Gálatas 6:10 - Mixteco Metlatónoc

¹⁰ Xaꞌa ña kan ke na chindiee taꞌan yo xiꞌin takundiꞌi va yuvi ta kundaa ini yo ña xa mani nuu na, ndi su ña xiniñuꞌu sa yo ke na ndiꞌi ni ka va ini yo ña chindiee taꞌan yo xiꞌin na ñani yo na ndikun Cristo va.

Gálatas 6:10 Referans Kwoze

Hebreos 13:16

Ra na näa ini ndo ña sa ndo ña vaꞌa xiꞌin yuvi na xamani nuu, ra saa tu ña taxi ndo ñaꞌa ña iyoo nuu ndo ndaꞌa va na; saa chi ña ^xa ndo suꞌva, ra ta iyoo iin ñaꞌa va iyoo ña soko ndo nuu Tata yo Ndioxi, ra kusii ni ini ra xiꞌin ña.

1 Tesalonicenses 5:15

Ra na kiꞌin ni ndo kuenda xiꞌin mii ndo, ra tu ndia na na sa iin chiñu kiꞌvi xiꞌin ndo, ra na ndukuïin tu ndoꞌo ña sa ndo chiñu kiꞌvi xiꞌin na xa chiñu kiꞌvi xiꞌin ndo. Chi ña xiniñuꞌu sa ndo ke na sa nduxa ndo ña sa ndo ña vaꞌa xiꞌin taꞌan va ndo, ra saa tu xiꞌin takundiꞌi yuvi va.

Tito 3:8

Ra takundiꞌi tuꞌun ña kaꞌan yu xiꞌin kun yoꞌo, ra ña vaꞌa va kuvi ña ra na kondiaa ini kun ña, ra mii ña yoꞌo ke vivii na sañaꞌa va kun na ñani yo na ndikun Tata yo Ndioxi, ña vaꞌa na kundiꞌi ini na sa na chiñu vaꞌa. Ra tuꞌun ña kaꞌan yu xiꞌin kun yoꞌo, ra ña xiniñuꞌu ke nuu takundiꞌi va yuvi.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

Hebreos 6:10

Ra Tata yo Ndioxi, ra ra vaꞌa va kuvi ra; ra näa vi ini ra xaꞌa ña xa nduxa ni ndo ña xachiñu ndo nuu ra, ra saa tu ña ^ndakundiee ka ndo xachiñu ndo nuu ra vichin va, ña ^chindiee taꞌan ndo xiꞌin na veꞌe ñuꞌu, xaꞌa ña ^ndañaꞌa ndo mii ndo ña kuꞌvi ni ini ndo xini ndo na.

Efesios 2:19

Xaꞌa ña kan ke vichin, ra ndoꞌo, ra süvi ka vi yuvi na ndikee inka ñuu xika kuvi ndo, ra nii kuëe kuu tu ndo na xika ta ñuu ta ñuu va, chi vichin, ra xa iin nduu va ndo xiꞌin na yii na kuu ñuu Ndioxi, saa chi xa na veꞌe mii Ndioxi va ke nduu ndo.

San Juan 12:35

Ra saa ndikaꞌan tuku Jesús, kachi ra saa xiꞌin na: ―Vichin, ra iyoo ka va ñùꞌù xiꞌin ndo, ndi su saloꞌo ni va tiempo iyoo ña xiꞌin ndo. Ra ña iyoo ñùꞌù xiꞌin ndo vichin, ra na kaka va ndo, chi koto iin kama suꞌva xaa ña ñaa niꞌi ña ndoꞌo, chi yuvi na xika nuu ñaa, ra kundäa ini na ndia mii ku nuu kuaꞌan vi na.

San Lucas 6:35

Kuꞌvi ini ndo kuni ndo na saa ini xini ndoꞌo, ra sa ndo ña vaꞌa xiꞌin na. Ra tu chindiee ndo xuꞌun na ra ndiätu ini ndo ña ndakiꞌin ndo ña ndaꞌa na. Saa ke niꞌi ndo ña vaꞌa nuu Ndioxi, ra kunani ndo seꞌe Ndioxi ra kaꞌnu. Chi vaꞌa ni ini Ndioxi xiꞌin takundiꞌi va yuvi, nii na köo ña toꞌo kuvi na, ra nii na yuvi ñaꞌa kuvi va na.

San Juan 9:4

Ra yoo, ra xiniñuꞌu sa va yo chiñu ra tiꞌvi yuꞌu vaxi yu, ña kuu ka ña kaꞌñu, saa chi ta xa na kuu ñuu ra ndia nii ka yuvi küvi sachiñu vi.

