Gálatas 4:25 - Mixteco Metlatónoc

²⁵ Ra ña Agar kan kuvi ña ndañaꞌa iku Sinaí ña íin chi Arabia va, ra iku kan kuvi ña ndañaꞌa tu ñuu kaꞌnu Jerusalén ña iyoo ta kuꞌva iyoo yuvi na xachiñu ndaꞌvi xiꞌin seꞌe va.

Gálatas 4:25 Referans Kwoze

Hebreos 12:18

Ra na kundaa ini ndo, chi xa siin va ^xa Tata yo Ndioxi xiꞌin yoo nuu na xii xikua yo, saa chi na kan, ra xa siin va xa ra xiꞌin na te taxi ra ndiayu ra ndaꞌa na iku ña nani Sinaí. Ra ña ^kuyachin ndo nuu Tata yo Ndioxi vichin, ra kuëe kuyachin vi ndo nuu ndiee ni xika tachi, nuu iin ña ñaa kaa, nuu íin iku ña kana iꞌma xini ña xixi ña;

Gálatas 1:17

ra nii ñuu Jerusalén tu ndixäꞌan vi yu ña sakuaꞌa yu nuu ndia xika chiñu nuu Jesús, ndia xa yachi ka ndikaxin ra nuu yuꞌu, chi ña xa yu ke ndikun kee yu ndixaꞌan yu chi Arabia va, ra ta ndiꞌi, saa nandiko tuku yu ñuu Dasmasco va.

Hechos 1:11

Ra ndikaꞌan ndia xiꞌin ndia kachi ndia saa: ―Ndoꞌo, ndia ñuu Galilea, ¿nichuun ke iin kua̱ꞌa̱n ini ndo ixtondiaa ndo ndivi ndíta ndo? Ra na kundaa ini ndo chi iin ta kuꞌva kuu ña kuaꞌan Jesús chi ndivi, ra iin saa ke kuu tu te xa na nandiko ra kixi tuku va ra ―*kachi ndia xiꞌin ndia.

San Lucas 19:44

Ra kaꞌni ndiꞌi va na seꞌe vali ndo, ra ndia nii nuu ndita veꞌe ndo ke kuñäꞌa ka vi; saa chi ndixïin ndo ña sakaku yu ndoꞌo, kii ña xaa yu sakaku yu ndoꞌo vichin ―kachi Jesús xiꞌin na.

San Lucas 13:34

Ra saa ndikaꞌan ka Jesús kachi ra saa: ―¡Ndoꞌo, na ñuu Jerusalén, kuvi na ^xaꞌni na kaꞌan ndoso tuꞌun yuꞌu Ndioxi, ra xakin ndo yuu na tiꞌvi Ndioxi vaxi! ¡Kuaꞌa ni ichi kuni yu ndachitaꞌan yu ndoꞌo, ta kuꞌva ^xa iin nduxi xiꞌin seꞌe vali ri ña ^ndataan ri ri tixi ndixin ri, ndi su ndixïin ndo!

San Mateo 23:37

Saa ndikaꞌan Jesús kachi ra saa: ―¡Kusuchi ni ini yu xaꞌa ndoꞌo na ñuu Jerusalén, saa chi väꞌa vaꞌa vi ^xa ndo, chi xaꞌni ndiꞌi va ndo na kaꞌan tuꞌun yuꞌu Ndioxi, ra xakin tu ndo yuu na tiꞌvi Ndioxi vaxi nuu va ndo! ¡Ra kuaꞌa ni va ichi kuni yu ndakaya ndiꞌi yu ndoꞌo ña sakaku yu ndoꞌo, ta kuꞌva ^xa iin nduxi xiꞌin seꞌe vali ri, ta ndataan ri ri tixi ndixin ri, ra saa ke kuni yu sa yu xiꞌin ndo, ndi su ndixïin ndo!

Gálatas 4:24

Ra ña yoꞌo, ra ta kuꞌva iyoo iin tuꞌun ndichi va ke iyoo ña. Uvi saa na siꞌi yoꞌo, kuvi uvi ña kindoo Ndioxi va. Ra ña nani Agar ña xachiñu ndaꞌvi kan kuvi ña ndañaꞌa iku ña nani Sinaí, nuu ndakiꞌin na xii xikua yo ndiayu Ndioxi ña ndakoo ra Moisés, ra nduu na na xachiñu ndaꞌvi va.

Gálatas 4:26

Ndi su ñuu Jerusalén ña iyoo chi ndivi va kuvi ña ndañaꞌa ña Sara ña kuëe ndixachiñu ndaꞌvi; ra seꞌe ñuu Jerusalén ña iyoo chi ndivi kan va kuvi yoo.