra xaꞌa ña nditaxin iki kuñu Tata yo Jesucristo kuvi tu ña sandaꞌa ra ndoꞌo va.

San Mateo 8:17

Ra suꞌva ke kuu ña ndixinu nuu tuꞌun Ndioxi ña ndikaꞌan ra Isaías ra ndikaꞌan tuꞌun yuꞌu Ndioxi xinaꞌa ña kachi suꞌva: “Mii Ndioxi kuvi ra kindiaa takundiꞌi kueꞌe ña xiꞌi yo, ra sandiꞌi tu ra xaꞌa ña kuꞌvi va yo”, kachi ña.

Gálatas 6:5

Saa chi ta iin iin yuvi ra mii va na kuvi na ndiso xiꞌin chiñu ña xa na.

1 Corintios 9:21

Ra ta íin tu yu xiꞌin yuvi na kuëe ndikun ndiayu Ndioxi ña ndakoo ra Moisés, saa ra nduu tu yu ta kuꞌva iyoo na kan va, ña vaꞌa na chindiee taꞌan yu xiꞌin na ña kandixa na Cristo, saa chi chiñu ña ^xaꞌndia mii Ndioxi va ke kandixa yu, chi xa ndiayu Cristo va ndikun yu.

Romanos 8:2

Saa chi ndiee ña kuu mii Tachi Yii va kuvi ña sakaku yoo nuu ndiee kuachi ña chikuꞌni yoo, ra saa tu nuu ndiee ña xaꞌni yoo va, xaꞌa ña xa nduu yo iin xiꞌin Cristo Jesús.

San Lucas 11:46

Saa ndakuiin Jesús, kachi ra saa xiꞌin ra: ―¡Saa iin tu ndoꞌo, ndia sañaꞌa ndiayu Ndioxi va! Saa chi sakuiso ndo yuvi iin ñaꞌa ña kundiëe na xiꞌin; ra mii tu ndo, ra ndia nii loꞌo ndïꞌi ini ndo kuiso ndo ña.

Santiago 1:25

Ndi su yuvi na kuëe naa ini xaꞌa tuꞌun Tata yo Ndioxi ña xini soꞌo na, ra xa na ña kaꞌan ña, saa ra vaꞌa ni va kee na. Saa chi tuꞌun Tata yo Ndioxi, ra ña ndaa va kuvi ña, ra saña ndika tu ña ndoꞌo nuu kuachi va.

Santiago 2:12

Xaꞌa ña kan ke, ndoꞌo, ñani yo, ra vivii va na sa ndo, ra vivii tu na kaꞌan va ndo; ra na ndakaꞌan ndo: chi mii va Tata yo Ndioxi kuvi ra sandaku kuachi ndo xiꞌin ndiayu ña saña ndika ndoꞌo.

2 San Pedro 2:21

Ra vaꞌa ni ka va kee ndia tu kuëe ndindakundikun vaꞌa ndia ichi ña ndaa, saa chi vichin, ra tiaa ni va ndoꞌo ndia xaꞌa ña ^ndakoo ndia ña kundïkun ka ndia ichi ña ndaa, xiꞌin xaꞌa ña kundasi ndia ña yii, ña kuu ndiayu Tata yo Ndioxi ña taxi ra ndaꞌa ndia.

2 San Pedro 3:2

Ra kuni tu yu ña na ndakaꞌan ndo xaꞌa tuꞌun ña ndikaꞌan ndia yii, ndia ndikaꞌan tuꞌun yuꞌu Tata yo Ndioxi xinaꞌa va, ra saa tu xaꞌa ndiayu Tata yo Jesucristo ña ^sañaꞌa ndia ^xika chiñu nuu va ra, ra sa ndo ña.