Tito 2:14

Ra mii Tata yo Jesucristo kuvi ra ndixiꞌi xaꞌa yo, ña sakaku ra yoo nuu takundiꞌi chiñu kiꞌvi va, ra ndakatia tu ra kuachi va yo, ña vaꞌa na kuu yo na ñuu ra, ra ndataxi tu yo mii yo ña sa yo chiñu vaꞌa ña kuni mii va ra.

Filipenses 4:10

Ra ^sakusii ni va Tata yo Jesucristo ini yu xaꞌa ña ^ndakaꞌan tuku ndo xaꞌa yu. Ra ña kachi yu suꞌva, ra küni kachi yu ña naa ini ndo xaꞌa yu, saa chi ndixïyo mii kuꞌva, ña chindiee taꞌan ndo xiꞌin va yu.

San Mateo 12:50

Saa chi takundiꞌi yuvi na xanduvi ña kaꞌan Tata yu, ra nduꞌu ndivi va, kuvi na kuu ñani yu, xiꞌin kuꞌva yu, xiꞌin siꞌi yu ―kachi Jesús xiꞌin na.

3 San Juan 1:11

Ñani Gayo, na sä kun chiñu kiꞌvi ña ^xa inka yuvi, chi chiñu vaꞌa va ke na sa kun. Saa chi yuvi na ^xa chiñu vaꞌa, ra chiñu vaꞌa ña xa na ke ^kaꞌan xaꞌa na ña kuu na seꞌe Tata yo Ndioxi va; ndi su yuvi na ^xa chiñu kiꞌvi, ra chiñu kiꞌvi ña ^xa ke kaꞌan xaꞌa na ña ndïkun na Tata yo Ndioxi va.

Colosenses 4:5

Ra vivii va na kutiaku ndo nuu yuvi na kuëe kandixa Ndioxi, ra na chikaa ni ndo ndiee, saa chi saloꞌo ni va tiempo iyoo.

Efesios 5:16

Ra na sa nduxa va ndo, ña sa ndo chiñu ña kuni Ndioxi kii ña kuvi sa ndo ña vichin, saa chi kii ña ndee yo vichin, ra iyo ni va, saa chi iyoo ni kuachi.

1 San Juan 5:1

Ra takundiꞌi yuvi na kandixa Tata yo Jesús ña kuu ra Cristo, ra ndikaxin Tata yo Ndioxi kixi ndixiꞌi xaꞌa yo, ra na kan kuvi na kuu seꞌe Tata yo Ndioxi va; ra yuvi na kuꞌvi ini xini Tata yo Ndioxi, ra kuꞌvi tu ini na xini na yuvi na kuu seꞌe va ra.

Hebreos 3:6

Ndi su Tata yo Jesucristo, ra xaꞌa ña kuu ra seꞌe Tata yo Ndioxi, ra ndinuni ni va xaꞌndia ra chiñu nuu veꞌe Tata yo Ndioxi. Ra yoo va kuvi na kuu veꞌe kan, ra ndiaa ini yo ra ndia kii ndiꞌi va, ra kusii ni tu ini yo ña ndiatu yo ndakiꞌin yo ñaꞌa ña taxi ra ndaꞌa va yo.

San Marcos 3:4

Ra saa ndindakatuꞌun Jesús na ndee kan, kachi ra saa: ―¿Ni ke iyoo ndiayu sa yo kii yii: a ña vaꞌa, a ña väꞌa? ¿Ni ke vaꞌa sa yo: a chindiee taꞌan yo xiꞌin yuvi, a sandiꞌi yo xaꞌa na? ¿Ni ke vaꞌa tuvi ndoꞌo? ―kachi ra xiꞌin na. Ra ndia nii mii tuꞌun na ndindäkuiin.

Efesios 3:15

saa chi ra kan, kuvi ra xavaꞌa yoo na ndee nuu ñuꞌu yoꞌo, ra saa tu takundiꞌi na ndee ndivi va.

San Mateo 5:43

Saa ndikaꞌan ka ra kachi ra saa: ―Xa kundaa va ini ndo chi na xii xikua yo ra suꞌva va ke kachi na: “Kuꞌvi ini kun kuni kun na itaꞌan xiꞌin kun, ra na sáa̱̱ va ini kun kuni kun na sáa̱̱ ini xini yoꞌo”, kachi na.

San Mateo 10:25

Ra na sakan sakuaꞌa ra xiniñuꞌu na xaa na koo na ta kuꞌva iyoo maestro va na, ra saa tu iin na xachiñu tatu va chi xiniñuꞌu xaa tu na kan va ña kuu na ta kuꞌva iyoo xitoꞌo na. Ra kuni yu na kundaa ini ndo ña yoꞌo: chi tu yuꞌu, ra xaa yoꞌo, ra “ra ndivaꞌa” va kachi na xiꞌin yu, saa ra ndiee ni ka va kaꞌan na xaꞌa ndoꞌo, na ndikun sata yu ―kachi Jesús xiꞌin ndia itaꞌan xiꞌin ra.

Hechos 6:7

Ra iin nindutia ndoso tuꞌun Ndioxi kuaꞌan ña ini kuvi ñuu Jerusalén, ra iin ndisaa kii va ndukuaꞌa na ndakundikun Jesús, ra kuaꞌa ni tu ndia sutu judío va kandixa tuꞌun ña sañaꞌa ndia ndikun Jesús.

Gálatas 1:23

chi takua ña xini soꞌo na kuvi ña ndatuꞌun yuvi xaꞌa va yu, kachi na suꞌva: “Tiaa, ra kanitaꞌan xiꞌin yo, ra xa tuꞌun vaꞌa xaꞌa Tata yo Jesucristo va xika ra kaꞌan ndoso ra vichin, ra ta yachi, ra ndixika nduku ni ra ña sandiꞌi ra xaꞌa ña”, kachi na.

Efesios 4:28

Ra ndoꞌo, na xikuu na kuiꞌna, ra na sakuïꞌna ka ndo vichin, chi ña xiniñuꞌu sa ndo ke na sachiñu ndo xiꞌin ndaꞌa va ndo, ña vaꞌa na koo ñaꞌa nuu ndo ña chindiee taꞌan ndo xiꞌin na ndaꞌvi.

1 Tesalonicenses 5:21

Chi ña xiniñuꞌu ke na kuni soꞌo ndo takundiꞌi va ña kaꞌan na. Ra na ndakiꞌin ndo ña vaꞌa va.

1 San Pedro 2:5

Ra saa kuvi tu ña iyoo ndoꞌo va, ña iyoo ndo ta kuꞌva iyoo yuu ña tiaku ra xiniñuꞌu Tata yo Ndioxi ndoꞌo, ña xavaꞌa ra veꞌe ñuꞌu yii ña küvi kuni yo. Ra kuu tu ndo sutu na yii nuu va ra. Ra soko ndo ña yii ña kuni mii ra nuu ra, xaꞌa ña xa Tata yo Jesucristo.

1 San Pedro 4:17

Saa chi vichin, ra xa nitandiaa va kii ña sayukun Tata yo Ndioxi kuachi xiꞌin takundiꞌi na yuuvi yoꞌo, ra vichin, ra ndia yoo na kuu na ñuu va ra kuvi na taxi ra ndiayu ña sandoꞌo na yoo, ra tu saa xa ra xiꞌin yoo, saa ra ndiee ni ka va tundoꞌo taxi ra ndaꞌa yuvi na ndixïin kandixa tuꞌun ra.

3 San Juan 1:3

Ra tiaa ni kusii ini yu ña ndatuꞌun sava na ñani yo na kixi yoꞌo xiꞌin yu xaꞌa kun ña ndinuni ni ndikun kun ña ndaa, xiꞌin ña xa kun chiñu vaꞌa.

3 San Juan 1:10

Ra xaꞌa ña kan ke, te xa na xaa vi yu ñuu xaan ke ndaꞌyu yu nuu ra Diótrefes nuu takundiꞌi na veꞌe ñuꞌu xaꞌa chiñu kiꞌvi ña ^xa ra, saa chi takundiꞌi ña ^ndatuꞌun ra xaꞌa yu xika ra, ra niña tuꞌun chiꞌña va kuvi ña. Ra süvi takua ña yoꞌo ke ^xa ra, chi xïin tu ra ndakiꞌin mani ra na ñani yo na kee inka ñuu xika kaꞌan ndoso tuꞌun vaꞌa xaꞌa Tata yo Jesucristo va, ra tu ndia tu na ^kuni ndakiꞌin mani na, ra ña ^xa ke kaꞌan ra xiꞌin na ña na ndakïꞌin mani va na na, ra tu xïin na kandixa na ña kaꞌan ra, saa ra ^tava ra na veꞌe ñuꞌu va.

2 Corintios 2:8

Xaꞌa ña kan ke xaku ndaꞌvi yu nuu ndo, ña na ndañaꞌa ndo mii ndo nuu ra, ña kuꞌvi ini ndo xini ndo ra.